القاعده الحلبيه

حبايبى اشلونكم

اليوم ناويه اسجل عيالى
5 سنين = 8 سنوات بالقاعده الحلبيه

عفيه اللى مسجله عيالها او عندها فكره شنو تشور على وتنصحنى

انا عيالى مدرسه انكليزيه وابى اقوى عيالى بالدين والعربى وانا مو شايفه احد مدخل عياله بالقاعده الحلبيه

هلا حبوبة أنا ماجربت القاعدة الحلبية بس أعرف بنات مدخلين عيالهم مايمدحونها حيل وقالو ان فيه أصلية وفي تقليد يعني لو تبين تدخلينهم تأكدي أنها القاعدة الحلبية الاصلية ، ونصيحة مني حاولي تييبين لهم مدرسة بالبيت تحفظهم الآيات أو دخليهم المساجد فترة العصر والصيف اختي دايما تدخلها بناتها المسجد وماشالله بنتها بثانية ابتدائي حافظة جزء عم كلة والثانية 3 سنوات حافظة تقريبا نص جزء عم .

حبوبه جريده الوطن حاطين اعلان يوم الاحد فيه الحلبيه الاصليه وحاطين كل الافرع بالكويت شوفي الاقرب لج وسجلي عيالج وانا سجلت ولدي عند وحده تسوي كلاسات بسرداب في سلوى وايد زين بس ما كملت لظروف خاصه والحين دقيت عليها قالت انها حولت وراحت حولي يم مجمع البحر بس ما كانت حلبيه كانت طريقه تعليم الاحرف الابجديه اذا تبين اي رقم فيهم راسليني عالخاص ومن عيوني
بس بغيت اسألج انتي مسجلتهم باي مدرسه واشلونها؟؟؟

ما قصرتوا على الرد

انا شفت اعلانهم بالوطن وعلى حسب كلامهم انهم الاصليين وراح اجرب واشوف

مدرستهم اسمها the english play group وايد زينه وقويه واهى اصلا للتعليم المبكر بس يعنى من سن الحضانه لغايه اولى متوسط بس

وانا ابى زياده الخير خيرين ابى اقويهم باللغه العربيه وراح اجرب القاعد الحلبيه مده شهر واقولكم عن النتيجه

شلونج ام وهابي حبيت اسألج في اي منطقه سجلتيهم