العمر والزواج رايكم يهمني

السلام عليكم شلونكم بنات شخباركم
حبيت أكتب موضوع شوي يمكن عادي بس أنا أشوفه أن الواحد لازم يتناقش فيه خصوصا أن نسبه الطلاق كاثرة هالايام بسبب أو بدون سبب
أنا أشوف أن السبب الرئيسي هو عمر الريال وعمر البنت لأن الي أكثر شيء أسمع فلانه تطلقت فلان طلقها مو تكانه ليش موتكانه لانه صغير او اهيه صغيرة بعد
الريال يتزوج وعمره 24 وهي 20 أو19 يمكن هي عمرها مناسب للزواج لكن اهو لاااا ليش لان بعده طايش هذا أذا كمل ال30 بدا يخون وبدى يلعب بذيله حتى لو أن زوجته مامقصرة معاه بشي بس يبي يرجع حق أيام العزوبيه والزوجه هني رابطته

هذي طبعا وجه نظري وموكل الرياييل جذي
أنا أقول الريال لو تزوج وعمرة عالاقل 30 زين وكلما كان اكبر كلما كان احسن بس مو بال40 والريال مايعيبه لو ياخذ أم ال18 يلاقي لو كان عزوبي وأرد وأقول (مو الكل جذي )
والعكس صحيح بالنسبه للبنت
أيام جدودنا كان الريال يتزوج وعمره 15 والبنت من 9 وأكثر ومايكمل ال25 الا ماخذ عليها وحدة وثنتين وثلاث والبنت تحمل وتسقط لان توها بالغه مسكينه وفي أشياء بجسم البنت مابعد تتهيا للزواج ليش جذيه حرام والله بس العادات والتقاليد شنسوي أنا اعرف ناس جذيه للحين الولد عمره 18 وقال لابوه ابي أتزوج وراح الابو وزوجه
والبنت كبره ليش مانصحتوه توك صغير الحين متحسف على قد شعر راسه لا وصار عنده ولد بعد واهما على قد حالهم ليش شي يقهر صراحه
بنات شفيها لما أخذ واحد أكبر مني بعشر سنين بيكون شبع من الهياته والطلعات وكون نفسه بس مو أكبر من ال 40 مثل ماقلت لكم
وهذي وجه نظري وابي أشوف رايكم بالموضوع والله يوفق الجميع

اب اب

اب اب لعيونج

ما فيها شي اذا البنت تزوجت من ريال اكبر منها
بعشر اسنين المهم اهيا تكون راضيه بهالشي
بالنسبه لي احب ان يكون فرق العمر عالاقل ست سنين
عشان يكون في توافق بالفكر و يكون الريال قادر على
تحمل المسؤوليه و علميا ان المراه تنضج قبل الرجل فكريا
و جسديا
و العمر مو السبب في نجاح و فشل اي زواج ياما شباب
بالعشرينات و تلاقينه يتحمل المسؤوليه و معتمد على
نفسه و تحسينه فاهم و ناضج و يكون قادر على تكوين
اسره و يحافظ عليها و ريال بالاربعينات ما يقدر يسوي هالشي
يلعب و يخربط و يكون بره البيت ٢٤ ساعه و ما همه الا نفسه
و العكس صحيح
و الحريم نفس الشي بعد ام ١٨ و ١٩ تكون عاجل و تحسينها
تقدر تتحمل و تشيل المسؤوليه و تجابل الريل و لا والله في يهال على بالها الزواج
طلعات و روحات مع الريل و وناسه و شي يديد تبي تجربه و ما تعرف تسوي
شي بالياله شايله
فهو غالبا يعتمد على الشخص نفسه و تربيته و طريقة تفكيره يعرف اذا كان مستعد
للزواج او لا و العمر يساعد بعد

تقبلي مروري و سوري اذا الكلام مخربط لاني شابكه من فوني

اوكي وجهة نظرج صحيحه بس فيها شوي خطأ

انا بنظري ان الريال يتزوج وعمرها من 25 سنه وفوق ليش ؟

لانه يكون مر بمراحل الدراسه وخلصها … خلص الجامعه وايام الطيش .. وهم بنفس الوقت جم سنه وظيفه .. وتهنا بمعاشه من غير زواج واستقر .. وما اتوقع بكل هلمراحل ما مر بطيش .. اكيد مر لين شبع .. ووقتها الصبي يفكر بالزواج والاستقرار ..

اما الي يتزوج واهوا بالجامعه او او اخر سنه له او اول ما يبي يتوظف على طوول زواااج … لا هذا احسه مو مهيئ للزواج والمسؤوليه بس اقولج شي؟ والله في صبيان تلقينهم صغار بسن بس اصحاب مسؤوليه وتلقين ساعات اهلهم منفصلين وتشوفينهم اهما يقومون بالبيت من الالف لي الياء … وناس شايفه وماره بتجارب كثيره فاتشوفين عمره صغير وتفكيره كبيييييير حييل وتفكير شياب وتكانة واحد شابع من الدنيا ..

