|
|
توفير الاموال ..
حيث يمكن الاستفادهـ من راتبها في امور خاصه بالاسره مثل التنزه او الماكل او الملبس وايضا بالتصدق على الفقراء لنيل الثواب من الله
التصرف بلا قيود في المنزل ..
لان عدم وجود انسانه غريبه داخل المنزل يجعلك انتي وزوجك واولادك تشعروا بالحريه الكامله في المنزل وتتكلموا في اي موضوع وتتصرفوا اي تصرف باطمئنان كامل
الإحساس بالامان ..
لانكي اذا فقد منك اي شي ستبحثي عنه بهدوء لانكي مطمئنه انه لا يوجد شخص غريب في منزلك فالاحساس بالامان احساس جميل وبذلك تستطعين وضع لوازمك الخاصه في اي مكان تريدينه باطمئنان كامل
الحفاظ على صحه الابناء ..
ستتلافي الامراض المعديه التي ممكن ان يصاب بها الابناء نتيجه احتكاكهم بالخادمه طوال اليوم ……
الإحساس براحه البال ..
من مشاكل كذبها وسوء السلوك وسوء الخلق سواء بالالفاظ او بالتصرفات ومن مشاكلها مع الابناء وغير ذلك من المشاكل التي لا حصر لها
الحفاظ على اسرار المنزل ..
لا يخلوا منزل من الاسرار وبعض الخلافات فسركم في منزلكم لن يطلع عليه شخص غريب (( وياكثر نقل الشغالات لمشاكل البيوت بين بعضعن )) وان هذا لنعمه كبيره من الله
تعليم الابناء الخلق والسلوك الصحيح ..
ستعلمي ابنائك السلوك الصحيح ويبارك الله لكي في ذلك لانه لا يوجد بمنزلكم انسانه تتصرف تصرف مختلف يؤثر سلبيا عليهم بل كل ما حولهم في المنزل ينمي فيهم السلوك السامي الرفيع
ضبط ميزانية المنزل ..
سوف تستقر ميزانية المنزل من فواتير التلفون والكهرب وكذلك بالنسبه للاشياء الاستهلاكيه الاخرى في المنزل (( واللي دائم تخلص قبل وقتها وهذا غير اكلها وشربها وادواتها الخاصه فيها لان فيه كثير اسر تحسب حسابهم حتى في شوكولاتات عيالهم لان لهم نفس وحرااام بعد لازم رحمه ))
المنزل سيكون نظيف ومنظم في كل الاوقات ..
طبعا بتقولين مستحيل بس لانك بدون خادمه ستصبحين مرتبه ومنظمه وتعملين اعمالك اول باول بدون الاعتماد على احد وعن طريق عمل جدول منظم لاعمال المنزل وتحدديه بالساعه وتنظمينه على كيفك حسب اولوياتك
تعليم الابناء الاعتماد على النفس ..
لانهم سيرتبوا غرفهم بنفسهم ويجهزو اغراضهم بنفسهم وهذا بينفعهم في حياتهم المستقبليه فاحرصي على ذلك ليصبحوا ابناء مثاليين تفخري بهم ويفخر بهم من حولك ويعلموه لابنائهم فيما بعد
تنميه مهارتك الذاتيه بصوره افضل ..
كلما قمتي بعملك بنفسك كلما زادت مهارتك في هذا العمل ووجدتي نفسك تقومي به بمهاره واتقان وسرعه اكثر
احساسك بالنشاط والحيويه ..
القيام باعمال المنزل ينشط الجسم والعقل معا وبالتالي تشعري دائما بالنشاط والحيويه
رشاقة جسمك ..
العمل يحرك اجزاء جسمك وهذا يعتبر تمرينات رياضيه يوميه تساعدك على ان تكوني رشيقه دائما
الابتعاد عن الافكار السلبيه ..
انشغالك بامور منزلك يبعدك عن الوساوس الشيطانيه والافكار الهدامه التي يسببها الفراااااااغ
الابتعاد عن النميمه وإضاعه الوقت..
لانه سوف تقل مكالماتك التلفونيه وزياراتك التي مع كثره الكلام فيها مع الناس تصل الى الغيبه والنميمه في بعض الاحيان وممكن ان يكون هذا ليس في طبعك ولا خلقك ولكن الناس مع الكلام يستدرجونك في ذلك حمانا الله واياكم منها
التركيز في اعمال المنزل واحتياجات اسرتك ..
ستقدري على التركيز بهدوء في اعمالك اليوميه الخاصه بك وباولادك وبمنزلك فالاهم من القيام بالعمل التركيز فيه (( لان ما عندك انسانه تشغلك بقصصها ومشاكلها التي لاتهمك وبس تشتت ذهنك ))
الشعور بالسعادة الداخلية..
