الفحص

السلام عليكم..

بنات بغيت اسأل بعد ما تطلع نتيجة الفحص هل الوحده تنطر علي ما يعطونها المهر علشان تبلش تجهز نفسها وتعتني ببشرتها وجسمها ولا مباشره بعد النتيجه تبدي بهذي الاشياء؟؟

وابي اسأل عن افضل صالون لحمامات العروس عن تجربه ومنو جربت هيربل سبا خليجية

العنآيه تحتآج وقت طويل
لآزم تبدين فيهآ من الحين لأن مآ يبين بيوم و ليله خصوصآ الشعر

مووفقه

مشكوره اختي

بس ماني عارفه شنو ابدء فيه بصراحه

وشنو الاشياء اللي اشتريها

ابببببب

إذآ استلمتي المهر خليج مقسمه كل شي بورقه و قلم على حسب ميزآنيتج
و شيلي فلوس أغرآض أول ليله بروح عشآن مآ تلعبين فيهم و تتوهقين
يعني فلوس النفنوف + المصورهـ + الدي جي + الصآلون + الذهب
و إذآ كآن العرس بعد 6 شهور أو أقل بلشي بهالأغرآض و ابدي شغلج مآل أول ليله
بعدين تفرغي حق بدل الإستقبآل و الشوزآت و الجنآط و الدرآريع إذآ تلبسين و لبس الشقه و ملحقآته و قبل العرس بشهرين اشتري العطورآت و المكيآج و التنآتيف ابدي فيهآ مع تجهيزج لأن التنآتيف مآ تخلس
و العنآيه ابدي فيهآ من الحين عشآن يبين فيج بعرسج

اب اب اب

ودي احد يفيدني ويعطيني طريقة التقسيم

حبيبتي جيبي ورقه وقلم وقسمي :
** دراريع << على حسب اذا بشقه بروحكم 4 كافي حق زوارات اذا ببيت حمولتج بتسكنون شوفي جم ميزانيتج واشتري على حسب ميزانيتج ونصيحه مو كله فخم اشتري فخم وناعم وستان وحرير وقطن وفيه دراريع جينز يجنوووووووون على مخابي وحركات ..

** بدلات < اذا بدويه لا تكثرين بدلات لانه كله تحت العبايه اذا حضريه نوعي بالبدلات تنانير بناطيل تشيرتات طويله قمصان يعني انتي وذوقج ..

** قمصان نومـ < لا تكثرين لانه رح تجيج هدايا بعد يعني 6 كافي والله واذا ما كفى ورى الزواج اشتري مع زوجج عشان ميزانيتج تكفي ..

** بجايمـ < بشكل عامـ اشتري اشكال واجد مو شي معين يعني كم طويل وقصير وجابنيز وحفر وكم طايح وبرمودات وبناطيل طويله وشورتات قصيره وتنانير قصيره وقطعه كامله قصير ونفانيف اللي لي تحت الركب بس كله قطن وعلى اشكال فهمتي انتي وذوقج ..

** عبايات < اذا بدويه اخذي على حسب ميزانيتج انا فصلت 10 عبايات كتف و3 راس 2 نقشه وواحد ساده بس سير بالايد وفصلت كله بالعربيد والدبوس واذا حضريه اخذي 3 كتف وحده نقشه ناعمه والثانيه ساده مع شيلتها والثالثه اوفر شوي حق اعراس ..

** ملابس داخليه < اخذي اربع اطقم ستان وحرير من الكشخه واخذي واخذي اطقم قطن على حسب ميزانيتج حق الاستعمال اليومي لانه الستان والحراير بس حق الغرفه بينج وبين زوجج فتره وتقطينه عشان مايسبب التهابات الله يكافيج الشر والاقطان حق كل يوم بس اخذي اطقم و انا مالقيت اطقم فتعبت فريت اكثر من مكان عشان القى شي سنع وركبت البوكس مع السليب تركيب كل واحد ولونه وطلع حلو ونسيت اقولج اخذي لج اثنين بوكس بوش اب شفاف حق مناسبات وقمصان نومـ ..

_ جذي خلصنا من اللبس ..

