الطاقة والانسان (د.احمد الجسار )

السلام عليكم و الرحمه ..

بنات انا ماخذه هالمادة و هي عندي اختيارية :s

ومادري شسوي فيها >_<

و الامتحان قرب و الدكتور بس يشرح و ماعنده كتاب

منو ماخذ عند الدكتور من قبل ؟

يا ريت تكتب اي شي تتذكره عن الامتحان اي سؤال طريقة الامتحان كل شي بليز

وعليكم السلام والرحمه

ياقلبي ما خذت عنده.. ولا اعرف طريقته

بس هذا التقييم ان شاء الله قدرت افيدج بشي

المختصر المفيد– معظم الطلبة يقولون5/4.3
ان مستوى الاختبارات صعب
وشرح المدرس شرح جيد جدا
والأغلبية حصلو على تقدير C
بإختصار ننصح به
عدد الطلبة الذين شاركوا في التقييم 36

التقييمملاحظات الطلبة– النجوم:
– المستوى: صعب
– الشرح: شرح جيد جدا
– حصلت على: F
ننصح به
المـادة: فيزياء 101 التاريخ: 2011-03-03الطالب: Eng.Marwa رقم التقييم: 23114

الدكتور أحمد الجسـار طيــب مـع الطلبـة ، وشـرحـه تمـام لكــن مشكلتـه الوحيــده بالإختبـارات ، ونظـامـه كـل اسبوع لازم امتحـان طبعــا اذا خذيت عنده انســى شــي اسمه يوم راحه ، ما يعطي ولا يوم عطله .. بـس شــد حيــلك وراح يســاعدك

– النجوم:
– المستوى: صعب
– الشرح: شرح متوسط
– حصلت على: C
لا ننصح به
المـادة: فيزيا التاريخ: 2011-01-26الطالب: osah رقم التقييم: 22505

أول شي دكتور احمد الجسار طيب و حبوب و عفوي بالكلاس و من اول يوم كان حافظ اسمي و المشكلة انه علق علي واااااااااااااايد يعني اي حركة انا اسويها يلاحظني و يعلق بصوت عالي و لمن اطلع ابنص المحاضرة او لمن ايي متأخرة لازم يقط علي حجي بس انا اما البنات الثانيين عادي ما يقولهم شي …. و عادي بنص المحاضرة يعطيك قصة و لا يقولك قصيدة …. و لمن تسأله سؤال يعصب و يحمق عليك … و كله يقول انتوا ما تدرسون مع اننا كنا ندرس قبل الامتحان باسبوع .. و كوزاته صعبة وايد …. و اذكر مرة دشينا تيتوريال شباب على بونة حق المراجعة قبل الميدتيرم … و عسى ما شاب يسأل سؤال الا و مسخراه جدامنا حرام انحرجوا وايد …..

بس ترى اهوا زين بالتعامل و اخر شي يحس و يقول انا ما اعصب الا و انا معتبر نفسي ابوكم …

بس شرحه لوية و القوانين ينثرها على اللوحة و مومرتبة
يعني ما انصح فيه كدرجات … حسيت اني انظلمت منه خاصة اني وااايد كنت ادرس

– النجوم:
– المستوى: صعب
– الشرح: شرح جيد جدا
– حصلت على: B
ننصح به
المـادة: Physics 101 التاريخ: 2011-01-25الطالب: 7sain رقم التقييم: 22489

دكتور طيب أو شرحة حلو بس كوزاته صعبة

– النجوم:
– المستوى: صعب
– الشرح: شرح ممتاز
– حصلت على: C
ننصح به
المـادة: فيزيا 2 التاريخ: 2010-12-31الطالب: aziz رقم التقييم: 22339

الدكتور قمة في الاخلاق.. طيب.. يسولف مع الطلبة ويقص لنا قصص ويقول قصائد في بداية المحاضرة.. معاه ماتحس انك تدرس فيزيا ..
اما من ناحية الشرح شرحه حلو وتفهم عليه ويعيد الشرح مرة ومرتين وثلاث .. ومن ناحية التصحيح .. يدور بين السطور عشان يعطيك درجات يعني حتى لو حليت المسألة كلها غلط راح تاخذ عليها درجة..
من افضل الدكاترة اللي درسوني..
الله يحفظه…

– النجوم:
– المستوى: متوسط الصعوبة
– الشرح: شرح جيد جدا
– حصلت على: C
ننصح به
المـادة: فيزيا 1 وفيزيا 2 التاريخ: 2010-09-07الطالب: zobanoba رقم التقييم: 21871

