&& الفزعهـ يا خوات المعرس من وين فساتينكم &&

مرحبا وغلا
حياكم الله الرجاء لبس الكمامات
محد عايف عمرهـ خخخخخخخخ

مرااحب كبااار للغوالي

يا هلا مسهلا والله حبيت احط موضوعي هنا لاني ادري ان العرايس عندهم كل شئ جديد
وسنع من دوجة التجهيز ,,,

وانا صراحه حست ادور لعرس اخوي او بمعنى حسبة اخوي لبى قلبهـ

صدقوني ما خليت معرض ولا مشغل ولا بيوت ولا خياطين ما رحت يمهم

وكل ما وحده طرت لي مشغل طرت يمه وانا كلي احلام وانصدم بارض الواقع ويطلع يجيب العله والسلال

ومع كل هالفراره

ما جاب راسي شئ ,,

كلها هتاميل تجيب المرض وغاليه على الفاضي

والله عاد اخت المعرس بصراحه ودكم هي اللي تاخذ المهر مو العروس

جد كل شئ على راسها ودايم تدهر منا منا

لا من الصاله ولا من الطقاقه ولامن التقديم ولا من الاستقبال والمجاملات لازم تراقص كل من طب حتى لو شغاله جيرانهم خخخخخخخخ

والله كله يهون الا الفستان قصه لحاله

فا تكفووون اللى طاحت لها على محيل فيه فساتين تفضخ القلب
يعني من ادخل المكان يبرد القلب من زينه

تبلغني واللي نحيسه ماتبي احد يعرف عادي دزه لي على الخاص
وتبشر ما اعلم احد خخخخخخخخخخخخ

اي صح نسيت ابي السعر معقوول

يعني مو 800 وطالع

لاني حرمتن معرسه ولا ابي رجل

خخخخخخخخخخخخخ

هذي سالفة امي

يا بنتي لحد يشط عمره فصلي اي شئ انتي منتي بنت تدورين العرس

حرمه معرسه وانتي تزينين اللبس اللي تلبسينه

اي هين تقص علي

ماظني عقب ذالانفجار اللي صاير بجسمي ازين شئ هههههههه

اساسا اي فستان اللي بيدخل مع جنوبي اللي ذا كبرها خخخخخخخخخخخخ

المهم تكفووووووووووووووووون يا السنافيات لحد يبخل علي

باي معلومه

اي وطلب معترض اللي تعرف شئ يضعف بعد بكوون شاكره لها من كل قلبي

الموضوع مفروض اسميه حج وحاجه

خخخخخخخخخخخخخخخخخخخخخخخخخخخخ