|
|
صباح الخير يا بنات
قبل 4 ايام حاشتني انفلونزا قوية وذبحتني حيل 
وألحين الكحة لازقة فيني مو راضية تفج وانا حيل بالعسل وسكر نبات والبابونج
وماكو فايدة ذبحتني 
ومن امس وانا احس بعوار تحت بطني .. خايفة على البيبي
سمعت ان الكحة مو زينة على البيبي .. صج هالحجي ؟؟ وشنو أضرارها؟؟
وانا حامل بأول يومين بالسابع
فيدوني جزاكم الله خير
بس غريبة حامل وما تدرين ان البابونج مو زين على الحمل؟
انصحك تقطعينه وتراجعين دكتورتك لان كل الاعشاب مو زينة على الحامل
انا ببداية حملي جتني انفلونزا قوية ونصحوني بالبابونج بس لما قريت عنه لقيت انه يسوي تقلصات بالرحم
فديري بالك والله يقومك بالسلامة ويتمم عليك حملك على خير
اي عاد ألحين الوسواس يشتغل فيني عدل
ورحت الطبيب وعطاني مضاد حيوي وكذا دوا وكل شي تمام والانفلونزا راحت (( ترى مو انفلونزا خنازير)) لوول
بس هالكحة اللي ملوعة جبدي
والبيبي كان تمام الحمدلله .. وضعه اوكي بس كان ما يتحرك شكله خدران ومتلعوز من الكحة
سألت بالصيدلية عن دوا للكحة قالولي prospan أخف شي للحامل .. !!
وانشالله ينفع
انا عرف ان الكحة مضرة للحامل، لان بهالحالة المشيمة تنزل والياهل تضغطين عليه، بس ان شاء الله ما يكون الا العافية اذا تلاحقتي على عمرج وراجعتي دكتورتج
الله يبعد الشر عنا
الله يحفظكم يارب موزين
الي فيها فلونزا ختجيك على عمرها
استخدمت بروسبان واوراق الجوافة ولا فيه فايدة!!!!
المشكلة الكحة اثرت على عمليتي قبل وانا الحين بالتاسع……
عادي انا العطاس ذابحني واحس لما اعطس بطني من تحت يعورني بس ماكو شي ان شاءالله
شربي سوائل دافيه ماي وعسل ماي وسكر نبات حليب وهالسوالف ..
والله يشافيج يارب
بس جربو العسل ويا البصل زين للكحه
انا جربته لبنتي واحس خفت
|
المشاركة الأصلية كتبت بواسطة سوق الجمعة
 ياااااااااااربي انا مت من الكحة !!!!!!
استخدمت بروسبان واوراق الجوافة ولا فيه فايدة!!!! المشكلة الكحة اثرت على عمليتي قبل وانا الحين بالتاسع…… |
امبيه نفس حالتي ونفس دواي وقالي الدكتور جربي اوراق الجوافه بس ما جربتها
ولي الحين اكح وراي الاسبوع الياي قيصرية وخايفه تستمر معاي وتعور عمليتي 