يعني المقاييس تختلف بختلاف الشخص نفسه …
اما البنت والله لا ساعات البنت من واهيا صغيييييره حييل تشوفين شخصيتها حيل حلووه راعية بيت ابيت اهلها ووايد مالها شغل بسوالف الطيش والبنات .. وفي بنت والله بنات مو بنت تشوفين اعمارهم بال 25 و ال24 استغفر الله ياربي تفكيرهم تفكير يهااال وطااايشيين وقليلين ادب وفوق هذا يبون الزواج …
يعني الخلاصه من كلامي العمر مو مقياس .. بس الي انصح فيه اهوا ان الريال يكون اكبر من البنت بعمر مايقل عن ال 5 سنوات علشان يقدرون يسلكون اما صغير ياخذ صغيره ماينفع

العمر ماله علاقه بحالات الطلاق اللي نشوفها الحين

السبب الرئيسي هو الانسان نفسه

مافيه صبر ..
مافي مسؤوليه..
ولا احترام
ولا ثقه
ولا اتفاق
بذمتك هذي حياة زوجيه
صغر السن ماله علاقه
رياجيل اول اعمارهم فبداية العشرينات وقمة الرجوله اما الحين ماقول الا لاحول ولا قوة الا بالله
ما يشوف مرته الا اخر الليل …اجل ليش متزوج ..وين حقوقها..شلون تبينها تقعد عنده
او يكون ضعيف الشخصيه جدام اهله وما عنده قرارات .. او.. او..لو نتكلم ما نخلص

انا معاااهاميه بالميه واضيف ان التوفيق من الله مهما كان العمر او الزمن ومشكوره حبيبتي

مشكورين حبايبي عالرد وجه نظركم أتقبلها بصدر رحب

غورجس أشكر مرورج أنا معاج موكل الناس مثل مثل

وسواحل أشكر مرورج كلامج صح الانسان وطبعه وأسلوبه بعد له دور بالطلاق

نا تزوجة صغيره عمري 17 وزوجي اكبر من بــ7 سنوات على الرقم من اني صغيره بس الحمد لله قد المسئوليه صحيح واجهة صعوبه بالبدايه بس بعدين الحمد لله يعني العمر ماله دخل على الشخص وتفكيره و طريقة تربيته يعني تشوفين ناس صغار بس تفكيرهم مشأ الله كأنهم كباار عشان كذا العمر ماله دخل والشباب يكون مو قد المسؤليه لانه مو متعود اهم شي نفسه وطلعته مع اصحابه بس اذا كان ولد متحمل مسئولية اهله من صغره يكون سهل عليه يتحمل المسئوليه عند الزواج الله يعطيك العافيه يا عسل على الطرح

نفس ماقالو البنات العمر ماله شغل
علي حسب عقله
وانا عندي بالنسبه للريايل ان خذيتي الريال كبير صعب تغيرينه يعني ۳۰ سنه عايش عزوبي لا مسوؤليه عايش نظام معين صعبه يتغير غير اللي بالعشرينات
اعرف وحده تزوجت بالعشرين وريلها كذلك صج اختلافات وتطلقت لان للحين مو مال مسوؤليه وخرابيط وتزوجت مره ثانيه واحد بال ۳۰ بس تقولي حياتي اسوء من الاول لان الثاني خذته كبير والقطو العود مايتعلم خخخخ الله يعينها .. يعني اقل خلاف عادي وداها بيت اهلها مو شي ضروري متعود طول حياته عزوبي واهو للحين علي خرابيطه
اللي بخربط يخربط سواء عشرين ولا ٥۰ مايشبعوووووون
واللي يصغير وبتزوج لازم اهله يقولون له ويفهمونه الزواج مسؤوليه و حرمه تحن

*

من رايي …
أهم شي ان الولد يكون كبير يعني الـ24 او الـ25 وفوق …
والبنـت تكون 22 وفووق
بس صدقيني اهم شي الزوج … لان في بنات ماشاء الله سنعَاتوالبنت مهما غلطت بفهم وتعدل الامر بس الزوج مهما يعصب احيانا ما يمسك نفسه

رفيجتي عمرها 23 ومتزوجه وآحد اصغر منها بـ أشهر
يا حياتي عليها ما قعدت عنده الا شهر ونص وتطلقت ع شي تافه
بس انه صغير وتفكيره مو تفكير متزوج << تعقدت خلآص ..

مافيها شي بس انا افضل ان البنت تتزوج واحد من سنها او اكبر منها بشوي واذا 10 سنين عادي

أشكر مروركم كلكم حبيباتي عاد لو تعرفون أنا ريلي أكبر مني بجم بتنصدمون
أولا أنا تزوجت وعمري 19 سنه وريلي ……………34 سنه !!!!!!!
وايد مو !!!!!!
بس الحمد الله كان مكون نفسه ماديا ومكمل دراسته وعنده شهاده ووظيفته عال العال

والكل يشهد باخلاقه ولا حسيت أن أكبر مني بالعكس يعاملني ~كأني بنوته صغيرة
وغير فيني أشياء وايد صح لابد من المشاكل بس الحمد الله
لي الحين 13 سنه متزوجه ماقدر استغنه عنه الله لايغير علينا

أشكر مروركم كلكم حبيباتي عاد لو تعرفون أنا ريلي أكبر مني بجم بتنصدمون
أولا أنا تزوجت وعمري 19 سنه وريلي ……………34 سنه !!!!!!!
وايد مو !!!!!!
بس الحمد الله كان مكون نفسه ماديا ومكمل دراسته وعنده شهاده ووظيفته عال العال

والكل يشهد باخلاقه ولا حسيت أن أكبر مني بالعكس يعاملني ~كأني بنوته صغيرة
وغير فيني أشياء وايد صح لابد من المشاكل بس الحمد الله
لي الحين 13 سنه متزوجه ماقدر استغنه عنه الله لايغير علينا

التوافيق من الله