|
|
السلام عليكم
طبعا انتوا عارفين اخر فتره ماشاءالله نسبة الخريجين من الجامعات صارت وايد
وللامانه صارت غير مميزة الشهادة الجامعية نفس قبل واغلب الناس قاموا يكملون ماستر
وانا ادري انه من بعد الله سبحانه لازم هم واسطة لكن نسمع وايد انه فلانه او فلان انقبل بدون واسطة بهالمكان, يعني هم مرات تصير قبول ناس مميزين بدون واسطة تكون بجهدهم
وانا شخصيا شهادتي حقوق والصراحة ماحصلت وظيفة زينة او ما وصلت لطموحي وحابة اكمل ماستر
فمادري شنو رايكم؟ تهقون بيتغير الوضع وقتها؟ بتكون لي فرص افضل واسهل؟
ولنفترض انه الماستر كان من بريطانيا او امريكا هل افضل واقوى بعد واحجهم؟
اتمنى المساعدة مع ذكر الامثلة لحالات تعرفونها لنفس الموضوع ان وجد
وشكرا
واذا رفعتي الدكتوراه فوق الماستر : بيزيدج هم سنتين خبره فوق السنتين مولوت الماستر + 130 دينار
يعني اذا دايركت اخذتي دكتوراه ورفعتيها ,, بيزيدج 200 دينار + 4 سنين خبره
شهاده الحقوق من الاخر ,, كبيها بحر ,, درسي شهاده غيرها مطلوبه وتدرج كادرها قوي وسنع ولها مستقبل
اذا علمي : ,, درسي هندسه ,,, واذا ادبي : درسي تربيه ( كلها اربع سنين بس تتعدل امورج )
الكويت صارت : موظفي قطاع نفطي + هندسه + تربيه + عسكريه : العايشين فيها ,,,
لا يروح عليج الوقت عالاقل الهندسه والتربيه اذا مالقت واسطه بمكان قوي ف يشفع لهم كادرهم السنع اللي اقر لهم ,, بينما انتي اذا مالقيتي مكان بواسطه ف كادرج ما يعيشج بالكويت ,, حقيقه مررره : في وحده بالدوام خريجه حقوق مثلنا ومعدلها جيد جدا مرتفع وصارلها 10 سنين بالدوام وتقولنا كل سنه نسمع بيعدلون بالكادر والمسمى ومكانك روااح ,و لان شهادتج شهاده ناس وناس ,, شهاده الوسطه اللي يدخلها عارف وين مكانه ( بغض النظر عن معدله ) ,, حتى لو يبتي ماستر ودكتوراه ,, ماعندج واسطه تدخلج هالاماكن ف شهادتج ومعدلج بالدكتوراه حتى بليها وشربي مايتهاا للاسف
ك طموح واجر العلم اقولج درسي ,, بس مكان قوي وراتب ومعاش ,, اقولج انسي اذا ما عندج واسطه ,, حتى لو معدل الدكتوراه قوي,, لان الحقوق يختارون عدد قليل 1 ولا 2 ربعهم من اصل شوفي جم متقدم
وكلامج كله صحيح وواقعي وانا مقتنعه فيه من قبل
ومشكورة اختي ماقصرتي على كلامج
للاسف عندنا الرواتب ظلم كبير وفرق كبير حرام شهادات جامعية رواتبهم 900 بالوزارة واهما تخصصات صعبه
الله كريم
من الحين اقولج دام بتقطين 4 سنين دراسه ,, ف انصحج تغيرين التخصص بدل دراسه الماستر والدكتوراه اللي بالاخر بيخب عليج الاسم ( دكتور وبعدين ؟ ), كا الموظفا بدوامنا الي صارلها 10 سنين تشتغل عندها ماستر ودكتوراه من مصر , وتقولي مبروزتها ببيتهم ,, اذا الاماكن الي اخذتي فيها الدكتوراه اساسا تتطلب واسطه ك ( حقوق ) واذا البكاليريوس الاعدا المطلوبه فيها كثيره وما يقبلون ,, هالمره الدكتوراه الي بيتقدمون اكثر من 200 قانوني عندهم دكتوراه وبيختارون 2 ولا 3 ,, واكيد بعضهم ماخذينها ب انجلترا و امريكا
ف اذا تفكيرج دكتوراه ب جامعات عربيه ,, مالها داعي
وخلينا نتكلم بلغه الارقام والواقع ( على اساس ما عندج واسطه وعلى باب الله ) :
الدكتوراه 4 سنين دراسه = زياده 200 دينار فقط على الراتب ( مشموله زياده المستر فيها 70 ماستر + 130 دكتوراه )
اذا علمي :
الهندسه 4 سنين دراسه = راتبج من باحثا قانوني اول 1000 الى 1400 مهندسه مبتدئ,و الفرق 400 دينار ( دبل الدكتوراه )
واذا ادبي :
راتبج يبلش مثل الباحث القانوني تقريبا 9030 بس شوفي جم ينتهي
الباحث القانوني توقفين على 1500 ,, والمعلمه أ ( غير الاجازات والعطل ) يوقف على 2000 بعد مرور ( 15 سنه خدمه وتدرج بالمسميات )
هذا اذا ما صرتي ناظره مدرسها وقتها واتييلج بدلات الاشرافيه
هذا الواقع والارقام بالكـــــــــــــويت
