|
|
شلووونكم حبيباتي
بغيت استفسر عن الطاقم البلجيكي في وحده اطفال الانابيب في رويال حياة
سمعت انه طاقم ممتاز و في دكاترة معروفين في بلجيكا يايين الكويت
و لمن بحثت بالنت شفت وايد ناس عالجوا و مدحوا الدكاترة هناك
بس اغلبهم كانوا مجربين التلقيح الصناعي و اطفال الانابيب
و انا حالتي و لله الحمد بسيطة على كلام دكتورتي تقولي ان التكيس عندج بسيط
بس انا خايفه اعالج عند اي احد اخاف تتفاقم حالتي و يزيد التكيس
انا صارلي تقريبا سنة متزوجة و ما حملت
جربت شهر واحد خذيت كلوميد وما كان في استجابة
و الحين بس مستمرة على حبوب القرص للتنظيم مع الجلوكوفاج و الفوليك اسيد
زوجي ما يبيني اعالج عند اي احد
و لمن سمع عن هالطاقم قاعد يحن علي اني اراجع عندهم
شرايكم بنات شنو سامعين عنهم ؟
و اذا رحتلهم يعالجون حالتي ؟
بحطلكم اسامي الدكاترة اللي عندهم و سمعت ان يمدحونهم
دكتورة اسمها حفصة بو عكري
و دكتور ديفوري
و دكتور فاطمي
عفية بنات مو تكشتون و الله محتارة و مالي غيركم استشيره لان ما اعرف احد معالج عندهم
والله يرزقنا كلنا ياااا رب الذرية الصالحة 
والله يرزقج وينويلج الي في بالج .. ان شاء الله البنات يفيدونج
واذا زوجج موافق روحي لاتاجلينها قبل لايتكاسل
ماعندي فكره بس حبيت ادعيلج