|
|
السلام عليكم يا امهات يا حلوين
طبعا كلنا لاحظنا ان البشره من سيء الى اسوء خلال فترة الحمل
من حبوب او سواد او غيره
و مو اي كريم او خلطه نقدر نستخدمها اثناء الحمل
ياريت نتشارك بخبراتنا و كل وحده تحط لنا طريقتها بالعنايه ببشرتها و المواد الي نستخدمها و طبعا تكون آمنه للحامل
انا كنت استخدم سيروم فيتامين سي من فير اند وايت واااااااايد عجيب يوحد لون البشره جنج حاطه فاونديشن
ولان فيتامين طبيعي ما يكون فيه خطوره
و سويت سيرج بالنت على المواقع الاحنبيه و اغلبها كاتبين ان أمن
بس وقفته قبل فتره قلت اسأل دكتورتي عنه اظمن و موعدي بعد اسبوعين
حتى ذلك الحين موقفه كل الكريمات و بشرتي صارت مأساة
تجاربكم و لكم المايك ….
اب
انا استخدم كريم فيد اوت من فير اند وايت لان مكتوب عليه امن خلال الحمل و الرضاعة…
اهو عبارة عن مرطب و موحد للون البشرة و يمنع التبقعات و يستخدم مرتين باليوم
أنا الحمد لله ما طلع لي تبقعات .. بس من يومين بديت ألاحظ اني اسمريت شوي.. شكله خلاص آخر الحمل يطلع التعب في الويه
طول الحمل كنت استعمل كريمات لانكوم .. متعودة عليها وقريت النشرات اللي فيها ما عليها أي تحذير للحوامل ( لو موب زينة جان حطوا تحذير)
أشرب ماي وايد وعصير برتقال ويمكن هالشيء ساعدني
ما تركت عادة كريم الليل والنهار وحوالين العيون .. وأكيد واقي الشمس حتى بالبيت أحطه
أسوي سكراب خفيف كل اسبوع مرة ..
ولجسمي سكراب المشمش يساعد البشرة تستوي أحسن
وأستعمل كريمات ترطيب الجسم ماركة يوسرين ..
وزيت التشققات استعمل زيت زهرة الكاميليا من ايلميس والحمد لله ما تشقق بطني للحين .. الله يكمل علي النعمة للولادة يارب
الله يتمم عليج ويهون انصحج بزبدة االشيا الخام من محل لوكستيان
بالافنيو وحطي وياه شوي زيت زيتون
وادعيلي مايضر وينحط بكل مكان ويمنع الخطوط
ام صقر فيد اوت مو ثقيل على البشره ؟ اذكر استخدمت كريم نفس الاسم بس مو متاكده اذا من فير اند وايت ولا لاء بس حسيته ثقيييل حيل
الي اعرفه كل منتجات فير اند وايت زينه
الي خلاني اوقف السيروم اني دشيت سايتهم و كانوا كاتبين ان كل منتجات التبيض عندهم يفضل تتركينها وقت الحمل
وانا كنت قاطه الورقه مالت السيروم فا ما قدرت اعرف اذا امن او لاء
الاسمرار اهو الي متعب نفسيتي خصوصا صوب منطقة الرقبه
وصعب ما يتعالج الحين و اغلب الي اعرفهم يأجلون العلاج لي بعد الولاده لما يصير الاسمرار سواااد و صعب يروح
حاليا استخدمها بس ماركة بالم والحمدلله لحد الحين ماكو تشققات
وفكره حلوه احط معاها زيت زيتون بجربها ان شاءالله
وقالت الصيدليه ماله ضر للحامل
والحين شريت كريمات بوندس ماعليهم تحذير
وففيي كريم خايفه منه يمكن عندكم خبره
الي فيه كولاجين وهالورينك شوايكم
وانطرج تسالين دكتورتج عن فيتامين سي
بروح اسوي تنظيف بشرة واشتري كريمات فير اند وايت
ماني عارفه شحط وشـ خلي :/
و بسألج زبدة الشيآ لمآ تحطينهآ مآ تدبق ولا تمتصها البشره عادي
انا ذابحني الجفاف 
|
المشاركة الأصلية كتبت بواسطة divaq8
 مشكورين على ردودكم بنات ان شاءالله نستفيد من بعض
ام صقر فيد اوت مو ثقيل على البشره ؟ اذكر استخدمت كريم نفس الاسم بس مو متاكده اذا من فير اند وايت ولا لاء بس حسيته ثقيييل حيل الي اعرفه كل منتجات فير اند وايت زينه الي خلاني اوقف السيروم اني دشيت سايتهم و كانوا كاتبين ان كل منتجات التبيض عندهم يفضل تتركينها وقت الحمل وانا كنت قاطه الورقه مالت السيروم فا ما قدرت اعرف اذا امن او لاء |
لا والله بالعكس وايد حلو و بسرعة تمتصه البشرة انا خذت البروشور مال كل منتجات فير اند وايت و شفت ان هالمرطب و لوشن الطويل الكحلي امن للحمل و الرضاعة اللوشن في منه نوعين نوع فيتامين سي و نوع عادي العادي اهو الي عادي يستخدم وقت الحمل و الرضاعة حطي بالج مو كل شي تشوفينه فيه فيتامينات تقولين عادي استخدمه انتبهي حق هالنقطة حبيبتي
و الله يسهل حملج و ولادتج و يقومنا بالسلامة
|
المشاركة الأصلية كتبت بواسطة .:lady bug :.
انا اشتريت مقشر ومبيض
وقالت الصيدليه ماله ضر للحامل والحين شريت كريمات بوندس ماعليهم تحذير وففيي كريم خايفه منه يمكن عندكم خبره الي فيه كولاجين وهالورينك شوايكم وانطرج تسالين دكتورتج عن فيتامين سي |
على خير بس اسأل الدكتوره ابلغكم ان شاءالله لان صج هالسيروم وااااايد عدل بشرتي لدرجة اني استغنيت عن الفاونديشن
و انا بشرتي لونها مو موحد في اماكن اغمج بس بعد ما استخدمته ويهي صار يلق ودي ارد له بس ابي الضوء الاخضر على قولتهم