الله يخليكم ساعدوني قرحه عنق الرحم

السلام عليكم
بنات اللي عنده فكره عن قرحه عنق الرحم لاتبخل علي
أنا رحت للدكتوره وقالتلي فيني قرحه كبيره في عنق الرحم ولازم يبيلي كي
وانا خايفه بصراحه ومادري شسوي ودخلت مواقع على الانترنت وعرفت انه في كي بارد وكي حار ابي وحده منكم تفيدني أي واحد احسن و اي مستشفى أفضل انا رحت مستشفى طيبه كلينك ….!
يعطيكم العافيه
برجاء الرد السريع لأنه موعدي بعد أسبوع من اليوم

ولله ما عندي فكرة عن هالشي نهائيا

بس انا ودي اسألج شنو حسيتس فيه الي خلاج اتروحين الطبيب وتفحصين ؟

ماتشوفين شر حبيبتي .. انا كانت فيني القرحه وكانت كبيره وسويت كي على مرحلتين عند الدكتوره نداء بوخضور ةالكي بااااااااااااارد ..

_________________________________________________

الشر ماييج حياتي – ومشكووره عالإفاده وماقصرتي
بس ما عليج امر ممكن سؤال ثاني الكي كان بارد ولا حار وهل يعور وشنو الطريقه بالتخدير موضعي او عام
ويزاج الله الف الف خير

_______________________________
اللي حسيته كان ينزل علي دم (عزكم الله) في وقت غير موعد الدوره

حبيبتي الكي بارد ومافي تخدير يعني ماتحسين فيه ..

ماعندي فكره حبيبتي وماحبيت ادخل وما ارد عليج
ومشكوره على ردج لموضوعي يالغاليه

اختي روح

انا كانت فيني قرحه وسويت كوي بالراشد عند دكتور مدحت الشربيني …الكوي الحار بس ما تحسين بحراره

تحسين مثل كهربه خفيفه ماعرف اوصفلج شلون يعني عادي تقدرين تتحملينها .. بس انا سمعت انه الحار

احسن من البارد لان في ناس سوو البارد وردت لهم القرحه …ماتشوفين شر

________________________________________
حياتي والله انتي- مشكووووووووووووره على التقدير الحلو والله يوفقج حبيبتي
وماقصرتي – العفو حياتي – شاكره مشاركتج

__________________________________________________ _____________
الشر ما اييج حياتي – ومشكووووره وايد وايد طمنتيني – حبيت اسئلج اذا عندج فكره انا مفكره اسوي عمليه تجميليه لما بعد الولاده تنصحيني اسويه مع الكي مره وحده ؟
ومشكوره

حياتي روح

ما كو اسهل من كي القرحة

آنا سويتها قبل 5 شهور عند الدكتورة نداء بوخضور

تبارك الرحمن ايدها خفيفة ولا حسيت بشي كلش وسويت الكي البارد

وما تشوفين شر

عادي حبيبتي لا تخافين انا كان فيني قرحه بعنق الرحم بس مو كبيره اشوه وكنت اراجع عند د.ماجده اليتامى وسوت لي كي بارد ماحسيت اب ولا شي بس قرصه خفيفه وعطتني غسول . ف لا تحاتين ماكو الا العافيه انشالله

غسلي بماي وملح ومره وادعيلي

نفس حالتي ياوخيتي وباجر انشالله بروح العصر عشان تسويلي فحص داخلي مره ثانيه وتشوف اذا راحت القرحه ولا لا لان عطتني مضاد حيوي لمده 10 ايام وتحاميل لمده 6 ايام وقالت اذا ماراحت راح تسولي العمليه بس عقب دورتي لان دورتي موعدها بعد 5 ايام من اليوم فاهي اوردي قالت تعالي تاريخ 9 من الشهر وقالت من دورتج قتلها 13 من الشهر فقالت حتى لو كنتي تحتاجين راح اسويها عقب الدوره وكنت خايفه وسألت البنات وطمنوني بس انا مابي اسويها مابي مابي مابي ماعندي ولا ياهل وتوني صغيره ادعولي بنات انشالله باجر تقولي ماتحتاجين.

اي تذكرت بنات عندي سؤال حسااااس شوي بس بسألكم ماراح استحي ,,اهي الدكتوره تسويلي فحص داخلي بالسونار وبعدين فحص ثاني بالنظر الي اهوا تدخل شغله نفس الحديد وتبطلها من داخل(ما اقدر اشرح اكثر من جذي بس اكيد فهمتوني)انا احس هذا الفحص يوسع المنطقه(اسفه عالكلمه مادري شلون اوضح) ولا يتراوالي؟؟؟؟؟