الدكتور يهبببببببببل حده ويبي مصلحتنا حرام انا لأن حافظني كنت اروحله المكتب زادني قريد والله يبينا نشد حيلنا ترى والله الي يدرس صدقوني يطلع فيهم بدرجه حلوه انا اول مره خذيت فيزيا واحد مادرست عدل بس بعدين قمت ادرس عدل وترى موقع قسم الفيزيا في اسأله مراجعه امبي نفس الافكار بالضبط يت بالإمتحان بس الارقام غير ويعد في أسأله امتحانات وعلى فكره قسم الفيزيا يكرر الاسأله فأنصحكم قبل الإمتحان ب 3 أيام حلو أسأله الإمتحانات والمراجعه ملوت كل جابتر والله اخذوها نصيحه مني وشوفي شلون درجتكم بتكون عجيبه اي ولا انسى لازم تدرسون على الاقل قبل الإمتحان بسبوع اذا مالكم خلق كل يوم تجابلون

– النجوم:
– المستوى: صعب
– الشرح: شرح جيد جدا
– حصلت على: C
ننصح به
المـادة: فيزياء 1 التاريخ: 2009-10-04الطالب: f1h3d رقم التقييم: 19032

الدكتور بصراحه ورده ماينوصف ويحب الغشمره وعصبي حيل…
الطلبه يفهمون عصبيته غلط مع انه كله عشان مصلحتنا
نوته جيده نوعا ما الدكتور يحب اللي يشارك وياه ويناقشه
بس لايحوشك تسال سؤال غبي ولاتعيد شغله قالها
اووووووووووووووووووووووف يولع فــــــــيــــــــكـــ
يخلي ويهك قوس قزح ……
الدكتور تصليحه ممتاز وفوق الممتاز ويرفع قريد او قريدين بنهاية
الفصل ويثبت على الوجوه وياخذ غياب كل حصه
اللي مايبي يحضر يضبط واحد يحضره لان التحضير بكشف يمرره على الطلبه والامتحانات صعبه عالعموم الماده يبيلها مجااابل والله يسهل …..
بصراحه هالدكتور مكسب للكليه…

– النجوم:
– المستوى: صعب جدا
– الشرح: شرح متوسط
– حصلت على: C
ننصح به
المـادة: طاقة و إنسان التاريخ: 2009-09-13الطالب: المستعينة بالله رقم التقييم: 18797

الشرح عادي و لما نسأله عن شي مو مفهوم أحس إنه ما يقدر يفسر أكثر أو ما يوصل المعلومة بشكل جيد ،،،

الامتحانات صعبة مع إن المادة سخييييييييييييييييييفة جدا جدا جدا

الامتحانات كلها أفكار و أفكار جدييييدة مو بالمحاضرة

و التصحيح حده حده و ما يظلم بتصحيح الامتحان

بس بالبحوث ما يعطي درجة عالية مادري ليش ؟؟؟؟

– النجوم:
– المستوى: متوسط الصعوبة
– الشرح: شرح جيد جدا
– حصلت على: C
ننصح به
المـادة: physics 1 التاريخ: 2009-05-15الطالب: shadowss رقم التقييم: 17368

الدكتور ممتاز ، شرحه جيد وتصليحه حلو ، إذا كلمته ممكن يرفعك

أنا كنت C كلمته حطلي C+

يسجل الغياب دايماً ، ويثبت أشكال الطلبة وأساميهم ، ونفسيته حلوة ومحترم جداً ، بس المادة شوي صعبة :S

أنصح فيه وبشدة

– النجوم:
– المستوى: صعب
– الشرح: شرح جيد جدا
– حصلت على: D
ننصح به
المـادة: Phy.1 التاريخ: 2009-04-28الطالب: EnsaNa رقم التقييم: 17212

دكتور احمد خوش دكتور بالدرجات والتصليح

اما بالشرح ، فشرحه عادي

بس يرفع وايد وايد

انا ماكنت فاهمه الماده ونجحني بالدز

بالنسبه للحضور فاهوا يثبت عالويوه ويحفظ

واللي تحضر وتضبط عمرها يرفعها بالنهايه

الامتحانات موحده وكانت صعبه شوي

– النجوم:
– المستوى: صعب
– الشرح: شرح متوسط
– حصلت على: C
ننصح به
المـادة: فيزياء 1 التاريخ: 2008-09-26الطالب: ! ولد المطبه ! رقم التقييم: 15516

الدكتوووووور حبوووب واخلاقه عاليه وتعامله مع طلبه فووق الوصف

بخصوووص الشرررح يفضل أنه تاخذ خصووصي ممتاز
لانه شررح الدكتور جيد منخفض ومااده صعبه
وشررح دكتور مسائل كتاب يعني ماراح تفيدك بشي
لازم احد يحل معااك اسئله كثيره وشررح واضح

الدرجااات يررفع لكل طالب قريد

وأعرف كذا طالب رافعهم قريدين لانهم يسالوون كثير يعني متجاوبين معااه بمحاضرات وبمكتب

