شلونكم بنات 
بنتي عمرها سنه و 10 شهور
ودي أقطع عنها البامبرز ( الفطام الشرجي ) لأني سمعت ان مو زين البول يسبب إلتهابات للبنت
و ماني عارفه الطريقه اللي استخدمها عشان اقطع البامبرز عنها
شريت لها اللي تنحط على المرحاض ( أعزكم الله ) مالت اليهال
أحطها ساعات بس ماتسوي شي
و أخرتها تسويها بالحفاظه =
ياريت اللي عندها خبرة و مجربه تفيدني
و بدعيلها
لاتلبسينها بامبرز الا عند النوم وكل ربع ساعه وديها الحمام وانتي بكرامه وراح تتعود صدقيني لانها كبيره تقدر تتحكم بروحها بهالسن
كل ربع ساعه !
راح يصير وايد .. اتعب حيل
مافي أسهل =
نصيحة توهااا صغيرة على الحمام خليها عقب 2 و4 شهور
لانه بعدين راح يصير تبول الارادي وثانيا راح تتعبج حيل وتتعبينها نفسياااا ..
وانتي على راحتج
ههههههههههههه
ضحكتني كلمة الفطام الشرجي اول مرة اسمعها
المهم
انا سمعت وهذي معلومة علمية بعد انه البنت اذا اقطعت البامبرز في سن مبكرة جدا راح يحشها تبول لا ارادي بسن المدرسة
الشغلة متعلقة بالمثانة وطريقة التحكم
من جذيه صبري اشوي خل تكمل سنتين اضمن وماباقي شي على ما تكمل
اول مره اسمع بسالفة التبول اللاإرادي
غريبه .. يعني شنو السبب ؟؟
يعني لو ولد عادي مبجر ..؟
بنتي عمرها سنتين ونص كل ما ابي اقط البامبرز عنها ما اعرف وترى صارلي مده طويله وانا احاول معاها و الحين انا حامل وناطره بعد ما اولد عشان امي تعلمها (عصفورين بحجر) نفاس وفطام
_03ba:
توا صغيرة
اذا ماعندها استعداد لاتعذبين روحج وتعذبينها خليها تكبر اشوى
واييييييييييييييد صغيرة بنتج انا خواتي علموا عيالهم لما كملوا سنتين وجم شهر بس انا بصراحة بدعت بالتأخير قطيت حفاضتها عنها لما صار عمرها سنتين و10 شهور وصج بهدلت الدنيا بس بعدين اشوه الحمدلله يبيلها صبر
حبيبتي انا بنتي عمرها سنة و8 شهور والحين قطيت عنها الحفاظة عزكم الله
كلشي يبيله صبر وطولت بال يعني اول شي كل 10 دقايق اوديها الحمام واخلي الماي مفتوح
وبعد يومين كل ربع ساعة وبعد يومين ثانيين كل ثلث ساعة يعني كل يومين تزيدين خمس دقايق
وشجعيها لما تتبول بالحمام عطيها حلاو وصفقيلها
طبعا راح تخربها جم مرة بس طويلي بالج معاها
حبيبتي انه بنتي عمرها سنتين بلشت معاها باليوم اخليها تقريبا 4 ساعات بدون حفاظ يمكن لمدة شهر وبعدين بلشت اخليها اكثر وجذي علما بلشت تبول بالحمام بس طبعا لازم انه اخذها كل ساعتين وابولها بس وايد تعبت جم مره بالت بالصاله وبالغرفه بس طولت بالي معاها لين تعلمت والحين عمرها سنتين وثمن اشهر توني صارلي اسبوع مرتاحه منها بس الحين تعلمت عدل هذي تجربتي بس على فكره بتي وايد عنيده يعني اهي وايد عاندتني وعذبتني اتوقع الياهل الطبيعي يتعلم اسرع