العروسة اليتيمة

السلام عليكم حبيباتي وخواتي اللي مااولدتهن امي
انا بنت ماعندي خوات وامي مريضه ومن الحريم الكبار ماتعرف لاستايلنا الحديث وكل مااسال حريم اخواني او بنات العايله يقولون مانعرف

تعبت والله

ابي ااجر فستان زفاف حق عرسي بس مابي علي الف وفوق احس انه حرام ابي تدلوني علي اماكن حلوة وتوب لتاجير الملابس العرس
وابي طريقة التجهيز وشنو احسن صالون شرايكم برشا شيك

ناطرة ردودكم عسي الله يرزقكم من حيث لاتحتسبون يالغاليات

حبيبتي ماعليج احنا خواتج

اول شي حبيبتي مافي نفنوف عروس اقل من الف ؟! بس في تاجرات بمنتدى عندهم نفانيف رخيصةة و انتي رووحي شوفي عند زهراء القاسم او يوسف الجسمي او من الاسطورة و اكو محل ب 360 مول عندهم نفانيف عرايس حلوين ..

الصالون نصيحة لا ترووحين عند رشا ويع ويع الف مرة العرايس اللي عندها دايما مكياج اوفر وابيض الكريم جنها ساحره ولا التسريحه الفرعونيه ؟! يمه مو صج نصيحة رووحي شوفي اول شي حنان و بعدين رتاج دشتي و عبير الياسين و نادية هذوول توب للعرايس

و هاذا رابط للقايمة التجهيز
https://www.q8yat.com/t87395

و الله يوفقنا كلنا ي رب

نصيحه لوجه الله روحي حنان البستكي خلي رشا عنج مو حلو

شوفي بدلات الاسطورة ترى في اسعار اقل من الالف وحلوين وناعمين
احسن من الايجار واخذي رقم الاسطورة لقسم بدلات الزفاف علشان تاخذين موعد
وبالنسبة للصالونات ما عندي فكرة
والله يوفقج

الله يوفقج ياارب

ومرمر ماااقصرت

اولا السلام عليكم
ثانيا منو قال ان مافي نفانيف اقل من الف
اغلب رفيجاتي وقرايبي نفانيفهم ع ٧٠٠و٦٠٠
والصالون ع حسب اختيارك للميك اب
لان رشا شيك مره حطت لوحده ناعم
ومره دفش
وكويت كونتننتال مرات يحط ميك اب يجنن
ومرات ويييييييع
يعني انتي واختيارج

عندج بحولي مشاغل يؤجرون
شوفي مقابل النقرة الشمالي والجنوبي
وشوفي بالشمالي فيه محلات لبدل الحفلات جان عندهم للاعراس مدري روحي شوفيهم

الصالونات عندج ليلى العرادي وحنان دشتي ونادية الشطي

رشا شيك معاملتهم خايسه ومكياجهم اقل من عادي
نفانيف اذا اقل من الف عندج رشاشيك نفاميفهم اقل من الف
وشوفي تاجرات المنتدي نفانيفهم حلوه واسعارهم معقوله بس اتيليهات ماتوقع بتحصلين رخيص كلهم طارو بالاسعار

البنات ما قصروا

لا جديد عندي

بس حبيت ارفع لج الموضوع يمكن احد يفيدج

الف مبروك اخيتي كلنا خواتج

مووووفقه يا قلبي

عندج الإسـطورة و في محل بالفنار – مكياج رشا ماجربته للأمانه – انصحج للعرايس حنان دشتي بستكي و مس فرساي

البنات ماقصروا وماعرف بالكويت بس حبيبتي المكياج سوي بروفه قبل اذا بتتاكدين اذا عدل اولا لان اذواااق الناس تختلف ممكن هالمشاغل اللي قالوا عنها ماتناسب ذوووقك مو قصور فالبنات بس من ناحية الناس اذووااق
ربي يسعدك ويوفقك يارب

أححنا خواتج لبى قلبج اي شي تحتااجينه اسدييحه هني ,ْ< وأحنا نعين ونعاون~,!

رشـآ شيكـ أنا شـآيفه عراايس مكيااجهم قممممممممممممممه ,~ وألناس أذوـآق ,~< وانتي روحي وشوفي بنفـسج,~/,! ومعاملتهم عسسل ,ْ< !,~
> لأتحكمون ع ألناس من غير لأتشوفونهم أنا رايحتلهم كذذذاا مررـه,,ّ!

والنفانيف عند رشا شيكـ أقل من ـ ألف’!َ,

وعسى ربي يهنيج ويوفقج’ْ!:/*

–

الله يوفقج و يشفي امج ويخليها لج يارب
في برجوازيه مرات يعر بس مرات يصدف حلوو
واقل من 1000
و مكياج حنان دشتي او برجيت
و اذا عن التجهيز مآ قصروا البنات
الله يهنيج