|
|
بسم الله الرحمن الرحيم
السلام عليكم ورحمة الله وبركاته
موضوعي اليوم مو نصيحه
موضوعي اليوم عن لقطه بفلم مصري قديم كان في طبيب نفسي يعالج واحد من عقدته اللي هي ( يعاني من قصر قامته )
فقال له الدكتور
امشي وقول ( انا مش قصير ازعه انا طويل واهبل )
طبعا هذا من باب المزح الا ان الفكره ترا صج مفيده
جربتي مره انج تكونين متملله وتقولين انا مستانسه
وتكررينها تقولين انا مستانسه
انا مستانسه
راح تلاقين نفسج صج صرتي مستانسه
تذكرين لما كنا بالمدرسه وفي يوم شتا والجو بررررررررررررد ومالنا خلق نقوم من تحت الكنبل فنقول حق امنا
يمااااااااااااا بطني يعورني
وبعد ساعه تلاقين صج بطنج قام يعورج
شفتو هالشعورين هما الايحاء
انتي كنتي متملله بس اوحيتي لنفسج انج مستانسه
انتي كنتي صاحيه واوحيتي لنفسج انج مريضه فمرضتي
ما سعتي عن المرض بالوهم
اللي هو تكونين قاعده مالج من الشيطان طريج وتقولين واي ظهري يعورني راح تلاقين ظهرج يعورج
حياتنا الزوجيه هي نتاج لايحاءات احنا سويناها
قعدتي من النوم وعاقده النونه ورحتي غسلتي ويهج حتى ما شفتي ويهج بالمنظره وقاعده تقولين بقلبج
اف الله ياخذ الدوام وافتك مليت طقت جبدي يوميا اقعد الصبح تعال جابل مراجعين وجابل مادري منو …………….الخ
وبعدين رحتي تقعدين اليهال
قومو خلصونا تأخرت ياربي كل شي على راسي والله تعبت منكم بتاخر وبسمع لي كلمتين بسبتكم
الله ياكثر الايحاءات الي اوحيتي نفسج فيها هذا بدايه القصيده كفر شلون باقي يومج
ولج الايحاءات اليوميه عاد
واااااااااااااي متكسره ظهري ذابحني وفيني النوم
مالي خلق شي لايعه جبدي من نفسي
انا زين مني متحمله هالريل
واي ليش حظي طايح شهالريل
ريلي ما يبين بعينه لو شنو اسوي
ريلي تحصيل حاصل انا الكل بالكل
هذا ريل لا كلمه حلوه ولا قعده حلوه
ولا في فئه من الحريم اذا ياها زوجها ( تقول له بالفم المليان باجر عندي دوام ومالي خلق )
اذا صارت مشكله ولو بسيطه
ياربي شكثر متحمله انا وصابره والله تعبت من هالعيشه
شفتي هذا كله الي تقولينه
هذا الي راح تعيشين فيه
حياتج بايدج انتي تخلينها حلوه وانتي تخلينها تعيسه
لو كل ما يات ببالج فكره سلبيه حولتيها ايجابيه
جان صارت حياتج احلى حياة
لو بدال كلمه اف وتعبت تقولين الله معاي وانا مرتاحه بحياتي راح فعلا ترتاحين بحياتج
لو فكرتي انج بهالكلمات راح تأذين نفسج وتحبطين معنوياتج ويمكن تييج امراض راح تغيرينها وانتي مستانسه
جربي اليوم
جربي حطي ورقه عالتواليت قولي فيها انا مستانسه حياتي حلوه
ريلي احسن ريال بالدنيا
عيالي احسن عيال
بيتي مثالي وهادي ومستقر وشوفي تأـثيرها الايجابي عليج وعلى بيتج
واللي صج راح يخليج تغيرين حياتج وتستانسين فعلا ( ذكر الله كثيرا ) ( الابذكر الله تطمئن القلوب )
قال الله تعالى ( ومن يعرض عن ذكري فان له معيشة ظنكا ) صدق الله العظيم
اذا الحين كل وحده بحياتها شي تقول عكسه بينها وبين نفسها 
لا اله الا انت سبحانك اني كنت من الظالمين
هذا موضوعي اليوم
موضوعج روووووعه
صاجه والله
احنا اللي انييب الكآبه والسعاده لروحنا
صح كلامج وانا مجربته ,, صج بنات جربووه والله ماتخسسرون شي بالعكسس رح تحسون بالفرق بوقت قصيير
يعطيييج الف عاافيه
انا يضحكوون علي لما اقولهم هالحجي
عموما انا احب كتاب قوووة عقلك الباطن للكاتب جوزيف ميرفي
فناااااااان ومبدع لصنع الذاات بصرااحه
يسلمو ماشالله
والله عدل كلامج
تسلم ايدج
صح كلامج وانا معاج تفائلوا بالخير تجدوه
يسلموووووووووووووووووووووووووووووو
هههههههههههههه