|
|
قوووه بنات
المشكله اللي بتكلم عنها ماتخصني هي لبنت عمتي بس لأنها كاسره خاطري
وكله تشكي لي قلت أحط مشكلتها هنا وتساعدوني عشان اساعدها
الله يسلمكم هي كانت مخطوبه لواحد مايصير لها كلللللللللش وبعد الملجه
بدت تكلمه وبعد فتره من المكالمات صارت تلاحظ انه واااايد يحب الجمال
والجميلات ويدقق بالشكل وبكل تفاصيله وهي البنت من قبل وهي ماعندها
ثقه بنفسها كلش مع انها حلوه وتهبل بس فيها عقدةعدم ثقه مادري ليش
وبيوم وهي تكلم خطيبها جان يقول لها فلانه تصير لج صح ؟ جان تقول
ايه وهو كان يقصد بنت خالتها والبنت هاذي جمييييييلللللللله وايد
ومشهوره بمحيط العائله بجمالها انا يوم شفتها انصدمت من جمالها
المهم ، قال ترا هاذي معروفه عندنا انها ملكة جمال وكل الشباب
يتحجون فيها اوصفيها لي شلون شكلها انا مره لمحتها وهو جذااااااااااااااااب
وين يلمحها وهو ماعمره شافها بس يبي ياخذ اوصافها .gif "Eh S(4)")
وتقول انها ماعطته ويه وسكتته وزعلت بس تقول كله يطري سيرتها
ويسأل عنها ، البنت بدت تكره بنت خالتها كره مو طبيعي كلش وتغااااااااااار
منها بجنون وتدعي عليها وما تتمنى لها الخير وتنصحها نصايح تخربها
و 24 ساعه تفكر فيها وكله تبجي واااااااااااااايد كاسره خاطري
واذا احد مدح بنت خالتها ينقلب وييها الواااااااااااان وتدمع عيونها
وتحاول تعيبها عن الناس بأشياء مو فيها ، حسبي الله عليه سبب لها
عقدة نقص وهي من اول ماعندها ثقه اصلا مهما اوصف لكم
عن حالتها مستحيل تكونون بالصوره .gif "Eh S(2)")
تعرفون غيرة الحريم تخوف صج انا خايفه عليها وعلى بنت خالتها
و ودي انصحها واتكلم معاها وددي اخليها تشيلها من راسها بس مادري شلون
شوروا علي
استغفرالله واتوب اليه
خلاص دام عينه زايغة وهم بالبر تريح نفسها وتنهي مابينهم لو تاخذه وهاذا طبعه اتوقع بيجيهت الضغط والسكري منه
معجب ومتحطم ويفكر بغيرهاا!؟
شفايده وجوودها معااه؟؟
اللي يتكلم جذي معناته مالها
قدر عنده ولاحب ولاحترام!!
المفروض تتركه
اللي هذا اوله ينعاف تاليه!!
وبصراحه خطيبها ماينسكت عنه ليش ما تبين له انها تغار وماتبيه يتكلم بالبنات قدامها والمفروض هو يراعي مشاعرها لو شوي !!!
يلا الله يعينها و يهديها ويهدي خطيبها
المفروض تدعي ع ريلها القليل الادب وقح مدام عاجبته ليش ماخطبها من الاول والمفروض اتزفه وتوقفه عند حده والبنت الله يكفيها شر بنت عمج مادري بنت خالج والله يستر عليها ويرزقها بالزوج وتفتك من غيرة وتفاهة الحريم انا يقهروني اللي اتخلي زوجها وتحط عيوب الدنيا بالبنت مازوجج وقح ومايستحي اهيااااا شكووو تكرهينها العيب موفيها اب ريلج
شذنب البنت
ماتبي تترك الريال دامه خفيف
وترى وايد عيب يتكلم باعراض ناس
تبي تكمل تتحمل طبعه
وخل تستغفر ربها وتصفي نيتها
راح تظل تغار واهو مايتغير يحب الجمال
وراح تتعب ووووووووووووايد
صدقيني والله العظيم
والله انا اقول من البدايه ترفضه لانه لعوب وراعي سوالف وخليها تفركش الخطبه احسلها
او انها تواجهه وتقوله مالك شغل وشنو هالسوالف تعطيه جم كلمه بالعظم عشان يتعدل ولا ان هالاشكال ماتعرف التعدل
وخليها تثق بنفسها اهم شي الثقه بالنفس خل تدخل النت تدور دروس عن الثقه بالنفس وتطبقها
اهيا ماعندها ثقه في نفسها وهذا اللي خلا شخصيتها تصير مهزوزه
يعني بالله تكره بنت خالتها و تدعي عليها و تحقد عليها ليش بالله؟؟
هاده المشكله الاساسيه اللي اهي خطيبها ومركزه عالبنت اللي مالها ذنب؟؟؟
انا اقول خلتهده بس دام السالفه من اولها جذي ابرك لها
ي الله مسكينه البنت خلاها تغار منهاا غصب
صراحه خل تستخير عالرجال اول < لان بصراحه كلامه مرجوووج مو وجه زواج
وثانيا انتوا اهلها رفيجاتهاا حاولوا ترفعون الثقه فيهاا مثلاا اذا شفتيها كاشخه امدحيها حيل امدحي كشختها ولبسهاا او اي شي حلو فيهااا
عشان ترتفع الثقه عندها شوي شوي
والله يوفقها ويفرج همها