يعني يفضل أنك ترزز فيسك له كل اسبووع مره بمكتبه

خله يعررفك عشان مايقصر معااك

وبالتوفيق

– النجوم:
– المستوى: صعب جدا
– الشرح: شرح متوسط
– حصلت على: D
لا ننصح به
المـادة: 101 التاريخ: 2008-07-30الطالب: q8 O×maraim رقم التقييم: 14790

السلام عليـــــــــكم الدكتور احمد الجسار دكتــــــــــــور والنعم فيه بس الصراحه الدكتووووور يحب يحب يعقد الأمور واهي سهله
يعين مرات تلقا نفسك داش بجو المسأله بعدين تنصدم يطلعلك قانون ما ادري من وين واهــــــــــــــــــــــــــــــــم شي لا تسأله حده يمصخرك وما يعطيك فرصه تكلم ومو بس جذي يجاوبك على اسأله مو انت اللي سأله وما يحب شي اسمه مناقشه على قولته اللي يجي يناقشي انزله ما ازيده ويستحمل اللي يجيه والصراحه ما انصح فيه ذبحوني اخذي عنده اخذي عنده صراحه كنت غلطانه يوم خذيت عنده اخذو عن غيره نصيحه لوجه الله

– النجوم:
– المستوى: صعب
– الشرح: شرح جيد جدا
– حصلت على: A
ننصح به
المـادة: phy101 التاريخ: 2008-07-30الطالب: fhd89 رقم التقييم: 14788

تبون تعرفوووون كل شئ عن الدكتووووووووووووور؟؟؟؟؟؟
يلاااااااااااا قولووووووووو اييييييييييييييييييييييييييي!!!!!!!!
كل ما يتعلق بالدكتور هو:
1 الاحترام 100%
2الاخلاق100%
3العصبيه75%
4الشرح85%
5الاسلوب وطريقه الشرح 200%
6المساعده100%
7المساعده(قريدات)75%
8العمر100%
9الوزن100%
10خفه الدم100%

وهذا موجز اخبار الليله للدكتور احمد الجسار

نصيحه هاااااااااااااااامه لا تسأل اسئله سخيفه(اسأل مجرب)

– النجوم:
– المستوى: صعب
– الشرح: شرح ممتاز
– حصلت على: D
ننصح به
المـادة: physics 101 التاريخ: 2008-06-14الطالب: Candel رقم التقييم: 14201

الصراحه الدكتور روووعه ..

شرح واسلوب وكل شي فيه زيين ..

و يرفع قريدات ومايعطي احد اف الا اذا هالطالب اهو يبي اف ..

يعني باختصار الفيزيا = الجسار والله يوفقكم

– النجوم:
– المستوى: صعب جدا
– الشرح: شرح ممتاز
– حصلت على: D
ننصح به
المـادة: 101 التاريخ: 2008-06-13الطالب: تربوية رقم التقييم: 14189

الدكتور شرحه ماتلاقي مثله في هالقسم لو شنو
بس في التصحيح يطيك حقك وزيادة و امتحانته القصيرة دائما صعبة

– النجوم:
– المستوى: صعب
– الشرح: شرح ممتاز
– حصلت على: C
ننصح به
المـادة: فيزيا 1 التاريخ: 2008-06-07الطالب: دندونه رقم التقييم: 13917

الصراحه الدكتور ممتاز
انصحكم تاخذون عنده …………….

– النجوم:
– المستوى: صعب
– الشرح: شرح جيد جدا
– حصلت على: C
ننصح به
المـادة: PHYSICS 101 التاريخ: 2008-06-06الطالب: carbon رقم التقييم: 13902

هالانسان حده عجيب ومعاملته مع الطلبه حدها اوكي

بس يبي الي يعرفله صج يعصب بس يضحك مو من قلبه يعصب

يعصب لان اغلب الطلبه يتنحون صج ماطلعت بقريد عالي بس الحمدالله

والله الي يتابع معاه ياخذ قريد عالي

– النجوم:
– المستوى: صعب
– الشرح: شرح ممتاز
– حصلت على: D
ننصح به
المـادة: فيزيا 101 التاريخ: 2008-06-05الطالب: عبدالرحمن_ رقم التقييم: 13851

عسل عسل يالجسار
دكتور عسل ينحط عالجرح يبرا

الشرح ممتاز بس انت انتبه وياه وكل شي تمام

المحاضره :
نكته مع انها فيزيا ، دايم يكسر جو الملل بالمحاضره ويخلي المحاضره تفرفش
واذا تبي تساله اساله عن شي يديد وما شرحه

لانك اذا ساله عن شي شرحه يفجر فيك تفجر
وهذا عيبه الوحيد
بس همن ساله اذا م فاهمه
كوزاته مو صعبه وايد مثل ما قالو الاخوان والاخوات .
مستواها متوسط
تدرس عدل تييب فل مارك