ان احساسك ان كل ما في منزلك من نظام ونظافة وتدبير ومهاره في كل شي من صنع يديكي سيشعرك هذا براحه نفسية كبيرة واحساس بالنجاح
الإحساس بالثقة في النفس ..
اذا قمتي بادارة منزلك بنفسك ستشعري بانكي قويه وغير محتاجة لأي انسانة غريبة تتدخل في حياتك واسرتك الصغيرة وتترك اثارها السلبيه عليكم
فخر زوجك وابنائك بكي ..
سيشعرون بقيمتك اكثر وسيفخرون بكي لان كل ما حولهم من جمال من صنع يديك انتي وحدك وتصبحي قدوة طيبة لابنائك
ستكونين مثلا أعلى للجميع ..
ستكوني محل نظر الجميع وموضوع اعجاب جميع الاهل والاقارب والجيران والاصدقاء وستكوني قدوة لهم لكن لو عندك خادمه ومنزلك جميل سيقولون طبها الخادمه هي التي جعلت المنزل بهذا الجمال !!!
استثمار وقت قيامك باعمال المنزل في تنميه ثقافتك ..
لانك ممكن وقت العمل تشغلين اشرطة تزيد ثقافتك الدينية وتزيد نشاطك وقت العمل وتسليك مثل المحاضرات وغيرها (( وتراى الطريقة مجربة عند الكثير وتسهل العمل))
وانا اشوف ان اهم فائدة هي
ان تنالي رضا الله عز وجل وان تؤجري بثواب كبير من الله في الدنيا والاخرة ولكن بشرط ان تكون نيتك عند القيام بالاعمال الخاصه بالمنزل وبكل افراد اسرتك خالصة لوجه الله تعالى وابتغاء مرضاة الله ورسوله صلى الله عليه وسلم ورضا زوجك عليك
واتمنى من كل قلبي ان ينال الموضوع اعجابكم وتستفيدوا منه لاني تعبت في كتااااابته
وشكرا لكم وارجوا التهذيب بالرد للي ما عجبها الموضوع
وفي النهاية بس خمس مشاهدات ولا رد واحد
على الاقل اكتبو رفع او على الاقل اذا ماعجبكن عبروا(حرية شخصية) تراه في النهاية نت
لا أعرفكم ولا تعرفوني
موبس تدخلو ولا تكتبوا شيئ اهي اهي
والله ماهقيته منكن يا كويتيات
محتاجه احد يساعدها بالبيت
لان موضووعج منافي للفطره السليمه>> هههه دعابه!
شنو استغنو عن الخادمه!؟
نستغني قبل لماكانت دار وحمامها فيها
لكن الحين فلل ودورين وثلاث ادوار
ومسؤلياات
وعدد الغررف والحماماات ووووو
من صجججج!؟
استغنو عن الخادمه نستفيد من معاشهاا!؟
اي معاش!?
يسواا راحتي ونطامي!؟
لايبااا
صعب الاستغنااء عن الخادمهوالخادمه تعامل بمايرضي الله وابد ماايينا منها شرر
ننظفهاا ونسنعهاا ونعاملها بحنيه
تصير جنهاا وحده منناا تحبناا وتخاف عليناا
وتحرص اكثر مننا ع البيت
اذا عاملناهاا زين وعزلنا مكان نومهاا بعيد
وحددنا وقت شغلهاا
اما اذا البيت غرفتين وحاشرينها معاي
ونعاملها زفت اكيد ماراح ايي منها خيرر
ولالهاا شغل بالتاثير ع تربيه الاولاد وووو!!
شكووو!؟
يالله اذا المره سنعه بدال ماتستغني عن ااخدامه
وتكدح وتمرض نفسهاا
خلهاا تخلي تربيه عيالها والاهتمام فيها
عليهاا اهي شخصياا>>> اقصد الام
اما البيت والتنظيف والغسال والخماام والكرااف
لاوالله ع الخدااامه وانا مرتاااحه
اتسنع وانركرت واتفنن بالطباااخ
واهتم بريلي
وبعيالي
موو اخم واغسل وارتب واغسل ملابس
واطق اوتي
وادرس عيال
واطبخ
وانجب
واغسل اماعين!!
لاا
وفووق هذا اجابل ريلي
واهتم فيه
واهيئ له اجوواء
لا وانام واقووم!!
هذا رجل آلي موومره
ههههههههههههه
لايباا
موظوووعج مانبيه الله يهديج
الواحد يدور الزين والراحه
وانتي بترجعيناا لماقبل النفط!!
