|
|
السلام عليكم !
باختصار .. الموضوع مفتوح لمناقشة ظاهرة الغش ..
أو مثل ما يسمونها أعزائنا .. ( المساعدة ! ) ..
شنو أسباب الغش ؟ .. وأساليبه ؟ .. على مر الأعوام الدراسية .. القديمة والحالية ..
وشرايكم بالمراقبين .. ؟
وشرايكم بقضية الإمتحانات المسربة .. ؟
و هل تزعجكم سالفة الغش !
أتوقع من المشاركات تكون مع وضد ! .. لأن الغش موجود ! وبصراحة !
طبعاً لي مناقشات معاكم .. بس أبي تفاعل .. !
وعـــمـــومــــاً ..
غش + درجات عآلية = ضميييييير مو مرتاااااح 
ويكفى حديث رسولنا الكريم " من غشنا فليس منا "
وشكراً!
شكراً على مشاركتج!
إي والله .. ماكو ضمير مرتاح .. للي عندهم ضمير ..
و اذا الواحد غش و نجح و دش المكان اللي يبيه
الله ما راح يوفقه
فلوسه كلها حرام
انا اعرف ناس كله غش بغش و درجاتهم اعى مني!
بس ما اقول الا حسبي الله و نعم الوكيل
أنا أتبع هذه المقولة
>> أنجح أو أرسب بكرامتي و لا أنجح بالحرام أو بمجهود غيري <<
اكيد ربي ما راح يوفقنا بالفلوس بعدين لانها أنبنت ع حرام
والله حتى مايعتمدون على نفسهم اييون الامتحان مو دارسين يفتحون الدفتر وينقلون كل شي عالدرج ! < طبعا مو الفاينل
والفاينل لو منو يحطونها مراقبة هم يغشون!
انا اقترح ان المراقبات يتشددون بهالموضوع لان احنا ندرس وبالنهاية اهم يغشون ودرجاتهم اعلى منا !
انزين حتى ماعندهم ضمير ويقولونها بكل سهولة غششيني؟!
ياسلام انا ادرس بالساعات وانتو باردة مبردة تاخذون الاجابة جاهزة :/ والله خوش
انا الصراحة وايد متنرفزة خصوصا ان كانو قاطيني بصف كله غش بـ غش حتى الشطار يغشون !!
وهم اقتراحي الثاني ان المراقبات يلبسون نظارات شمسية عشان مايدرون الابلة تطالع منو ولا منو
ويحترمون نفسهم وكل وحدة عينها بورقتها
وهذيل اللي نجحو بالغش هذا ويهي اذا فلحو بالجامعة
واذا عن ضمير صح كنت احس بذنب بس الحين لاااااااااا لان صرت انظلم وايد من الدكاتر وكل واحد يحط الدرجه ع كيفا ع شكل البنت
ماراح تدخل التخصص الي تبيه
انا لي تجربة بالغش بس اقولج دراجاتي ناقصة مهما غشيت ما اييب درجة كاملة
غشيت مادة ازفت بالمادة ثانية
وهم في نقطه اذا في ماده الكل يغش فيها والابله سيبه مخليتهم براحتهم اغش نفسهم ليش اتعب روحي بالحفظ
انا يت لي فتره بسيييطه غشيت وشفت اني اذا سويت زين بهالامتحان بسبه اني غشيت لي جم اجابه ازفت باللي وراه
ومن عقبها حرررمت ماقمت اغش نهائيا مده طويله
بس بالفتره الاخيره قمت اشوف الكلللل يغش حتى المتفوقاات صفي كان كله غش بغش واييبون درجات !
استغفرالله تشجعت وقلت ماقعد جذي والعموم يغش عاد قمت اغش واغشش اللي حواليني لوول
وغير ان حطو لنا امتحانات حق الاختيار الحر وغيره وغيره وضغطو علينا وايد حتى الابلات قامو يخلونا نغش !
والله يهدي الجميع
مره غششت وحده والحين احس يتانيب ضمير
توبه اغشش احد,,
الله يهدينا
يعني حرام احنا ندرس ونتعب وناس تييهم نموذج الإجابة زاهب مزهب ..
طفااارتي الي يغشوون ومايغششوون ولا الي يغشوون يخلصون بعدين يروحون يشتكون ان البنات يغشووون عما جان ما غشيتوا ورحتوا اشتكيتوا بس غاشيين ومشتكين بعد
مايقهرني الا الي يغشون من غيرهم واذا طلبتي منهم مايغششونج ودي اشيل كرسي علي راسها ههههههه
بس تعلمت من موقف هذا اني اعتمد علي نفسي ولا اساعد غيري مهما صار علشان محد ياخذ مجهودي ويطلع اعلي مني علي احساب تعبي وبالاخر انا اكلها واهي تتفوق