** المكياج < اهم شي الفونديشن والبودر والماسكرا ماركه زينه وحلوه والباقي عادي اي شي اخذي بودر وفانديشن ماركه حلوه وانا دااايما اخذ ميك اب فور ايفر يجننن يصفي الوجه ويخفي العيوب بس شوي غالي انا خذيت البودر والفونديشن مع الكونسيلر ب56 وشي مو ذاكره وخليته بس لمناسبات او زوارات وجمعات والايام اليوميه العمليه خذيت من ماك حلو بعد يعني {6} من ميك اب فور ايفر فونديشن وبودر وكونسيلر / ومن ماك فونديشن وبودر وكونسيلر عرفتي وانتي وكيفج شوفي ميزانيتج تكفي ولا لا ..
والماسكرا حبيب قلبي وروحي اللي ما استغنى عنه ماسكرة شانيل عجيييييييييييييبه بالفرنسي تلاقينها والباقي شدوات وهالخرابيط كله من مكياجي ارخص واحسن خليجية

** العطور < لا تكثرين اكيد رح يجيبون لج عطور واجد من ضمن الدزه اخذي لج 3 عطور فرنسيه و 2 عود و2 على ريحة بخور و 1 دهن عود ثقيل حق مناسبات و1 دهن عود خفيف حق الوقت اللي تزورين فيه حمولتج او اهلج و اخدي لج معمول وبخور حق شقتج وحقج ..

** كريمات ولوشنات < اخذي طقمين ست من قكتوريا سيكرت لو تحبين و من بودي شوب اخذي كريمات مع السبرآي واحلى شي بابايا وفراوله بس .. واخذي ديودرنت من الصيدليه احسن واضمن شوفي صيدلية السماح عند صيدلانيه ام عبدالله حيل زينه ونصوووحه ..

** الجنط والشوزات < اهم شي اخذي اسود وابيض ورمادي هالالوان اساسيه حق كل البدلات وانا اخذ من مغاتير والحمرا مول بالفروانيه .. وبعدين نصييييحه لا تكثرين كعب يعني اخذي فلاتات و2 كعب بس كافي عشان ظهرج نصيحه يعني لانه انا ظهري راح من الكعب مع اني توني صغيره خليجية

ونسيت اقولج اخذي خمريات واحلى خمريات جربتها كل حياااااااااااااااااتي من دبي مول خمريه مدري شسمها بس لونها ابيض وثقيييله شووي يعني نقطه تحطين بس وخمريه ثانيه لونها احمر على عنابي وهذي خفيفه انا احطها على شعري والله البنات يسألوني عن ريحتها حتى وانا لابسه شيله ريحتها طالعه ماشاءالله واحط على جسمي بعد من حلاها تهبل والله وتفووووح تظل 3 ايام ثاابته تهبل والله ..

وان شاءالله يارب اكووون افدتج وما نسيت شي لاني صج ابي افيدج واذا تبين اي شي انا حاضره بس دزي لي مسج عالخاص لاني ما ارد عالموضوع اكثر من مره واخاف انساه وربي يتمم عليج ياااارب ويوفقج ويسعدج مع زوجج اللهم امين خليجية

ماشالله مجنونة غلاي كفت ووفت .. ان بعد استفدت مشكوره حياتي

لوف كويت نصيحه اتمنى تمشين عليها لأني ما مشيت عليها والحين خلص مهري تقريبا وماخلصت اغراضي حتى نصها بكمل بالمعاش تخيلي

اهم شي اهم شي من تعرفين جم المهر علطول سويلج جدول وحطي اسعار تقريبيه وزود شويه علشان لي زاد احسن ما ينقص عليج

العنايه الحين سوي اللي تقدرين عليه .. سنفرات السكر والزيت زيتون وهالسوالف

لين تملجين عاد تبدين حمامات مغربيه وهالسوالف الثقيله قبل العرس بشهرين

بس ويهج تكونين مطمئنه منه وتكونين معالجته لو فيه شي قبل العرس بثلاث شهور مو اقل علشان ينظف ويفرق مع ريلج ومع اللي حوالينج

وعالبركه حياتي