الفطر اللي يطلع بين الأصابع << عطوونا حل :( :(

بسم الله الرحمن الرحيم

شلونكم بنات شخباركم

سمعوني

أمي مسكينة بين ريولها فطر امبي يخرررررع جنه مستعمرة بريولها ،

صاير لوونه أبيض ، من تفرقين اللي بين الصبعين تشوفين منظر مخيييف ،

شرينا لها وايد ادوية من الصيدلية ما صار اي تطور ،

وعيزت وانا اقول لها لما تتيددين حق الصلاة نشفي ريولج واهي جذي ما تلبس دلاقات وهم يطلع لها ،

ووديناها عيادة جلدية عطاها حبوب ، قالت انها وايد تاكل حبوب مالت سكر ومالت ضغط فبس يعني تبي شي استخدام خارجي،

تحس بحكة مووووو طبيعية وتعووور ، امبي انا احس جنه الصبع بينشلع من مكانه جنه بينقص

شوروا علينا شنسوي .

سلامة الوالده يارب ماتشوف شر

اعتقد والله العالم انها عندها زياده بالسكر لان امى جذيه اذا ارتفع السكر تكثر الحكه والفطريات برجولها واذا اعتدل تخف

فخليها اتراجع دكتور سكر وماتشوف شر يارب

الشر ما ايييج حبيبتي ،

تصدقين بس ما ييه ببالي انه بسبت السكر ،

اهي من زماان فيها هالفطر حتى قبل لا اييها السكر ،

ما ادري والله ،

بس صح احتمال ، مشكورة يا الغالية على نصيحتج .

خل تراجع دكتور سكر مثل ماقالت الأخت
وماتشوف شر إن شاء الله

شوفي ياقلبي دكتور السكر اول مايفحص يفحص على القدم وبين الاصابع اذا فيهم فطريات لازم علاج مايسكتون عنه لان هالفطريات سببها السكر واديم يقولون خلوا هالمنطقه جافه تماما

ضروري تراجع

حبيبتي خل تستعمل الخوا جوا تدهن فيه تره وحده بوحده

حبايبي ما تقصرون وان شا الله اقول حق امي ،

بس شنو الخوا جوا هذا ؟؟

ما تشوف شر انشاااااااااالله…. والخوا جوا تلاقينه في الحواج وطريقته سهله سخني زيت زيتون وحطيه معه لين يصير لونه احمر …وترا ماينحط بالثلاجه وخذي منه شوي في قطنه خليها تشمه وبعدين حطيه على الجرح….

انا سمعت انه الخل وايد زين

السلام عليكم

الله يشفي امك يارب

حبيبتي ديري بالج تخلينها تستخدم شي غير اللي يقوله الطبيب إهي فيه سكر وفي شغلات ماتصلح مع مريض السكر لازم تسئلين طبيب مختص وشوفي شيقولكم وطمنينا عليها

حبايبي اي والله انا بعد اخاااف عليها واخاف اجرب عرفتوا ،

خصوصا مثل ما قلتوا السكر مو اي شي يمشي معاه ،

الله يشفيها يارب ، تكسر خاطري ساعات ما تنام تييها حكة فضيعة ،

ما تقصرون يا الغالين على اهتمامكم ونصايحكم .

سلامتها والله وماتشوف شر

شوفي حبيبي ..
امي الله يرحمها كانت تحط بين صبعها قطرات من الزيت الزيتون

على كلامها تقول اهو اللي يخفف علي هالفطريات

والله يشفي الوالدة ويخليها لج

ما تشوف شر وأجر وعافيه
شوفي يا قلبي ، أنا أقولك الحل بعد ما جربت العيادات الخاصه وعمليات الكي البارد والتجميل ومعاناه( لواحد من العيال)
وأخرتها والله يا أختي مبلغ بسيط لكن سبحان من شفاه ( دون العشرين دينار)
رحت لمحل أسمه ( أسرار الطبيعة ) مالي علاقه بأسمه ، وشرحت له الحال وعطاني خل تفاح مع كريم صغير جدا
وعسل بعد
وقال لي أنظف المنطقه بالخل بعدين أحط هالكريم لمده شهر
والله يا أختي مافيه بعد ذلك أمره من تمره بفضل من الله اللهم لك الحمد
فإذا تبين رقمه أدونه علشان الكل يستفيد 23924622 بيرد عليك مصري سأليه عن العتيبي صاحب المحل
في سوق الصباح القديم ، الكل يعرفه هناك ، محل مغبر لكن شغله مجرب
وأعرف ناس بمستوى عالي يرجعون له في أزماتهم الصحية
وبالشفاء التام