اللتهاب بالبول والحمل

صباح الخير

كويتيات

انا تركت حبوب المانع الشهر هذا .. ورحت اجيك على نفسي عند د.نساء ولادة عشان بأذن الله ناوية احمل..

فحصتني وقالت كل شي اوكي .. بس انا شكيتلها من الم يجيني عند الحدة جان تقولي اكيد فيج اللتهاب بالبول

انا ماستغربت لانه بحمالي الاخير صار فيني بالتاسع وخذيت مضاد ومشى الحال

سؤالي حبايبي هل اللتهاب البول يمنع الحمل؟؟ ع الاطالة

والله ماظنتي اختى كان فيها التهاب بالبول ووراها باسبوع حللت وطلعت حامل …

ماظن والله يرزقج

شوووفي حبيبتي انا بنت خالتي كان فيها التهابات وكانت تبي حمل وبس عالجت منه احملت على طول بس مادري التهاب شنو كان فيها

وثاني شغله ديري بالج انتي وغييييييييرج !! الالتهابات مو زين حق البيبي خصةصا بأول تكوينه لانه يأثر عليه ممكن يصير عمي الله لا يقوووووووله او مشوه او غيره ديري بالج عالجي روحج وبعدين توكلي على الله

مشكورة حبيبتي ..وسأل الله العلي العظيم يتمم عليج حملج وتولدين بالسلامة

تسلمين حبيبتي ع المرور

مشكورة ياقلبي ع النصيحة .. وان شاءالله بسوي تحاليل ورجع حق دكتورتي

انا التهاب بول ومهبل
وحملت الحمدلله
مايمنع الحمل هو بس عند البعض ياخره شهر شهرين فقط
بس مو زين بالحمل ممكن يعمي الطفل وممكن ولاده مبكره
حبيبتي تشربين مويه وعصيرات وشعير وبيره وباذن الله يروح
ولو كنتي مو حامل تغلين بقدونس وتصفينه وتشربينه >> مو حامل اما حامل لا يقولون البقدونس للحامل مو زين كثرته
وحامل او لا عندك الشعير تشترينه من العطار وتطحنينه وتغلينه وتشربينه طعمه نفس الكورن فليكس تقريبا
وممكن تضيفينه للقهوه العاديه مع هيل وزعفران >> انا كذا ومااحس بطعمه ابدا
اتمنى اني افدتج
وادعي لي والله المسالك ذابحتني والمشكله اني بغربه