|
|
السلام عليكم خواتي
اشلونكم كلكم وعساكم بخير وطيبين انشالله
عندي اقتراح وفكره واتمنى الكل يتجاوب معاي
علشان تعم الفايده على الكل
يا بنات كلكم تعرفون انه مواعيد اطفال الانابيب بالحكومه خياليه وطبعا منو منا راح تنطر 4 او 5 سنين بس علشان تسويها بالحكومه
بهالموضوع ابي اطلب من كل وحده سوت عمليه طفل انبوب او تلقيح صناعي
تتكرم وتجاوبنا على هالاسئله علشان الفايده تعم علينا كلنا والله يكتب لنا اللي فيه الخير
1 – وين سويتي العمليه انابيب تلقيح ؟
2 – جم كلفتج ؟
3 – بعد جم محاوله انجحت معاج العمليه ؟
واكون شاكره لكل وحده تحب الخير حق غيرها وتتجاوب معانا
يالله انطر ردودكم 
|
المشاركة الأصلية كتبت بواسطة *me*
 هلا إختي .. والله انا ما عندي فكرة…أنا متزوجه من 5 سنين وللحين ماعندي ياهل. واحتمال أسوي تلقيح صناعي أو طفل أنابيب بس بعد جم شهر. فيايت اللي سوت تفيدنا والله يرزقج ويرزقني ويرزق كل محرومة … آمين يا رب العالمين
|
مشكوره حبيبتي على مداخلتج وانشالله ربي يرزقج ويرزقنا بالقريب القريب العاجل
|
المشاركة الأصلية كتبت بواسطة bnt_kwt
1 – وين سويتي العمليه انابيب تلقيح ؟ سويت عملية انابيب (الحقن المجهري ) لأن المشكله من زوجي وهو ضعف وبطء حركه عند الدكتور منصور الصليلي بالجهراء 2 – جم كلفتج ؟ 3 – بعد جم محاوله انجحت معاج العمليه ؟
|
واي استفسار انا حاضره
حبيبتي الله يكتبها لج بالمره الثالثه يااااااااااارب
وعلى قولتهم الثالثه ثابته ياااااااااارب وتفرحين وتفرحينا معاج يا قلبي
بخبر حملج قولي امين
الحمدلله على كل حال حبيبتي والله يعطينا ويرزقنا مثل ما رزق غيرنا
وحياج انشالله معانا
ابنيتنا بأمريكا حبيبتي ربي يوفقج دنيا واخره وما تتصورين اشكثر يريحني دعاائج لنا يا قلبي الله يخليلج عيالج ويخليج لهم والله يجزاج خير
بنات سؤال بره الموضوع شنو الفرق بين التلقيح والأنابيب …. أسفه بنت الكويت على الإضافه بس عشان توضح الامور عندي 
انا اقولج باختصار
التلقيح الصناعي اهو اخذ عينه من السائل المنوي للزوج وتقويه الحيوانات وتنقيتهم وحقنهم بواسطه ابره ضعيفه ( انبوب ) في رحم الزوجه مباشره يعني الزوجه بس تاخذ المنشطات والابر التفجيريه والحقن بالسائل المنوي
ونسبه نجاح العمليه من 25 %الى 30 % وكله بيد رب العالمين ووايد ناس انجحت معاهم من اول مره
واطفال الانابيب اهو نفس خطوات العلاج بالنسبه للزوجه بس بعدين يتم سحب بويضات من الزوجه وتلقيحهم بالسائل المنوي للزوج اللي يكون طبعا محضر خارج الرحم ويتم استرجاع البويضات الى الرحم ونسبه نجاح اطفال الانابيب طبعا اكبر من التلقيح الصناعي
مع العلم انه النتيجه مو من اول مره يعني في ناس ممكن من اول عمليه طفل انبوب تنجح معاهم وفي ناس لا بعد محاوله او ثنتين او ثلاث او او او يعني كله بعلم الغيب سالفه نجاح او فشل كلا العملتين
وانشالله تكون معلوماتي صحيحه مع خبرتي البسيطه بس من كثر ما قريت وسألت قمت اعرف
وانا جربت التلقيح الصناعي مره والله ما كتب لي وانشالله بكررها بعد
ورحمة واسعه ياقلبي وكل شي عنده بمقدار اهم شي اليقين انه الله سبحانه بيعطيج بأذن الله
جان ناديتيني اسويلج جو شويه لووووول سوري داشه عرض يالله عسى ربي يرزقنا ويرزق كل من تمنى قووولي امين حجيه خخخ
البنوته ههههههههههههههه ما تحتاجين عزيمه بالموضوع علشان اللي تنوي تسوى العمليات بره مو بالحكومه تستفيد من تجارب غيرها
جكوره حبيبتي مشكوره على دعوتج اللي تهبل وانشالله املنا كبير برب العالمين وسواء في يهال ولا مافي الف الحمدلله والشكر
عند دكتوره ماجده اليتامي بدار البراء كلينك
تكلفة التلقيح 300 الي 315 دينار تقريبا
شامله المراجعات والسونار والأدويه والتلقيح مع الاعاده
سويتها مرتين
النتيجه ما حملت والحمدالله علي كل حال
انا الحين مريحه صارلي شهرين
والمره اليايه اما اسوي تلقيح للمره الثالثه او اتجه للأطفال الانابيب
ملاحظه مع العلاج يصير في بويضات وتكبر والحيوانات المنويه زينه
بس الله ما كتب
اللهم لا تذرني فردا وانت خير الوارثين
ويرزقج ويرزقنا بالذريه