المره السنعه تطبخ بيدهاا
وغرفه نومها ماتدشهاا الخدامه
وملابس ريلهاا تسنعهمم
والبييت والخمام والغسال والكراف ع الخدامه
واعطيها معاشهاا وانا اظحك بعد!!
بس كله كووم واكلامج ادا استغنينا عن الخدامه
بنوفر كهرب واتصال
ههههههههههههههث
الله يهديج
وشكرا ع الموظووغ
انا معاج اذا تقصدين بكلامج للي توها متزوجه او الاسر الصغيرة
بس شحااادك ع المرررر
انا معاج اذا تقصدين بكلامج للي توها متزوجه او الاسر الصغيرة
حبيبتي أنا طارحة الموضوع للنقاش
والتجارب بعدين تعالي
وحدة اعرفها من بعيد بس تصير اخت زوج خالتي
ربي ما رزقها بالبنات بس عندها أولاد وأربع بعد
والله إنهم شايلين البيت شيل كل شيء عليهم
بدرجة إن بنت خالتي تقول رحت مرة عندهم وقلت خل أزين شاي رحت أشوف وين عمتي مالقتها جاني واحد من عيالها
يقول شنو تبين قالت أبغي استكانات الشاي قال اي منهم التركية ولا وعددلها كم نوع
جاء وطلع الاستكانات وجهز الصينية والأغراض تبعها
مو قلت لك الأولاد نعمة
الحفاظ على اسرار المنزل ..
لا يخلوا منزل من الاسرار وبعض الخلافات فسركم في منزلكم لن يطلع عليه شخص غريب (( وياكثر نقل الشغالات لمشاكل البيوت بين بعضعن )) وان هذا لنعمه كبيره من الله
بروحهم مو معقوله ولا تقولين توديينهم بيت يدته صعبه
مع اني انا ماعندي خدامه لاني لي الحين ما رزقت ب بيبي وتوني ماصار لي مده متزووجه
وارتب واطبخ واسوي كل شي بروحي بس مرات ودي تساعدني خدامه لي ييت اسوي ترتيب شامل
بس ريلي مايحب اييب خدامه بالبيت ف مضطره اسوي كل شي بروحي
اختصرها لج الخدامه شر لابد منه ^_~
و ادرس وتخصصي موسهل .. بالجامعه .. وحامل ..
وشقتي كبيرة ومنفصلة فيها مطبخ وحمامين وانتو بكرامه وصالة وغرف ..
وهم غسالتنا برووح الحمدلله … بس وقتي كله يا بالجامعه وارد العصر لا وبعد باليل مرات ..
ولارديت ابي اجابل دراستي ولا افضا
حتى اهلي بالموت امرهم ؟
وشنو اللي المرة موو سنعه اللي تخلي الخدامه ترتب غرفه النوم ؟
وليش ماترتبها ؟؟
وتكنسها وتغسل الشراشف .؟؟
عااااااااادي . شنو الغلط وشيبي يصير !!!!!!!!
متي تجي خدااااامتي حبيبتي والله علي نذر عشا
وازيد معاشها
خلو عني هالحجي احنااا مانسوااا بدونهم
الله يخليهم لنا ويسخرهم
|
المشاركة الأصلية كتبت بواسطة أم حنآن
 انا تو متزوجه وعندي خدامه لان ماعرف اطبخ ابدااا …!!
و ادرس وتخصصي موسهل .. بالجامعه .. وحامل .. وشقتي كبيرة ومنفصلة فيها مطبخ وحمامين وانتو بكرامه وصالة وغرف .. وهم غسالتنا برووح الحمدلله … بس وقتي كله يا بالجامعه وارد العصر لا وبعد باليل مرات .. ولارديت ابي اجابل دراستي ولا افضا حتى اهلي بالموت امرهم ؟ وشنو اللي المرة موو سنعه اللي تخلي الخدامه ترتب غرفه النوم ؟ وليش ماترتبها ؟؟ وتكنسها وتغسل الشراشف .؟؟ عااااااااادي . شنو الغلط وشيبي يصير !!!!!!!! |
ياعيبي عيباه @__@ بعد لو قايله تنظف البيت جان بلعتها وسكت اما تنظف غرفتج قوووويه من صجج انتي !!
الخدم عيونهم وصخه وعليهم حسد وغرفة نومج فيها خصوصياتج شنو خدامه تنظف غرفتج بعد عجزانه تنظفين غرفتج وتخلين البيت كلها لها اهيا تنظفه واذا عالشراشف مو مشكله انتي شيليهم وطلعيهم لها بره مو شرط تدش غرفتج عيب يا امي والخدامه اذا ما قعدتي فوق راسها وراقبتيها نظامها تبطل كبتات وتشوف شنو فيه وشنو مافيه يعني عادي عندج !!
الله يصلحج يارب