الله يخليكم ادخلوا وانصحوني

:انا متزوجه اربع سنين وعندي ولد والله من يوم ماتزوجت وانا بمشاكل ويعلم الله اني احطه بعيوني ومارد عليه بس مشاكله من غير اسباب واذا سالته ليش دايمك معصب يقول موشغلك وانا بالبيت له بس لاخدمه بالبيت بالتنظيف والاكل وتربية الولد والله ماعنده اسلوب معي ودايم يكلم بنات يغازل بالتلفون وكانه اخذني غصب ولو انه اخذني عن حب انا قريبه له وانا صغيره ومره حلوه واسمع كلامه بس حياته ماكني موجوده مالي راي بالبيت ودايم يطردني من بيته لاتفه سبب ومايحترم وجود اهلي وانا تعبت معاه ماافهمه وصلت اني صرت اكرهه والله من جد –يابنات انا بنت دايم كنت اخاف الله –المهم يابنات اخر مشكله كانت قدام اهله وماكان احد واقف معي عشان ولدهم حطوا ان المراه لازم تصبر مهما كان زوجها غلطان –المهم مالقيت اللي يقول له هذا عيب وبنات الناس مولعبة بس واحد من اهله ولد عمه هدده فيني وقال انا ماراح اسكت عنك هذي حرام تسوي معاها كذا قدام الكل دايم تصارخ وتمد ايدك عليها المهم والله وقف معي وقفة مره حلوه وكان هو اللي اخذ بحقي لاني كنت بعيده عن اهلي وماعندي احد –المهم يوم رجعت البيت جلس يهدد فيني ويصاربخ ويسب من غير اسباب المهم انا قلت له خلاص طفشت من هاالحياه انا خلاص ماعاد ابيك ابي اروح عند اهلي–المهم يوم رجعت رحت وكلمت ولد عمه عن كل شي بحياتي معه والحين انا طالبه الطلاق بس مارضى ويقول خلاص اخر مره وصدقيني برجع احسن من اول –بس الحين انا بمشكله يوم قعدت عند اهلي سبع شهور ماتصل ولاسال المهم اعتبرت نفسي وكاني خلاص ماراح يرجع –يابنات تعلقت بولد عمه وصار بيننا حكي كبير بس تلفون عن امور الحياه الزوجيه وتعلقنا ببعض بالكلام بالهاتف فقط والله وصلت حتى اني تجرات معاه بكلام مو زين يابنات انا الحين زعلانه على اللي سويته وندمانه والله اني تبت وانشالله ماعاد اطيح بها السخافه بس ساعدوني الحين يجي زوجي يبي يرجعني وانا ماقدرت ارجع لاني كلمت ابن عمه وتكلمت معاه بكلام يعلم الله اني ندمانه واني كنت سخيفه بس بعد ايش –امانه ايش اسوي خلاص ياليتني ماخطيت والله لاتاخذون فكره عني انا ماكنت كذا انا بنت ناس وكنت ملتزمه الله يخليكم انصحوني احس اني مجرمه بس تبت والله وماقدرت اقول له برجع واقول يارب ايش اللي صار ليش كذا ومع من ولد عمه ومتزوج وين كان عقلي الله يخليكم كيف اسوي بحالي بس والله زعلانه ادري ان الوقت فات بس كيف اسوي عشان اريح ضميري–