|
|
السلام عليكم ورحمة اللة وبركاتة
انخطبت وملجت وصااااااااااااااااااار العرس
وعقب اروح بيتي ءلا وهو شقتي بناااااااات تكفون شلون تصرفتو وتعاملتو قمتي من السرير ودشيتي حمام وسبحتي منو يرتب وينظف خصوصا اليييييييي مدلعه حدها وكسولة مثلييي
وريوقج خنقول خفايف مممممم اتغسلين مواعين 
وحمام تنظيفة مادري مو متعودة كلش ملش اناا بيييييييب لي خدامة من ارد من شهر العسل
اول الايام بقزرها على خدامة بيت اهلييي
والمصيبة طبخ كلش ما افهم فية
شنو اول ريوق سويتية 
لوول وامثلة دور يعني سنعه ههههه
احس راح ابجي ابي ارد علدلال وبيتنا
عطوني نصايح بلسنع وشلون اتصرف وتعامل فى حالات الطارئة وكلشي يخطر ابالكم
لاني بصير ست بييييت 
بس مع الايام تتعودين الشي اللي كنتي تسوينه بساعه بيصير ابخمس دقايق خصوصا عقب اول بيبي ..
الريوق توست واجبان وزعتر ..شابورة .. جاي .. قهوة ..
الغداا اهني الازمة عاد …
هههههههه
فلازم تستعينين بأحد لأن انا لي يومج ما اعرف اطبخ
على قوله ابوي هذا الدلع ومايسوي
لووووووووووووووووول سوري قلتلج قصه حياتي بس ذكرتيني بنفسي
من قالج الخدامه وين تبرد القلب .. خصوصا لو كنتي ماتشتغلين ولا تدرسين ..
وبعدين انتي فكري بنفسج يعني هذا مكانج .. سريريج .. شلون تحبين خدامه تعدله ..
وشسالفة دلوعه وبيبي في بيت اهلها .. البيبي من تجيلها العاده خلاص تصير بنت عوده .. والبنت من تتزوج خلاص تصير حرمه ..
ومع عليج .. جان على التعب .. وشيبيله التنظيف .. معقوله ماتعرفين تنظفين ..
والحمام مافي اسهل منه ترى .. ولبسي قفاز .. والحين المواد مالت التنظيف ترقت ترى ..
ويوم ردينا من شهر العسل قعدت اسبوع بعدين وصلت الخدامه
بس بهالاسبووع صج معاناة
لو تسافرين انتي وزوج ما راح تاخذين الخدامه يعني ماراح تدوووووووووملج ……….
مو حلوه في حقج تخلين الشقه مو نظيفه
انا ماجبت خدامه لين ولدة وكانت حامل بتوم والله يوم واحد ماصعدت الخدامه مالتهم تنظف لي الشقه
لان ما احب استمن من احد كلها شقه كا كبيره قولي على نفسج وظفيها الدلع مو فايدج
عاد حمولتي مشالله بناتهم صغار بس حريم كل شي يعرفونه .. وريلي منصدم شلون ماتعرفين شي مو مصدقني ..
ومن اول اسبوع رايحه لاهلي عشان امي تعلمني على الغساااااله لووووووووووووووووووووول .. قعدت اغسل ملابسه وملابسي اوديهم لاهلي يغسلوونهم لي ..
واول ريووق سويته سويت ثلاث خبزات وكله يحترقوون ما عرفت .. ناديته اهو اللي يسوي الخبز .. وانا علي السوالف البارده الزيتون
والزعتر والاجبان .. بس سبحااااان الله الحين اموووووت بالطبخ وابشرج اطبخ عيش ودجاج وقمه الوناسه ماتصدقين شلون الطبخ متعه
عمري ما كنت متوقعه ان الطبخ حلوووو جذي .. واشتري التوستر وايد حلو مالت التوست .. تحطين توسته وتحشينه جبن وزيتون وخس
وطمام وخيار او مرتيلا وجبن الموزريلا وزيتون وحطيها بالتوستر تطلع تجنن طعمهاااااااا ..
