القصة كيت وكيت أتزوجه ولا لا؟؟

هلا خواتي

وحده من رفيجاتي المقربات مني تقدم لها واحد ما شاء الله ما ينتفوت وكل العيون عليه

بس وين المشكله؟؟

المشكله أنه عنده بنات عم وهله متوقعين ياخذ منهم بس اهو ما يبيهم وحتى أمه وخواته ما يبونهم

وأخو العود توه متزوج بنت عم رفيجتي من 5 شهور وودها ببنت عمها تكون عند حماها بنفس البيت على الأقل إذا بتهاوشون ما راح تهاوش مع وحده غريبة <<< مجرد مثال

وعلى فكرة ترى أهم عصبوا وقوموا الدنيا ولا قعدوها عشان أخوه تزوج بنت عمها فكيف إذا خذوا رفيجتي؟؟

تقول أخاف الله ما يوفقني من عيونهم ونفسهم في الولد

وخصوصاً أنه أمه وخواته حدهم طيبين

وما خاب من استشار حبوبات

بس اهي واااااايد حساسه وتحسينها ياهل

وتقول حرام أخذه وهم يبونه

اهي صلت استخارة وكانت مرتاحه فالبداية وعقب تكدرت لما طرى عليها بنات عمه