القولون العصبي .

بنات واللى يعافيكم ابي حل او اي دكتور زين لعلاج القولون العصبي امي تعانى معاناة دائمة من القولون وعلى طول تعبانة منه لدرجة آخر شي قالوا لها حصوة بالمسالك ودكتور المسالك يقول لها منو قال لك انها حصوة هذا كله من القولون وماعرفنا لها علاج اللى تقدر تساعدني لا تبخل علي

امج مثل حالتي وانا تعبت وايد واعاني حيل بس اكثر دكتور ريحني جربت اكبر مستشارين الكويت من العصفور والشمالي مافادوني
دكتور خالد المخيزيم بالجابريه يم ماكدونالز بس عقب باجر يرد ريحني بس ماقولج طبت لان القولون ماله علاج بس في اشياء خفت معاه وتحسين براحه نفسيه معاه

بس هالنصايح خلي امج تهتم فيها

-اكل صحي
-عشا خفيف حيل ومبجر
– نوم منتظم
– تهتم بنفسيتها وماتزعل

وايد مهمه هالشغلات والله يشفيها يارب لان صج هالمرض معاناه محد يعرفها الي الي يجربها وتدمر النفسيه

الاسطورية الله يجزاك خير ويشفيك انشاالله امى مشكلتها هالنفسية كل شي اتحاتيه لاخلصنا من الضغط اشتغل القولون ومعاناة الله يعيننا ويشفيها ويخليها لنا آآآمين

شمودرنا غير هالقلق اكبر عدو للقولون خليها تريح وتعود نفسها تسوي ريلاكس وتهدي وتتفاءل

ليش ما تسوي غسيل للقولون
وايد يمدحونه اللي سووه

حناين حبيبتى وين اتسويه بأي عيادة سامعة انهم يسوونه واذا ممكن تسألين اللى سوا هالغسيل يقول لك عن تجربته وتنقلينها لنا للافادة