|
|
خواتي العزيزات …. وصلتني اكثر من رسالة تسألني فيها عن العلاج عن طريق وزارة الدفاع ..قلت اقول لكم الطريقة:
1- العلاج لاي شخص يشتغل بالدفاع ..سواء كان الزوج او الزوجة
2- تجهيز كل التقارير الطبية اللي تخص موضوع تاخر الانجاب ولازم تكون بتاريخ جديد
3- تاخذون طلب من ادارة العلاج بالخارج التابعة للدفاع في ميدان حولي.. بجانب هندسة المنشآت العسكرية
4- يوقع مسؤول الزوج او الزوجة اللي يشتغلون بالدفاع على الطلب
5- تاخذون عروض اسعار من مستشفيات معينة (هادي، العرف، دار الشفا، المواساة، لندن كلينك) فيها تفصيل بطريقة العلاج وسعره الكامل ومدة العلاج.
6- ترفقون عروض الاسعار مع الطلب وتقدمونه لادارة العلاج بالخارج
7- الموافقة ما تطول يعني من اسبوعين الى ثلاثة
8- بمجرد الحصول على الموافقة تاخذون قرار الموافقة وتودونه للمستشفى اللي بتعالجون فيها ويفتحون لكم ملف.
9- تبدون العلاج وكل فاتورة تروح للدفاع ومجرد ما تخلصون العلاج يتسكر الملف
على فكرة القرار حق محاولة وحدة بس يعني كل محاولة بقرار جديد
اتمنى اكون افدتكم
واذا الوالد يشتغل؟
يصير اقدم والا لا؟
|
المشاركة الأصلية كتبت بواسطة برديـــس
 جزاج الله خير ويارب نشوف ضناج شايله بيدج يارب
|
اللهم آمين يا برديس ونفرح فيج انتي بعد ويجبر الكريم بخاطرج
|
المشاركة الأصلية كتبت بواسطة هالة الصباح
مشكورة وايد صراحة موضوع مهم بس إذا بتعالج باستشفى السلام وثاني مرة يعطوني بعد
|
هالة اهم عطونا 5 مستشفيات ما بينهم السلام …. بس جربي تسألين
|
المشاركة الأصلية كتبت بواسطة foooshyaa
حتي وزارة الصحه فاتحه الموضوع هذا لكل الكويتين مو شرط في الدفاع او الداخليه يسمنه العلاج علي نفقه الدوله في الخاص او العلاج داخل الكويت
|
كلامج صحيح بس الدفاع اسرع من الصحة وما عندهم لجان ايد ..فاللي تشتغل هناك والاريلها اسرع لها الدفاع
|
المشاركة الأصلية كتبت بواسطة konan
جزاك الله خير
واذا الوالد يشتغل؟ يصير اقدم والا لا؟ |
اذا الوالد يشتغل يعالجج انتي لانج من الاقرباء بالدرجة الاولى بس ما ادري اذا يرضون يعالجون زوجج معاج .. خلي الوالد يستفسر
ريـمــاس
7aw7aw
الشكر لله حبايبي ما سويت شي …… وشاكرة مروركم وعسى ربي يجبر بخاطركم وخاطري معاكم ويرزقنا احلى ذرية طيبة صالحة 