|
|
السلام عليكم و رحمه الله و بركاته
فديتكم حوامل. فيدوني و تعالوا نتناقش و ندور الحلول
للعصبيه الزايدة في فترة الحمل و طبعا الي أسبابها هرمونية
بس كيف نتجاوزها و نخفف منها لانها مضرة بالجنين و تبعدنا عن الي حوالينا و الزوج مسكين بصبره حدود
أنا هذا ثاني حمال لي بس متعب اكثر من الاول في كل شي و عصبية لأبعد الحدود و كله صياح و إرهاق مع أني في الأسبوع 15
شاركوني بنات و خلونا نوجد حلول .. *
انا لو شفت شي مايعجبني اصد عنه ولا اتناقش فيه لان ادري ان خذيت وعطيت بالكلام آخرتها بتنزل دموعي على سبب تافه
والمشكله اللي حوالينج ماراح يقدرون انج حامل وحساسه حيل بهالفتره
فعشان جذي افضل السكوت عشان لا ارفع ضغطي وااذي جنيني
واذا صار شي نرفزج اذا كنتي واقفه اقعدي واذا كنتي قاعده انسدحي
وحاولي اتناقشين بهدوء لا يعلى صوتج حاولي انج ماتصارخين قولي اللي بقلبج بهدوووء عشان لا اتوترين
ودايما اخذي صكري عيونج واخذي نفس عميق واذكري الله وتعوذي من ابليس وتوضي وضوء الصلاة
أنا أحاول قد ما اقدر بس احس أني محتاجه نصايح و حد يناقشني و ايطلعني من ها الازمه
طبعا أنا عايشه في بيت اهل الزوج و بنتي عمرها سنتين و متعبه بسم الله عليها حافظها ربي
و ما عندي خدامه كل شي تسويه بروحي و هاوالفترة حتى الطباخ
احس عمري مرهقه و تعبانه و ضايقه
مع اني انسانه مؤمنه وكنت وايد فرحانه بحملي لدرجة كنت ابي دكتور نفساني من كثر البجي
سبحان الله الهرمونات تلعب لعب
ولاشي عاجبني
انزعج من ابسط الاشياء
يالله انشالله بعد الولاده نرد لطبيعتنا
ويلي راح ينحاش
والمشكله اليهال الي بتدرسينه والي مريض وااي الله يصبرنا مايصير تصيرين سوبر ماما
حرام بنتي ما اضربها و لا اصرخ فيها و من حملت و أنا مستويه شرسه
يارب
وايد اتزاعل مع ريلي وكله يبجيني
يمكن من حملت لي اليوم 25 مرة بجيت خخخخخخخخخخخخخ
تعود صار عادي البجي عنده ما قمت أأثر فيه
طلعتو كلكم نفسي
واااي اكره شي يوم اصير حسسسساسه
علا طول دموووعي تنزل كأني جاهل
اسسسستغربت من عمري لان مو جذي طبعي
سبحان الله طلع من الحمل
فديته هالنتفه كل شي مسويه
الله يعيييييين بس
ااااااااااا ب