|
|
يابنات تذكرون سالفتي اللي قبل .gif "Eh S(16)")
واذا ماتذكرون شوفوا مواضيعي
انا تهاوشت مع ريلي والسبب معاشي سحبه البنك بسببه هو وطبعا
في الاخير قلتله مانبي مشاكل يابن الحلال ابي راتبييييي
قال اذا الله رزقني عطيتج .gif "Eh S(12)")
المهم امس يسولف والا جرحني بكلمه قويه
يعني فوق الظيم اللي شايفته هم مو عاجبته .gif "Eh S(11)")
خذيت بعضي ورحت لبيت اختي عشان مابي اروح لاهلي يفضحوني حريم اخواني
هذا الكلام من امس وطبعا ابو الهول لاحس ولاخبر
واكيد ماراح يراضيني شسوي بنات خليت عيالي يكسرون الخاطر
بس والله هو طلعني من طوري وجنني
شوروا علي
زعلي عليه لا تكلمينه بس لا تطلعين من بيتج
و الله يهديه و يسخره لج
الله يهديك ويهديه
ارجعي بيتك يمكن يمزح واانتي على طول ماصدقتي خبر هجيتي
وموضوع راتبج شوفيلج حل وياه اذا ما وعدج ما يعيدها روحي غيري رقم حسابج او اخذي البطاقه منه خشيها او حتى اتلفيها و روحي انتي بنفسج اسحبيه من البنك ولا هالحاله …
يامعوده ردي بيتج احسن لج يا قلبي انتى تحملى وصبري عليه حبيبتى والله كريم
ربي يهديه و يسخره لج ان شاء الله
عيل انا يناجديني كليو باترا
انا اقول ردي بيتج حق اعيالج مو حقه لانه مالهم ذنب ولا اهوا مارده بيحس بغلطته وسكتي عنه يمكن ماعنده الحين وانشالله ربي يسهل امورج ويسخرلج ريلج اموفقه بس هدت البيت مو شي مهما كان مو عشان فلوس اتبيعين ريلج وبيتج معليش رديله وسامحيه ع الفلوس ماتسوى السالفه كلش ولله يهدي النفوس حبي
شلون قلبج طاوعج وتركتي عيالج وراج؟
مهما صاااااااااااااااااار بيتي ما اطلع منه تقدرين بمليون طريقة توصليله زعلج بس موتهدين البيت وتطلعين
وبسألج اذا ممكن – القرض اللي ماخذه ريلج حق شنو كان.؟
ولاتهدين بيتج مره ثانيه لانه هذا اكبر غلط تسويه المره
والله يصلح بينكم و يهديه ويسخره لج
ردي بيتج علشان عيالك حرام
وتعودي انج ماتطلعين من بيتج !
المره مالها الا بيت ريلها
وقوليله انا راده عشان اليهال مو عشانك كسري فيه شوي