سوي شغلات خفيفه وانتي بروحج بالبيت ويع افتكي من الخدامه انا ما جبتها الا عقب ما ولدت انحكرت فووووق ماتتخيلين تخيلي وحده
تشاركج طول الوقت بالبيت معاج انتي وريلج .. اول كنت البس على كيفي واركض وريلي يلحقني .. لو تشوفين الحين حيل رسميين
وماناخذ راحتنا الا بغرفتي النوم ولا نوطي صوتنا بعد عشان ماتسمع ضحكنا وسوالفنا
الريوق حوسيلج بيضتين مع جبنة مثلثة وشوية دهن
وحطي مواعين ولا ماعون مقسم وداخلة حطي اللي بالثلاجة من طمام وخيار وزيتون وزبدة ومربى وقيمر وعسل
احسلج ماعون مقسم اريح واااااايد بالغسيل او مواعين بلاستيك كشخةملونة بس تنقط تحصلينهم بسلطان
والغدا الله يسلمج قوليلة يبلج دياي مقصص ومقطع لزي حالاتج من هم مركز سلطان
وظيفي علية بصل وثوم وطماط ومعجون واحد وبطاط او اي شئ تحبينة بالمرقة وضيفي علية نص الجدر خل يتغطى بالماي الدياي وخل يطبخ بالضبط ساعة الا ربع او ساعة وزيدي ملح على الذواقة وشوية بهارات دياي او اللي موجود وفلفل
حوسي وخربطي بالمرق على كيفج
اذا ماي زيدية طحين يجمد
وقوليلة مشتهية خبز ايراني كبداية عشان تفتكين من العيش او سوي عيش مشخول وعادي ماي مغلي فية شوية دهن وملح مسمارتين وعود دارسين وهيلتين وعيش مغسول كنتري طيب بماي لما تشوفينة نضج بالماي الحار المغلي يمكن يحتاج على الماي الحار 5 دقايق حسب جولتج
حطية بالمشخال وحطية بجدر ونار شوية وصكرية بعد عشر دقايق
والله العظيم الطبخ سهل بس محد يعلمنا كلهم مخرعينا منة انا ما اقولج الا هالطبختين ويا الفرن ابداااااااااااااااااااااااااااااااااااااع وسهلة وحوسة وخبصة
وما يصير تصيرين دلووووووعة وست بيت
البيت يحتاج وحدة شاطرة وفهلوة والريال ما تترس عينة وحدة ما تعرف تخبص وتالف بالمطبخ وبعدين كلها فترة وبعدين روحي حطي خدامة تعرف تطبخ بس بهالفترة اثبتي جدارتج يا الدلوعة
انوثة المراة بترتيبها ونظافتها وحسن تدبيرها فى بيتها
على قولة امى من لة عين وراس سوا سوات الناس
كل شى سهل وانتى سهلى حياااتج بالاشياء العملية مثل الغسالة الاوتوماتيك واذا شقتج سيراميك وصغيرة لاتخمينا استخدمى المخمة الكهربائية
وهكذا هذى امور تتعلمينها من ركن التنظيف فى المنتديات
والطبخ موشرط تطبخين كل يوم عيش مرة صينية ومرة معكرونة ومرة اكلة سريعة اهو بس الغدا للى يوهق ومرة طلبيلة من مطعم
الريووق والعشا سهل تعلمى اشياء بسيطة بس الترتيب خلى مميز ويفتح نفسة
وكل شى رتبى اول بأول
انا مثلج اول ماتزوجت مااااعرف شى بالتنظيييف واشوف البيت كلة معتمد على الخداامة صرت اشوفها اشلون تنظف وارد شقتى وانظف مثلها
والجين ماشالله امووووت بالترتيب بس لى الحين مااحب الطبخ اطبخ اذا مضطرة لزوجى او للدوانية
الزوج يحب المرة اللي تحرص على راحته
كل شي بالبدابة صعب
