|
|
السلام عليكم ورحمة الله وبركاته
شلونكم حبيباتي
بغيت اتطرق لموضوع يمكن محد تطرق له من قبل وهو
الغش في الزواج
مثال
واحد خطب وحده مع اهله
وعقب السؤال عنه والكل يمدح فيه
وموافقة الأهل وتم الزواج تكتشف الزوجه بعدين انه مدمن مخدرات
هذا مو غش !!!
هذا مثال
مثال أخر
وحده يالها معرس
وسألت عنه كلشي تمام التمام
تزوجت … طولت ماحملت ولما طلبت منه انهم يفحصون
يقول لها انا في سر ماقلت لج إياه
انا كنت متين وسويت رجيم وضعفت عقب صار فيني ضعف بالحيوانات المنويه
هذا موغش
وامثله وايده من هالنمومنه
تتصورون منو إللي ممكن الله بيعاقبه
الأم إللي تخطب وداريه عن علة ولدها
ولا الناس إللي امدحو الولد ويدرون عن خياسه
والا الزوج بعدم مصارحته لزوجته اثناء فترة الخطبه
وهم الكلام ينطبق على الزوجه لما تغش زوجها
بأنها مثلا مو عذراء وهذا الموضوع منتشر الله يكافينا الشر واهلها يدرون بس يبون الستر فيبون يمشون البنت بأي طريقه
او تكون مريضه نفسيا ومايقولون
أو مريضه بمرض مزمن وماتقول
ابي أراكم حول هالموضوع وهل تشوفون هالشي ممكن يترقع مع مرور الأيام ولا لا
أو هل تقبلين ان تكونين احد النساء إللي انغشو برياييلهم ولا لا
منتظره ردودكم ياحلوات
واعرف وحده يا بعد قلبي قلبها تزوجت خذت واحد عمره 35 واهي حزنها كانت 23 ما ادري ليش خذته!!!!!!!
نصيبها سبحان الله!!!!!!1
المهم بعد الملجه الريال قعد 6 شهور يتهرب من تأجير شقة الزوجيه
ويماطل ويتعذر اعذار جدا سخيفه!!!!!
ليما ابو البنت قعد معاه بطلب من البنت نفسها لانها ملت وهي تكلمه……لما كلمه ابو البنت عن الموضوع افتشل وراح اجر شقه
وتمو شكثر على ما أثثوا الشقه(يعني تحسين مو ملهوف على المره كلش!!)
بالاخير لما انتقلت البنيه بشقتها اكتشفت الطامه الكبرى!!!!!!
الريال ما فيه رجوله
والبنت خنت حيلي حيلها كل ليله تنام ودميعتها على خدها من حسرتها على عمرها!!!!!!!
واصبرت شهووووور على هالوضع وانا كنت اكلمها حزتها واقول لها شالي مصبرج على هالوضع!!!!!!
لان فوق شينه قوات عينه الصراحه لا طلعه يطلعها مثل الناس ويتشرط ويتأمر وطبخيلي ونفخيلي بعد واهي ببيت اهلها ما تدل المطبخ وين صاير اصلا!!!!!!
وكانت تسوي يا بعد عمري كل الي يقول لها….والادهى والامر يروح يزور عند اهله اربعا وخميس ويمعه بعد!!!!!!
ويطلع عنها واهي قاعده بين اربع اطوف ولي رد تقوله احط لك العشا يقول لها انا طلعت مع خواتي تعشينا بره تخيلوا وهالمسيكينه قاعده بريحاتها بالبيت!!!!!!!!
يعني هذا مو غش!!!!!!!!!!
لدام انت تدري عن نفسك فيك هالشي ليش تقول حق امك خطبيلي!!!!!!!
البنت مسكينه تدمرت نفسيتها بس الحمدلله ربي فكها منه وانفصلت عنه والحمدلله يالله لك الحمد ربي عوضها خير سبحانه
مشكوره سارا على الموضوع وسامحيني على الطواله بس من حر ما بقلبي
مسكينه رفيجتج بس المفروض انه يروح يعالج قبل لا ياخذ البنت
والله حرام على الأقل الريال إذا طلق ممكن ياخذ وحده ثانيه وثالثه بس البنت
من تتطلق ياإييلها نصيب ولا تقعد ببيت اهلها
تدرين انا عندي اخوي اكبر مني بسنه كل يوم يطحن على روسنا يبي يتزوج
وكل البيت معارضينه مافيه شي بس لما نحس إنه يغير من افكاره
لأنه شوي حجر ويبي البنت تقعد بالبيت عندنا وماتسوق و و طبعا مثل مانبي
لنفسنا الخير حرام حتى بنت خلق الله من حقها تعيش حياة زينه
مشكوره سبائك على المشاركه نورتي موضوعي
من غشنا فليس منا
والحادثه إللي قال فيها هالحديث
بائع يزيد اللبن ماي ويبيعه على الناس
موقف بسيط بس عقابه عند الله عظيم
فما بالكم الغش في الزواج !!!
