الله يرحم والديكم سؤال سريع وابي اجابه بس ضرووووري

شلونكم بنات شخباركم

بدش ع طووووول بالموضوع

انا حامل وبعد اسبوع بدش الثامن ان شالله يعني انا بالاسبوع ال30

المهم

اليوم ماتعشيت ومت جوع وقمت قبل نص ساعه وسويتلي صمون وهمبورغر وتعشيت

بس الصدمه عقب ماخلصت مادري شلون شفت التاريخ والا اليوم صارله 4 ايام خالصه صلاحيته (( منتهي )) 

طلعت صمونه من الجيس بشوف جان اشوف عفن شويه 

الحين قولولي شسوي ؟؟!! تتوقعون يضر الجنين ؟؟ انا عادي مومشكله بس مابي يصير بالبيبي شي

والله قمت اوسوس

للعلم اني اكلت صمونتييين 

ماادري حبيبتي ان شاللله مايصير فيكم الا العافيه

اكلي تمرر ٧ حبات او ٩

لا إن شاء الله عادي بس إذا ياج عوار بطن روحي مستشفى على طوول
وقولي الحين بسم الله الذي لا يضر مع اسمه شيء في الأرض ولا في السماء وهو السميع العليم ثلاث مرات

ان شالله مايصير للجنين شي يمكن بس تتعب معدتك شوي اشربي لبن وكثري وطمنينا

عادي لا تخافين لان سبحان الله الجسم فيه مواد تحارب السموم اللي تجي من برى اما صلاحيه المنتهيه

اي منتج غذائي يحطوا له الانتهاء قبل شهر من الانتهاء الحقيقي بعدين له 4 ايام لا تخافين

بعدين نص الحوامل ياكلون من هالمطاعم تلوووث وماتتدري المواد يمكن لها سنه منتهيه وماصار فيهم الا العافيه

انتي ارتااحي لان نفسيتك اذا فكرتي بتتعبي مسحي على بطنك واقراءي قران

وانتبهي عاد لا تعوديها لا تاكلي شيء الا وانتي متااكده منه زين

ادعيلي بان الله يثبتني ويهديني ويحقق مبتغااي

مادري بس بقولج انا بحمالي صارت فيني وما انتبهت الا عقب بيوم ان الصمون اللي كليته كان منتهي صارله يومين والحمدلله ما صار شي واذكر عضوة معانا شربت حليب منتهي وما تدري كانت باول شهور ورجعت والحمدلله الحين ولدت