الغيرة وماتسوي

بكتب لكم وكل الم على صديقتي وحبيبة قلبي المشكله مشكلة صديقتي واتمنى ان تساعدوها
ص ديقتي عاشت مع زوجها عشرة عمر وزجها يحبها واهي تحبه وبينهم اولاد كبار ويحترمها ويموت عليها بس اهي مشكلتها انها تغار على زوجها بزياده وزوجها متحمل و وزجها من النوع المحافظ مش تبع خرابيط واهيه عارفه هذا الشي بس تقول ماقدر امسك نفسي عن الغيره لو مثلا تكلم معاها في موضوع وجاب سيرة عائله او بنت يخص العائله تشك فيها مثلا قال بيساعد عائله فقيره وعندهم بنات تقول ليش تساعدهم اكيد فيه علاقه مع بنت من العائله وقبل اسبوع نفس الشي بس زعل منها زوجها زعل كبير وصار مايكلمها اسبوع تقريبا مع ان صديقتي ماشاء الله جميله وحلوه بس فيها الغيره ومش عارفه تعمل ايش وخايفه على حياتها تدمر بسبب الغيره واهي عارفه ان كل هذااوهام لما انصحها تقول لي ماتشوفين الايصير عندنا وهالقصص الاتسمعيها
اتمنى منكم تساعدوني واوصل لها الكلام لاني انا خايفه عليها

صديق نج شكاكة مؤ غيورة ولازم تعالج الشك عند دكتور نفسي علشان تريح عمرها وزوجها

الله يعينها هي بتتعب نفسها وبتشيب قبل عمرها

قوليلها لاااتخربين على عمرج
والريال اذا بيسوي شي بيسويه من ورااج
وغيرتج الزايده بطففررره

الله يكون في عونها وعونه

اشدعوه دكتور نفسي مو لي هالدرجه
خل اتفكر انه هالغيره بتهدم حياتها وبتخلي زوجها يمل خل تحاول اتخفف او ماتبين هالغيره والشي اذا زاد عن حده انقلب ضده

خليها اتقوي ايمانها بالله وان شاءالله تنحل مشكلها
دينا عظيم عطانا ادعيه نحفظ فيها ازواجنا واولادنا من كل سوء
الله هو الحافظ مو تنبيشها وراه لنفرض انه طلع علا علاقه مع بنت من هلعوايل اللي يتكلم عنها تتوقعين اذا كان يحبها وحب هلبنت تملك قلبه بتقدر تنزع هذا الحب بالطبع لا فهذا الامر بيد رب العباد
لذلك:
تدعي ب اللهم اجعل لنا من ازواجنا وذرياتنا قرة اعين واجعلنا للمتقين اماما>~هذا باذن الله زوجها مايطالع غيرها
وتقول اللهم اني استودعك زوجي وانت لاتضيع ودائعك
وتتوكل علا الله حسن التوكل>>من توكل علا الله فهو حسبه

بجذي بترتاح وبتطفي الغيره والشك لانها علا ثقه تامه انه لو فر الكره الارضيه وجابوله بنات اشكال والوان ماراح يشوف غيرها لان الله الواحد الاخد القادر حافظه

على كثر هالغيره والشك لو صج خانها يمكن تنتحر

ختعالج نفسها قبل لا ينحاش الريال

مرة دكتور بعلم النفس بالمحاضره يقول مرات الواحد يعطي الثاني سلاح علشان يهدم حياته وهو ما يدري….نفس قصة يوسف عليه السلام لما اخذوا اخوانه شنو قالهم يعقوب عليه السلام قالهم انه خايف انه ياكله الذيب…..ولما خذوه وقطوه بالبير ردوا لابوهم وقالوله نفس العذر بأن الذيب كلاه…الفكره انج اذا حنيتي على ريلج بفكره معينه مع الوقت اهو راح يشوفها ممكنه ويقول ليش لاء…..مثلا وحده تقوله انا اغار عليك لانك حلو وجذاب والبنات مو شايفين خير فانا لي الحق اني اغار واشك…….مع الوقت راح يؤمن انه لازم وغصب البنات تحبه لانه حلو فالفكره تصير عنده ممكنه اني اتزوج غير مرتي لاني حلو بعد م كانت هذي الفكره عنده شبه مستحيله…..وقيسي عليها امور كثيره……زوج رفيجتج مع حنتها يمكن يقتنع ان هذي البنت فقيره وصج تستاهل ان واحد يتزوجها ويمكن يكون اهو ……..لان زوجته أوحتله ان هذي الفكره ممكنه وإلا ليش قاعده تشك فيه وتحن عليه!!!
ارجو ان البنات يستفيدون وينتبهون وما يهدمون بيتهم بافكارهم السخيفه والله يخلي ازواجنا لنا ان شالله

الله يهديها تعرف ان زوجها مو مال خرابيط ليش تسوي جذي
هذا عدم ثقه مو غيره

الصراحه ماعندها سالفه خاصه واهي واثقه فيه ليش تتهمه ؟؟
صدقيني لو واحد غيره ويشوفها جذي تتهمه واهو بريء يسويها فيها صج عشان بدال لا تعيش بوهم يصير صج ويريح راسه لاتتهمه عالفاضي يكون شكها صجي وبمحله ..

حرام لاتطفش الريال من ايدها وتلوع جبده ترى هالسالفه تخنق وتنفر زوجها منها

هذي مو غيرة هذا شك
والشك يهدم بيوت

ودام عارفة ريلها زين خل تعالج نفسها

ولا تفتح عينه على شغلات مو في باله

والريال الحين لو بيسوي شي صدقيني على قولتهم بيصير نايم يمج جسد بس

حبيبتي هذه مو غيره هاذا شك

لازم تخفف من هالشي