راح اقولج قصه عن الموضوع واحد تقدم لي ولمن صارت
الشوفه الشرعيه والموافقه ولمن يينا نسال عن الشاب طلع
الاخ مطلق لاوبعد ياريت مطلق للحينه متزوج بس منفصلين بدون حكم المحكمة والاخ راز عمره ياي يشوف بنات العالم وهو للحينه مومطلق ولامتزوج طاح حظه اقول .
بنت خالتي كان عمرها 20 وخطبها مطوع عاد هي ما ادري ليش قالت ايه ابيه ما ابي من شباب هالايام وهو عمره 29 ومطلق قالوا انه مطلق مره وحده ولان زوجته ماتييب يهال وهي قالت ابيه عادي وذا مطلق
لما تزوجت ولا يطلع مطلق مرتين ومو عشان اليهال لا لانه بخيل وايد يعني بوهباش وحده معقد والحين هي كل يوم مشاكل معاه ومو راضي يطلقها بعد
المصيبه انه مطوع وجذاب
في أمهات يخطبون لعيالهم بنات الناس بس عشان يفتكون من المسئوليه وتلقينها ترفعه السما بس بتفتك منه واذا صار الزواج شالت عمرها من كل شي مالي شغل , والا التحف اللي تسألونهم من يسألون عن الريال هني تنعرف السالفه زواج فالكل يصعده السما مصلي مسمي وولد حلال وكريم ورد وبدل لما تتزوج البنت تطيح على البخل والسلبيه وماكو شخصيه وسكانه كل الناس الا مرته
والا ليش ما تسوين مثل اختي وليش ما تلبسين من ……مثل مرت اخوي يعني شنو زي موحد مثلا.والا مرت رفيجي خذت قرض وعطته ريلها وانتي الجمعيه ماتروحين الا معاي (بيتك بعد نعم اروح بروحي ) والا اللي ما يقدر يطلع من بيت اهله ولازم يقعد عندهم ما يقدر على فرقاهم (البنات وياهم قلب يسوونها نعم يا ماما) وفي أشياء تترقع وأشياء مافي أمل انها تتعدل مثل البخل وضعف الشخصيه والحجاره الزايده والشك والاتكاليه منها اللي ممكن يتغير مع الأيام ومنها كل ما كبر الواحد زادت علاتهوطبعا انا من طبعي ما أحب أغامر بحياتي وادوس على نفسي وأضيع أحلى أيامي بكدر على أمل ان العوي يتعدل فدايما نصيحتي ما يشوف شر اللي اهلها ربوها صغيره مو عيزانين عنها كبيره اذا الطرف الثاني ما يشوف ان حياته معاها تستاهل انه يتغير .
