|
|
شلونكم ؟
انا متزوجة عن حب تقريبا تقولون طرف واحد
كان زوجي شايفني وانا رايحة ورادة لانه ولد يارنا بفريجنا يعني
ومي ولا تدري عن هوا داره هههههههه
وما اكتشفت هالشي الا لما ملجنا وصدمني بالسالفة ،، وقام يذكرني حتى بلبسي كنت لابسة جذي بالمكان الفلاني
ورحتي الجمعية هالحزة ولابسة جذي و……. و…….. يحليله والله مثبت ههههههه
بس بالنسبة لي وبما اني ما كنت ادري عن السالفة اعتبره زواج تقليدي لاني ما عشت قصة حب وتلفونات ومواعد وسوالف
حبيت اسأل المتزوجات عن حب
ما ادري ليش وايد احط في بالي ان المتزوجين عن حب نادر انهم يتهاوشون ،، واذا تهاوشوا بسرعة يتراضون ،، وحيل قلوبهم على بعض .. وحياتهم اونس ومتروسة ذكريات ووناسة وعواطف
يعني احس كلشي بعواطفهم وتسامحهم اضعاف المتزوجين زواج تقليدي لانهم صبروا على ما تزوجوا وكانت لهم محاولات
فيحافظون على بعضهم اكثر وحياتهم تكون اسهل واحلى
ما ادري ودي اعرف جذي لقافة يعني
صح اعتقادي ولا غلط ؟
ان المتزوجين عن حب عيشتهم ما تتقارن مع الزواج التقليدي من ناحية النقاط اللي قلتها ؟
بس انا عن تجربتي متزوجه عن حب صج اقولج ان الحب والذكريات اهي الي تخليج تقدرين تتحملين اي شي وتطوفين وتصبرين لان الي جدامج موشوي اعتقادج صح ميه بالميه للي يحبون بعض حب صحيح
الذكريات وايد حلوه وماتنمسح من البال وكل ماتذكرتيها بفتره معاه وسلفتو فيها تحسين شوي وعينج تدمع صج صج شي حلو الزواج عن حب له طعم غير مغامرات وخوف ممزوج بالشوق والحب شعور غريب
واعتقد بعد في ناس حبو بعض ورا الزواج ونجحو بحياتهم
وتلاحظين بمواقف تصير مثل مرض او حادث يطلع كل هالحب وتستانسين وقتها بس اكيد انه يطف فتره ويرد ينتعش ويطفي ويرد بس مايقل ابد بالنسبه لي يزيد خصوصا لاصار ابو عيالي
تعليقي عن زواج الحب من واقع البنات الي اعرفهم حوالي ( اكيد هذه امثله و اصابع اييدج مو سوا )
كلهم اتفقو ان بعد الزواج و تمر سنين يقل الحب بدرجه مو طبيعيه ….ياعني قبل كانو روميو وجولييت و غزل و حب و هيام و حاليا الظاهر على قولتهم اشبعو و ملو او ان الحياة اشغلتهم بأمور ثانيه .
وخصوصا الي كانو يعرفون بعض قبل الزواج سنين طويله هذوله حاشهم حالة ملل و تفكير مثل ( ليش احنا مو مثل قبل ؟ )
انا ما اقول ان الزواج التقليدي مافيه ملل و روتين اكيد فيه …بس الي اكتشفته ان الزواج التقيليدي الشخصين ما يعرفون بعض و تجربه يديده و حلوه فالسنين الاولى تكون كلها اكتشاف شخصيات الغير ، فيه غموض بالسالفه هذه تحلى العلاقه .
هوا وراح ؟؟؟؟؟؟؟؟
واي لأ احباط كلمتج ،، وبعدين السالفة يمكن مو ملل بس دايما الشي لما ما نقدر نحصله نموت عليه وبس يكون ابإيدنا نطخ عنه
الأسطورية
الله يتمم عليكم دوم انشالله ،، وانشالله ذكرياتكم دووووووم حلوة
انتيكا
صج غموض ،، بس احيانا تنصدمييييييين
والله تمم عليكم انشالله
بنوتا بنوتا
بس اللي يتزوجون عن حب ،، مااكتشفون اشياء بعد الزواج ؟؟؟؟
ترا الوحده هي الي تجدد الروتين في الحياة الزوجية ……خليج انت النشيطة المطلعة صاحبة الافكار ….غيري بين فترة وفتره من الاشياء الي حواليج ( ديكور – شكلج ) السفرات تغير جو ، اشتراك بنادي او اي نشاط انت و هو تحبونه . ترا الوحده الي تبي تونس عمرها تقدر صدقوني .
كل شي بيدج انتي وياه
سواء تزوجتوا عن حب والا تقليدي
بيدج انج تشعللين هالحب وتصيرون على قلب
او انج تطفشين الريال منج
والحمدالله جنه متزوجين عن حب
بس انا عكسج خخخخخ
ما ادري احس راح يشك فيها لان كلمته وما يدري اذا كلمه واحد غيره
والحمد لله مر على زواجنا ألحين عشرين سنه
لو تشوفينا تحسبينا لنا اربع او خمس سنوات بزواجنا
لدرجة اهلى ما يسمونه الا حسين فهمي وانا ما يسموني الا فلونه
يعني صايرين بالنسبه لهم اسطوره حلوه تتكلم عن الحب بكل معانيه
الله لا يغير علي ولا عليكم
ويحمينا من العين والحسد