<<< القصه صارت على أحدى شواطئ الخليج >>>

فيه اثنين شباب راحوا البحر جلسو على الشاطئ ومعاهم عشاهم. وهم جالسين يتعشون جتهم عجوز كبيره في السن وقعدت تلقط الأكل المنثور على الأرض وتأكل. ولما شافوها قالولها أنتي جوعانة قالت أنا هنا من الصبح وماأكلت شئ جابني ولدي من الصبح وراح وخلاني وقالي راح أجي آخذك بعد شوي.المهم جابوا لها عشاء وتعشت. وبعد ما تأخر الوقت شالوا أغراضهم وحسوا الشباب إن الوقت متأخر والجو بدا يبرد ومايصير يتركون العجوز على الشاطئ لحالها في الليل وجاء واحد من الشباب وقال لها عندك رقم ولدك نتصل عليه نخليه يجي آخذك . قالت العجوز إيه معي الرقم في ورقه . ولما طلعت الورقه . ايش تتوقعوا مكتوب فيها ؟؟؟؟؟ مكتوب ( من يجد هذه المرأه يآخذها لدار العجزه) انصعقوا الشباب من المكتوب في الورقة وجلسوا ساعة يترجون العجوز تمشي معاهم. ويحاولون فيها إنهم يوصلوها أي مكان هي تبيه . أكيد العجوز رفضت أنها تروح معاهم لأن ولدها وعدها إنه يجي يأخذها وتبي تستناه لما يجي.وكانت تقول ولدي راح يجي يآخذني وأنا راح استناه . > >ماتدري المسكينه إن ولدها تنكر لها ورماها في الوقت الي هي فيه محتاجه له.المهم راحوا الشباب عنها وأتركوها على أمل إن ولدها راح يجي يآخذها حسب وعده لها. فيه واحد من الشباب قعد يتقلب في الفراش وماقدر يرقد يفكر في مصير العجوز المسكينه وقام من فراشه وغير ملابسه وركب سيارته وراح للشاطئ. ولما وصل. شاف الاسعاف والشرطة والناس مجتمعين ودخل بينهم شاف العجوز قد فارقت الحياه ولما سألهم عن سبب وفاه العجوز قالو له أرتفع معها الضغط وماتت. ماتت من خوفها على ولدها يمكن يكون صار له شئ. ماتت وهي تستنا ولدها يجي يآخذها. ماتت وهي بعيده عن أهلها. الله يرحمها برحمته ويدخلها من أوسع ابواب جنته.أدعوا معي آمين. أرجو من كل من يقرأ هذه القصه أن ينشرها لتكون موعظه لكل > >عاق لوالديه وأن يعلق على هذا الموضوع لتكون الفائده أكثر

استغفر الله العظيم لماذا
فعل ذلك الابن الجحود هذة الفعلة الشنيعة لامة
ويقول المثل ( قلبى على ولدى انفطر وقلب ولدى عليا حجر )
حسبى الله ونعم الوكيل

هالسالفه صج وصايره بالكويت اهني من سنتين تقريبا رفيجتي تشتغل بدور الرعايه قالتها لي من زماااااااااااان وماتت العيوز عقب يومين من القهر والحسره علي ولدها اللي قطها جذى ياويله من الله يلاقيها بشبابه وعمره وبرزقه وبكل دنيته

الله يهدي عيالنا وعيال المسلمين امين يارب العالمين

لاحول ولاقوة الا بالله ياويله من ربنا ليييييييييييييييش هالاوادم متى تحس وتتعلم وتعرف ان الدنيا دواره وكما تدين تدان واللي سواه فيها عياله بيسونه في صدقوني بتصير في وبنقط مثل الجلب واول من يتخلا عنه زوجته وعياله او اللي باع امه عشانهم

وااااااااي حبيبتي الله يرحمها .. عمى بعيينه وين بروح .. ديييييين وبرقبته
حسبي الله ونعم الوكيل

يا ويله من الله

لاحول ولا قوة الا بالله

الله لا يبلانا…

قطيعة مالت عليه حتى ما له خلق يوديها بنفسه قطها ومشى الي ما يخاف ربه

حسبي الله ونعم الوكيل فيه وبأمثاله

والله يرحمها برحمته ويغمد روحها الجنه يا رب

يااااربي ما تقسي قلوبنا على اهالينا وتزيدنا محبة وتماسك يارب

تسلمين ضحكة الدنيا لنقلج للموضوع

مشكورين على المرور
وماانحرم من ردكم

واي غورقت عيوني وضاق خلقي من الصبح حسبي الله عليهم من عيال عسى الله يخلينا بارين بأهلنا ويخلي عيالنا بارين فينا اللهم آآآآآآآآآآآميييييييييييييييييييين

آمييين حبيبتى نطوعه
وشاكره رد على الموضوع

حسبي الله ونعم الوكيل فيه والله يحنن قلب عيالنا ويرحمونا بكبرنا يارب

لا حول الله ولا قوة الا بالله العلي العظيم الله يرحمها برحمته

سامعه الصه من زمان

بس مااقول الا انه بيشووف يوم الي ينقط اهو فيه اكيد بسبت الفلووووووووس ولا مرته

لا حول ولا قوة الا بالله عقب ما ربت قلها
الله يرحمها
باجر عياله راح يقلونه فى دار العجزه