أمبييه احس صج فشيت خلقي مشكوووووره سارا على الموضوع
والمفروض أهل البنت مايتسرعون في تزويج بنتهم ويسألون عن الريال وأهله في كل مكان في الدوام 00في الديوانية 00الجيران00 المعارف 00وطبعا أول شئ الاستخارة 0000ونفس الشي بالنسبة لأهل الولد لازم يسألون عن العروس عدل وعن أمها وخواتها 00 وآنا أتعجب من الناس اللي يعرفون بلاوي وعيوب في الريال أو المرة ومايقولون ويخلون الناس على عماهم 00
الاولي صج تضحك بنت جيرانا يه شافها واحد يوم الملجه ولا اخوه الي ياي يملج طلع الولد يوم شافها مايازت له والام افتشلت تقول لا وزعلت قال الاخو
انا اخذها وملجت وتطلقت
الثانيه قبل شهر عندنا واحد ملج يوم طلعت وياه ولا تطلع البنيه ريولها عايبه يوم فصخت جوتيها بينت دقت امه على امها جان تهزئهم وتقول بنتي مافيها شي شنو غاشتهم مو حلوه السالفه كلش البنت تتعرض حق حرج وبالدين حرام الغش بس شتقولون
و الله موضوعكم مهم وااااااااايد
أبي أسألكم إذا فيه بنت غلطت و تابت و تدينت و ما قدرت تتزوج اللي غلطت معاه شنو تسوي ؟؟؟ تقعد بدون زواااج و العرسان يتقدمون لها؟؟
هل تقوول حق اهلها و تفضح عمرها ؟؟
تقول حق المعرس نفسه بس ؟؟
شنوو الحل ؟؟
انا سمعت عن وحدة ماكانت عذارء و حددت موعد زواجها آخر يوم من دورتها الشهرية علشان اذا ريلها دخل عليها تبين له انها عذراء
|
المشاركة الأصلية كتبت بواسطة كويتية كول
تسلمين ياقلبي سارا ديور على الموضوع القيم
راح اقولج قصه عن الموضوع واحد تقدم لي ولمن صارت الشوفه الشرعيه والموافقه ولمن يينا نسال عن الشاب طلع الاخ مطلق لاوبعد ياريت مطلق للحينه متزوج بس منفصلين بدون حكم المحكمة والاخ راز عمره ياي يشوف بنات العالم وهو للحينه مومطلق ولامتزوج طاح حظه اقول . |
حسبي الله عليهم بنات الناس لعبه
قطيعه مايقولون عندنا خوات نخاف يصيرلهم نفس الشي
حياج الله حبيبتي كويتيه كول وشاكره لج مشاركتج
|
المشاركة الأصلية كتبت بواسطة نبض المشاعر
وي الغش اعوذ بالله منه الله لايبلانا انشاءالله
بنت خالتي كان عمرها 20 وخطبها مطوع عاد هي ما ادري ليش قالت ايه ابيه ما ابي من شباب هالايام وهو عمره 29 ومطلق قالوا انه مطلق مره وحده ولان زوجته ماتييب يهال وهي قالت ابيه عادي وذا مطلق لما تزوجت ولا يطلع مطلق مرتين ومو عشان اليهال لا لانه بخيل وايد يعني بوهباش وحده معقد والحين هي كل يوم مشاكل معاه ومو راضي يطلقها بعد المصيبه انه مطوع وجذاب |
بخيل ومعقد !!!! إشبقى بعد
لاحول ولا قوة إلا بالله
حياج الله حبيبتي نبض المشاعر وشاكره لج مشاركتج
|
المشاركة الأصلية كتبت بواسطة مسك 3
آخ يا سارا ديور انا هالموضوع أفكر فيه ووايد
في أمهات يخطبون لعيالهم بنات الناس بس عشان يفتكون من المسئوليه وتلقينها ترفعه السما بس بتفتك منه واذا صار الزواج شالت عمرها من كل شي مالي شغل , والا التحف اللي تسألونهم من يسألون عن الريال هني تنعرف السالفه زواج فالكل يصعده السما مصلي مسمي وولد حلال وكريم ورد وبدل لما تتزوج البنت تطيح على البخل والسلبيه وماكو شخصيه وسكانه كل الناس الا مرته والا ليش ما تسوين مثل اختي وليش ما تلبسين من ……مثل مرت اخوي يعني شنو زي موحد مثلا.والا مرت رفيجي خذت قرض وعطته ريلها وانتي الجمعيه ماتروحين الا معاي (بيتك بعد نعم اروح بروحي ) والا اللي ما يقدر يطلع من بيت اهله ولازم يقعد عندهم ما يقدر على فرقاهم (البنات وياهم قلب يسوونها نعم يا ماما) وفي أشياء تترقع وأشياء مافي أمل انها تتعدل مثل البخل وضعف الشخصيه والحجاره الزايده والشك والاتكاليه منها اللي ممكن يتغير مع الأيام ومنها كل ما كبر الواحد زادت علاتهوطبعا انا من طبعي ما أحب أغامر بحياتي وادوس على نفسي وأضيع أحلى أيامي بكدر على أمل ان العوي يتعدل فدايما نصيحتي ما يشوف شر اللي اهلها ربوها صغيره مو عيزانين عنها كبيره اذا الطرف الثاني ما يشوف ان حياته معاها تستاهل انه يتغير . أمبييه احس صج فشيت خلقي مشكوووووره سارا على الموضوع |
عدل كلامج
البيت إللي ضفنا وإحنا صغار مو عيزان عنا وإحنا كبار
انا عن نفسي
ريلي كان بخيل وماكو شخصيه على قولتكم سكانه كل الناس إلا مرته
مايسوي شي ومخلي امه تتولاني
حيااااج الله حبيبتي مسك وماقصرتي على المشاركه