الحقوق , ب امريكا و فرنسا يحطونج على راسهم من فوق
بالكويت ,, صار ( قطاع نفطي + هندسه + تربيه + عسكريه ) لا غيـــــر
خريجه الحقوق الحين صار حالها حال خريجه التطبيقي- التكنولوجيا – اللي بيكمل هندسه او التجاري اللي بتدرس تربيه اساسيه
لان راتبج و راتب خريجي معهد الكهربا والماي والاتصالات والملاحه و التطبيقي ( الدبلوم ) واحد
ف نصيحتي لاتقصين على روحج اكثر من جذي ( بالماستر والدكتوراه )
تقبلي مروري
انا الصراحه اذا مفكره بالوقت الحالي فقط ماستر ومن بريطانيا لانها دولة اجنبية وسمعتها زينه وقريبة علينا اريحلي من امريكا
وللاسف انا تخصص الثانوية ادبي وليس علمي
يعني الماستر بياخذ مني مع اللغة سنه ونص فقط
احسن من بكالوريوس اربع سنين او مع دكتوراة اقل شي اربع سنين او خمس
يعني ماستر واشوف نصيبي بوظيفة زينة وبعدها بالمستقبل ممكن دكتوراه ان حصل نصيب
مجرد افكار والله كريم
كافي انتي تستانسين بنفسج انج حصلتي شهاده ماستر
انا الحين بمكل ماجستير mba
وانا تخصصي محاسبه
يكون معترف بالماستر اذا مو نفس تخصصي؟؟
بالنسبه للوظايف قليل اللي مرتاح وحصل وظيفة على مزاجه عندج واسطه برتاحين ومو اي واسطه بعد لازم من العيار الثقيل الثقيل
بالنسبه للماجستير والدكتوراه زيادهم مو وايد وفي حجي ان الماستر بتتغير لل200 دينار والله اعلم
رفيجاتي يكملون ماجستير حاليا وراحو اسالو قالولهم لاااااااازم خبرت عمل والا ما منها فايده واصلا في اماكن وايد ماترضه توظف عالماستر بتردج عالبكلريوس ولهم شروط صعبه
بس مو مستحيل بالعكس وايد ناس عدلت اوظاعها للاحسن
انا خبرتي بالتخصصات العمليه ماعندي فكره عن الادبي بس ممكن انج تتوظفين بمكان متواضع حته لو وزاره داثره وتكملين العصر عساس الصبح يكون شغل خفيف
ودي افيدج اكثر بس هذي معلوماتي
|
المشاركة الأصلية كتبت بواسطة مولاي الفرج
 ^^ وايد بنات يكملون ماستر بغير تخصصهم بس اسال لج ان شاءالله اذا يفيدج بشغلج
|
مشكوره حبيبتي
|
المشاركة الأصلية كتبت بواسطة مولاي الفرج
الماستر يزيد شوي من معاشج اذا انتي حابه كملي ترى حلو الطموح مو لازم يزيد معاشج وايد عشان تاخذينها
كافي انتي تستانسين بنفسج انج حصلتي شهاده ماستر |
اكيد الطموح حلو والحصول على الماستر احس فخر كبير وانجاز
وبالنسبة للزيادة فعلا قليلة للاسف 75 دينار للماستر والدكتوراه 150 دينار بس
وسمعت معلومه اعجبتني وللحين ما تاكدت منها انه الماستر يزيد الخبره سنتين يعني اذا صارلي موظفة سنه وخلصت ماستر يزيدون خبرتين سنتين
|
المشاركة الأصلية كتبت بواسطة ghalyah91
اسلام عليكم
انا الحين بمكل ماجستير mba يكون معترف بالماستر اذا مو نفس تخصصي؟؟ |
اي عادي وايد ماخذين جذي
وهم ما يمنع اذا عزمتي تتاكدين من التعليم العالي
موفقه خير
|
المشاركة الأصلية كتبت بواسطة لذه السكر
حبيبتي الله يفوقج انشالله
بالنسبه للوظايف قليل اللي مرتاح وحصل وظيفة على مزاجه عندج واسطه برتاحين ومو اي واسطه بعد لازم من العيار الثقيل الثقيل بالنسبه للماجستير والدكتوراه زيادهم مو وايد وفي حجي ان الماستر بتتغير لل200 دينار والله اعلم رفيجاتي يكملون ماجستير حاليا وراحو اسالو قالولهم لاااااااازم خبرت عمل والا ما منها فايده واصلا في اماكن وايد ماترضه توظف عالماستر بتردج عالبكلريوس ولهم شروط صعبه بس مو مستحيل بالعكس وايد ناس عدلت اوظاعها للاحسن انا خبرتي بالتخصصات العمليه ماعندي فكره عن الادبي بس ممكن انج تتوظفين بمكان متواضع حته لو وزاره داثره وتكملين العصر عساس الصبح يكون شغل خفيف ودي افيدج اكثر بس هذي معلوماتي |
شكرا حبيبتي على كلامج الحلو والمشجع
والله يسمع منج ويزيدون علاوة الماستر لانه حرام شهادة دراسات عاليه وتعب دراسة سنتين او ثلاثه واخر شي علاوتها 75 واللي اعرفه هالعلاوة من عشرات السنين ما تغيرت للاسف