|
|
طبعا هذا الموضوع كانت حاطته العضوه الله يحفظها wachocha
ولكثره الاسئله المتعلقه بالموضوع نرد نحطه مره ثانيه
1- العلاج لاي شخص يشتغل بالدفاع ..سواء كان الزوج او الزوجة
2- تجهيز كل التقارير الطبية اللي تخص موضوع تاخر الانجاب ولازم تكون بتاريخ جديد
3- تاخذون طلب من ادارة العلاج بالخارج التابعة للدفاع في ميدان حولي.. بجانب هندسة المنشآت العسكرية
4- يوقع مسؤول الزوج او الزوجة اللي يشتغلون بالدفاع على الطلب
5- تاخذون عروض اسعار من مستشفيات معينة (هادي، العرف، دار الشفا، المواساة، رويال حياه) فيها تفصيل بطريقة العلاج وسعره الكامل ومدة العلاج.
6- ترفقون عروض الاسعار مع الطلب وتقدمونه لادارة العلاج بالخارج بس عطيهم خبر اي مستشفى انت تبين
7- الموافقة ما تطول يعني من اسبوعين الى ثلاثة8- بمجرد الحصول على الموافقة تاخذون قرار الموافقة وتودونه للمستشفى اللي بتعالجون فيها ويفتحون لكم ملف.
9- تبدون العلاج وكل فاتورة تروح للدفاع ومجرد ما تخلصون العلاج يتسكر الملف
على فكرة القرار حق محاولة وحدة بس يعني كل محاولة بقرار جديد
والحمدالله والكل الشكر للعضوه اللي انقلن الموضوع
اكرمني ربي بالموافقه وعمليتي بعد اسبوع او اسبوعين قالولي تعالي يوم 21 من الدوره و2 يوم الدوره
والله يكتب اللي فيه الخير
ويارب يرزقكم كلكم من غير حساب عاجلا غير اجلا
انا عمري ما سويت ملف
بس درينا انه زوجي حيواناته ماتسمح لحمل طبيعي
ودينا الاوراق حق العلاج وقبلونا الحمدالله