|
|
السلام عليكم ورحمة الله
بنات انا مستحيه شلون ابدي هالموضوع.. بس والله ماقدر اكلم فيه امي ولا اختي .. قلت لكلم خواتي بالمنتدى يمكن خلف الشاشه اقدر اعبر شوي عن مخاوفي
بنات انا الحمدلله ولدت بالسلامه .. جبت بنوته حلوه .. ربي لك الحمد ولاده طبيعيه وخياط تجميلي على قولتهم
السالفه اني خلاص فترة النفاس قضت ولازم ارد بيت زوجي. بس انا خايفه عندي تساؤلات هل المنطقه ردت نفس اول ؟
سوري بنات بس هل زوجي راح يحس ان المنطقه توسعت مثلاً !! سامحوني بس والله امحاتيه واجد اسمع قصص بنات عافوهم ازواجهم بعد النفاس . وخايفه والله
مع اني والله تنفست عدل خذيت كل ادويتي .. بس لما احط فيوسيدين على الجرح احس ليلحين وارم مو نفس مستوى الجلد
وميته خووووووف اشوف بالمرايه لان اطلعت معاي البواسير بالولاده وخايفه اشوف انصدم.
ادري والله انا خوااافه والوسواس اعوذ بالله ذابحني
اخاف شكل المنطقه تغير… واخاف بالعلاقه الاحساس يختلف… واخاف يعور … وامحاتيه ينفتح الجرح
شفتوووو شلون الوسواس اعوذ بالله ماكلني. احاول افاتح الوالده عسى عمرها طويل بالموضوع بس والله استحي ووجهي يقلب احمر. ساعدوني بنات. شلون الوضع يكون بعد النفاس؟ هل تكون العلاقه طبيعيه نفس اول؟ شلون اعرف اذا فيه توسع؟
ومتى عادة يبدي الجماع عادي بعد الاربعين على طول
سامحوني حبيباتي على زيادة التفصيل.. بس والله ابيكم تفيدوني بخبرتكم
وبالنسبة للهومات اهم شي فيها محلب
علشان لا يكون في رطوبة
حبيبتي توكلي علي الله اللي اسمعه ان البنت بعد النفاس ترجع لزوجها مثل البنت واضيق
بغيت اسال الخياط التجميلي نفسه الخياط العادي
ولهومي من ام خالد خبيرة الاعشاب
مادري بفاتورة المستشفى مكتوب ولاده طبيعيه
مع خياط تجميلي
اتوقع بدون لا تطلبين من الدكتوره تخيط تجميلي
ماشاءالله .. دكتوره خالده المجيبل ومتنفسه عدل وخايفه حبيبتي حطي ببطنج بطيخه صيفي وارتاحي
واكيد قالت عن تحاميل البيتادين آخر اسبوع من الاربعين صبح وليل يطلعون كل الماي والوسخ اللي فيج ينظفون عدل
الله يوفقج لاتحاتين
ابشرج امورج ممتازه ، توكلي على الله و لا تحاتين
بغيت اسألج جم طلعت عليج الولاده لان انا اراجع عند د خالده
ان شالله مافيج الا العافيه
وطالعه من الشر
اذا انتي بجر انا اقول لاتحاتين
لان البجر يرد مثل ما اهوه
و انتي تقولين تجميلي و متنفسه عدل
يعني حطي راسج و ارتاااحي
و الف مبروك البنوته تتربا بعزكم