التنظيف بما ان ماعندج يهال فسهل غرفة النوم يترتب الفراش اول ماتقومون
جهزي الريوق اذا يحب واغلب الريايل مايتريق اذا بيداوم
خفايف بصحن واحد كبير بيض مع جبن وطماط وخيار وزيتون مع كوب الشاي او الحليب والخبز بصينيه وياخذ اللي يبي واذا زاد غطيه بنايلون وبالثلاجه ليوم ثاني وممكن تزيدين اوتغيرين الانواع
نظفي طاوله الاكل ورتبي الصالة اذا تحسين في غبار ممسحة الارض بلليها ماي وشوية معطر ارضيات وامسحي واذا شقتج مفروشه بسجاد بالمكنسة وترى التنظيف مو يومي لانه ماعندج احد يوصخ
اذا حبيتي تسوين غدا ابدي بالاشياء السهلة صواني الفرن ماتحتاج شي
الدياي او اللحم اذا تكرهين التقطيع والتنظيف اخذي القطع المثلج والجاهز تبليه باي خلطه بهارات مع روب وملح وزيت وقطعي وياه بطاط مكعبات كبيرة وبصل وجزر وحطيه بصينية الفرن واذا مستعيله باكياس النايلون الخاصة بالفرن نار عالية عشر دقايق وعقب وطي النار حيل وانسيه العيش بتتعلمين مع التجارب كلنا غلطنا وكبينا بالزبالة اللي احترق واللي صار جنه هريس
المشخول اسهل شي غسلي العيش كوبين لج انتي وياه ونقعيه بماي وخليه
بالجدر سخني ماي 6 اكواب وحطي ملح وذوقيه لما يبدا يغلي الماي شخلي العيش المنقوع من مايه وحطيه بالماي المغلي حركيه شوي وخليه يطبخ 10 او 15 دقيقة وشخليه ردي الجدر على النار وحطي زيت نباتي مع بصله مقطعه وقلبيه شوي وحطي فوقه العيش المشخول ووطي النار حيل خليه على اصغر جوله عندج وخليه يتسكر
وممكن تاكلون الدياي او اللحم مع خبز
وقسم الطبخ بالمنتدى متروس مواضيع للمبتدئات انا حاولت اعطيج طريقة سهلة تبدين فيها
غسلي الملابس اول باول عشان ماتتعبين ونظفي الحمام عقب غسال الملابس تحممي وبخري البيت وغرفة النوم
جهزي طاولة الاكل قبل لايوصل من الدوام سوي سلطة اي نوع وما كو اسهل من السلطات حطي كل شي على الطاوله وشيكي على الفرن اذا استوى طفي النار وخليه بالفرن لحدما يوصل من الدوام حاولي ماتكثرين صحون يعني الدياي اختاري صواني الفرن البايركس او الصيني الابيض عشان ماتستعملين صينيه ثانيه وماعون السلطة وصحنين لكم مع الملاعق والشوك
تتغدون على السريع غسلي المواعين تريحون عقب الغدا العصر اذا مافي طلعة حاولي تكوين الملابس
انا كنت احط طاولة الكوي بالصالة هو يشوف التلفزيون وانا اكوي وعلى طول بالكبت
عشاكم ممكن سندويشات تحشين اجبان مع مرتديللا او همبورجر او هوت دوغ حسب ماتحبون
اذا كنت تشتغلين حاولي من بالليل تجهزين غداكم تسوين الصينية وخليها تبرد وعقب حطيها بالثلاجة واذا رجعتي سخنيها بالفرن او المكرووييف
كل شي مع الوقت والتعود بيصير سهل وخلج مرة سنعه وشقرديه حاولي تريحين زوجج ولا تعتمدين على امج ممكن تساعدج باول الايام بس لي متى واي سؤال ياقلبي انا حاضرة
^_^