الكشخة ترد

صباح الخير
شلونكم يا عسسسسسولات
في شغلة حابة اعرفها ليش
اذا الوحدة كاشخة ومتسنعة يغارون منها
انا استانس اذا الوحدة كاشخة اكشخ معها
بذات الغيرة عند حريم الحموان
الحين الماااااك لكم

هلا والله صباح الليل عندج الصبح واحنا ليل خخ
اي والله شوفي انا عن نفسي اذا شفت وحده اكشخت لا والله ماأغار كلش لاني عارفه نفسي مزيونه وكشيخه لووووووول

بس اذا كشخت واذا حسيييت او سمعت انه في وحده غارت من كشختي أكيف أطق أصبع استانس وناسه مابعدها وناسه لووووول

الغيره موجوده عند الكل
واذا صارت عند الحموات يمكن ماتبي وحده تصير احلى من الثانيه
عن نفسي انا احب الي معاي يكشخون استانس عليهم ماحب اشوف وحده مبهدله

ايه والله صاجة حتى انا استغرب من الي جذية اول ماتشوفج كاشخة تقولين معطيتها اطراق على الوجة
ولااااا
المشكله انها تكون كاااااشخة حدة بس لما تشوفج تخق وتنكمش لانه مو واثقة من نفسهاااا
الحمدالله الوحدة اذا كانت واثقه من نفسها مايهمها الناس الي حواليه شنو لابسين وشنو نوعية لبسهم

الغيره موجوده بس انا اعتبر الغيره اللي تكون بين الحمواااات قله الثقه بالنفس يعني اذا شفت حماتي كاشخه او مرت حماااي عاادي امدح لبسها وكشختهاااا وعليها بالعافيه واحط في بالي النفس الحلوه والجسم الحلو اهو اللي يحلي البدله وجذيه مااحس بالغيره
واللي تغار هذي اتعب نفسهااااااااا

انا عادي عندي يعني ما اغاار بالعكس واذا عجبني شي اسالها من وين حلو عجبني

مو حماتي لاشافتني كاشخه تنقز علي وان انا ما عرفت اللبس والكشخه الا من اخوهاااا

تغث تغث تغث .. واللي يقهر انها تعرفني اني قبل لا اتزوج حتى في بيت اهلي اتمكيج ولبس واكشخ وكله تقولي في احد بيجي اقولها لا تقول ليش لابسه اقولها حق نفسي جذي شالمشكله…

إيه واله صادقه أنا لما أكشخ في مناسبه مايكلموني أصلا ويتنرفزون وكأن الوحده ميت لها ميت
الحمد لله والشكر مع أنهم يقدرون يسون مثلي وأحسن <لان فلوسهم أكثر من فلوسي ههههههههههههه والله صج بس مالهم خلق
سواااااااالف حريم

اعرف وحده شافتني بالعرس بققت عينها وشهقت من كشختي نزلت راسها كشت وقبت لانها طلعت عني حجي وتكلمت عني عند ريلي قبل لاياخذني قالتله لاتاخذها تراها جيكره تلوع الجبد ولما شافتني بكذا عرس وبكذا استقبال شافت كشختي كشششششششششت ونزلت راسها

اعرف وحدة اذا اكشخت عند الحريم مايسلمون علية حريم حموانها
واذا الوحدة اكشخت ماتسلم
عشان مكياجها مايخرب
الحمداللة وشكر
شكلها اول مرة تكشخ

انا الكل يستفيد من كشختى ولازم تقليد يعني يهدون السوق واللي فيه وعينهم علي كشختى ومايشوفون احلي منها ههههههههههه الله يزيدنى

ههههههههههههههههههه صج عاااد الحمدالله والشكر

معاج بكل كلمه انا والله بالعكس اذا شفت شي عجبني من مكياج ولبس عادي اقول حق ريلي حتى شوفها اشحلات لبسها او تسريحتها ما عندي هالشغله بس في حريم يضحكوني ومروا علي وايد وخاصه على كلامج مرت الحماااا هذي فله صج لازم الغيره تشتغل عندها الحمدالله والشكر والله لايبلانا والمشكله اذا شافوج حلوه او جسمج حلو احتروا وقالوا ضعفانه وفيج مرض استغفر الله ياربي على قولت ريلي يقولي طوفي ولو اهم مو ميتين قهر وغيره منج جان ما تكلموا اما بالنسبه للحماتي انا الحمدالله اموت على حماتي وبين فتره والثانيه اطرشلها صوري ويحليلها بس تمدحني يحليلها لانها واثقه من عمرهااا مو مثل بعض الحريم الله لا يبلاناا

هههههههههههههههه
الحريم ناقصات عقل وين انا مايهمني اللى جدامي اهم شي انا اكشخ وغير اللى تبي تغار كيفها

لووووول
انا احب اذا كشخت يكوونون ايلي معاأاأاي كاشخين عشان مااحس اني خبــــه

يغارون لأن ماكو شغل
شكو يغارون شي طبيعي كل الحريم تكشخ ولا هم حريم واحنا رياجيل؟