|
|
بصراحه انا كتبت هالموضوع من القهروالله
بقولكم القصه من البدايه وابيكم تدعون حق اختي
الله يسلمكم هالحجي قبل خمس سنوات اختي صارلها 18 سنه ماعندها يهال
عاد قررت اهي وزوجها يسوون اطفال انابيب عند الدكنوره معصومه بخصيد
والحمدالله نجحت العمليه واختي حملت ويابت ولدها بسلامه والحمد الله عاد اختي
لماصار عمر ولدها 3 سنوات فكرت انها تسوي العمليه مره ثانيه وعند الدكتوره معصومه
لانها مجمدتلها وكلنا نعرف انه المجمد نسبة نجاحه اكبر المهم سوت العمليه ونطرت جم اسبوع
عشان تبين النتيجه انها حامل او لا وكانت اختي نفسيتهااااا تعبانه حييييييييييييييييييييييييل
من الانتظار والخوف وكان الدوا اللي تعطيها اياه الدكتوره وااايج ياثر على نفسيتها المهم
والااختي حاشتها دوخه ولوعت جبد كلنا فرحنا وقلنا انها حامل المهم سوت تحليل حمل وشنو
النتيجه انه فيها بو صفار بمعنى ثاني انزيمات الكبد مرتفعه ومافي حمال ولا بطيخ المهم المسجينه
اختي حولها الامراض الساريه يعالجونها المهم اهي خسرت صحتها وفلوسها مره وحده واكتشفنا
انه الدوا اللي عطتها الدكتوره يرفع انزيمات الكبد ويسوي عندها بو صفار المهم مرت الايام واختي تشافت والحمدالله
عاد برمضان هذا قررت انها تسوي العمليه مره ثانيه وعند نفس الدكتوره وسوت العمليه وقالتلها
نطري النتيجه وعطتها دواااا وكانت النتيجه تطلع اول يوم العيد وكنا كلنا ناطرين النتيجه المهم
سوت تحليل طلعتمو حامل قلنالها نطري شوي وخليج على العلاج يمكن يصير حمل قالت بس الدوا حيل
متعبني قلنا لها صبرتي كل هالمده صبري وبعد جم يوم تدرون شنو طلعت النتيجه
ارتفاع في انزيمات الكبد " بوصفار " مره ثانيه وماكو حمال ………
تدرون من شنو من الدوا اللي كتبته الدكتوره الليه يسامحها لانه كان نفس الدواااا
اللي كتبته لها المره اللي طافت …. وقرروا يودونها الامراض الساريه مره ثانيه
رفضت اختي جان يحولهاالدكتور مستشفى الاميري مركز ثنيان الغانم مال الجهاز الهضمي
وهالسالفه توها صارت ويوم اليمعه رحت بيتنا وكان ويهها اصفرررر وتعبانه حيييييييييييل
ادري طولت عليكم بس من القهر والله مو حرام عليها الله يسامحها
يعني مرتين خسرت صحتها وفلوسها مو حراااااااااااااام وليش الدكتوره
تسوي جذي يعني مافي ضمير ما في ذمه والا كل همها الفلوس وبس
والا شافت اختي ساكته قالت خل العب عليها
المهم ابيكم تدعووووون لها بالذريه الصالحه
خل تكلم الدكتوره
المفروض من اول مره تروح للدكتوره وتوريها نتيجه الفحص انه هالدوا اثر فيها ؟
الحمدلله على سلامتها
ولاااازم تكلمون الدكتوره
بس ليش راحتلها مره ثانيه مدام اغلطت بالدوا؟
الله يرزقها ان شالله الذرية الصالحة
هلا حبيبتي والله قلت حق اختي كلمي الدكتوره
قالت لا خلاص هذا اللي الله كاتبه
كويتيه مذهله
الله يسلمح ومشكوره على الدعاء اهي راحت لها مره
ثانيه لانها مجمدلتها البويضه واختي قالت خل اروح يمكن
عشان مالي خلق اسوي مره ثانيه التلقيح
Emanova
مشكوووره حبيبتي على المروووور
والله يسمع منج يارب
malaki
هلا حبيبتي
وآآآآآآآآآآآآآآآآآآآآمييييييييييييييين يااااااااااااارب
بس حبيبتي شنو الدوا اللي كانت تاخذه ؟؟يعني حبوب ولا تحاميل ولا شنو؟؟
و ياليت تسئلينها عن اسم الدوا بالضبط عشان نستفيد
بس انا من وجهة نظري ان اختج غلطانه لانها رجعت مرة ثانيه عقب اللي حاشها وخصوصا انها عطتها نفس الدوا !! اكيد اختج واعيه المفروض ما تكرر الغلط و تاخذ نفس الدوا واهيا تدري بالنتيجة
اختج بعد غلطت
ليش مااودت تقااريرها للدكتوره عشان تعرف ان هالدوا يسبب لها مشكله
وعسى ربي يعووضها يااارب ويفرح قلبها
أنا جربت معصومه من قبل الصراحه ماديه وتعطي الأدويه ما يهمها النتيجه أنا سببت لي حمل خارج الرحم وزميلتي نفس الشي سببت لها حمل خرج الرحم مرتين والحين ما تحمل الا بالأنبوب
والله اهي خوارة انا صارلي موقف معاها واختي بعد بصراحة ماعندها تشخيص الله يشفيها يارب
الله يرزقها بزرية الصالحة عاجلا غير اجلا يارب
وبالنسبه حق اختي ليش راحتلها مره ثانيه تقول لانها مجمدلتي وبصراحه قلت
يمكن المره الثانيه راح تضبط معااااي وكل الاطباء اللي شافوا اختي ققالولها
انه ارتفاع انزيمات الكبد بسبب العلاج اللي اصرفته الدكتوره الله يسامحها
وبصراحه حتى انا كنت اقول ليش اختي خذت الدوا مره ثانيه ؟؟ وماقدرت اسألها
لانه نفسيتها حدها تعباااانه وكنت اخاف اتحجى بهالموضوع ….
بس الدكتزره المفروووض متابعه حالتهااااا وتعرف شنو اللي يضرها وشنو يصلحلها
بس مانقول الا الله كريم والله يرزقها ان شاء الله