الماده دسمه ويبيلها مجابل اول باول غير جذي لا تفكر بقريد

دراسه متوسطه حتى السي ما تييبها لانه افكارها واايد متنوعه
التصحيح زين بس تراه يحاسب عالاشارات ( اشارات المتجهات )
مثل القوه وهالحجي

وبالختام

تبي تاخذ فيزيا اخذها عند الجسار وبسسسسسسسسس

وبالتوفيق

للجميع

– النجوم:
– المستوى: متوسط الصعوبة
– الشرح: شرح ممتاز
– حصلت على: B
ننصح به
المـادة: فيزياء 1 التاريخ: 2008-05-03الطالب: fwawzinter رقم التقييم: 13732

الدكتور ممتاز بل روعه وكان خوش كورس يوم اخذت عنده شرح وافي للماده ما يخليك تاخذ مدرس خصوصي و تصحيحه لالمتحانات ممتاز

– النجوم:
– المستوى: متوسط الصعوبة
– الشرح: شرح ممتاز
– حصلت على: C
ننصح به
المـادة: physics 101 التاريخ: 2008-02-09الطالب: amoon رقم التقييم: 13197

خووووووووووووش دكتور وأنا ما سجلت بشعبته بس هو حاضر لنا كم محاضرة وفادنا فيهم وكل شعبتنا ممنووووووووووونة له على هالجهد الطيب .. وبصراحة كل شئ قاله للحين محفووور براسنا لأنه طريقته في الشرح عجيييييييييييييبة … يعطيك العافية دكتوور وما تقصر ,,,

– النجوم:
– المستوى: متوسط الصعوبة
– الشرح: شرح ممتاز
– حصلت على: B
ننصح به
المـادة: الطاقة و الإنسان التاريخ: 2008-02-07الطالب: roro1 رقم التقييم: 13138

طيب و حبوووب ما قصر معااااي
كويزاته سهلة بس احنا مادري شنو في بمخوخنا لوول
في اسئلة تحير بس تنحل ..

– النجوم:
– المستوى: متوسط الصعوبة
– الشرح: شرح جيد جدا
– حصلت على: A
ننصح به
المـادة: فيزيا 1 التاريخ: 2008-02-07الطالب: eng.maynoona رقم التقييم: 13130

فديت الدكتور .. عجيب شرحه 100% حبيت الفيزيا.. اروع وارقى دكتور.. ببساطه لا تطوفونه.. امتحاناته عاديه مو سهله ولا صعبه تصليحه اينن

– النجوم:
– المستوى: صعب
– الشرح: شرح ممتاز
– حصلت على: C
ننصح به
المـادة: Physics 1 التاريخ: 2008-02-01الطالب: STyLiSH رقم التقييم: 13065

men el akher obo mo Dr .. 7addah sheeba w swalfah swalef sheyab ghashmarchy w ymawet the7ek le gam ysolef mawedek yasket
shar7ah akthar men momtaz w marra bel emte7an 3a6ana cham qanon 3al 6ayer =P w taslee7ah 7adda zain bs fel nihaya physics is physics w lw sheno el dr zooqa lazem tzafet fa el C- mo menah meni wel7en le baghait a3eed el madda mara7 atradad wala netfa l2na hal Dr "rajolon wal rejalo Qalelo =P "

– النجوم:
– المستوى: صعب جدا
– الشرح: شرح ممتاز
– حصلت على: F
ننصح به
المـادة: فيريــاا 101 التاريخ: 2007-07-09الطالب: ShrsS رقم التقييم: 10785

ولا زال نضالنا بالفيزيـا مستمر …

الدكتور احمد جسار شقول عنه ياربي

مع اني ماخذ اف بالفيزيا بس انصح فيه لأنه صج صج دكتور مافي مثله

يعامل الطلبه حسبت اعياله

لو يجي مبجر للمحاضره يقعد مع الطلاب ويسولف معاهم شمسووين بالدراسة

يمكن كنت مقصر بحق الدراسه عشان جذي خذيت هل قريد

الدكتور قال ماعليك الكورس الجاي خذ فيزيا عندي وشد حيلك

تصحيحه مو طبيعي يلقطلك درجات مادري من وين يحصلها لك لوووول

بس كوزاته صج صعبه

مره عطانا كويز وقال حلوه بيومين

رحت للتوتوريال عشان تحله لي .. ما اعرفت لوووووول

تقول فكرته جديده من وين حصلت هسؤال ؟

نوتته مافي مثلها

موفقين

– النجوم:
– المستوى: صعب
– الشرح: شرح ممتاز
– حصلت على: B
ننصح به
المـادة: فيزياء 101 التاريخ: 2007-06-07الطالب: peng رقم التقييم: 10038

والله أقولها وبكل صراحة أنه دكتور أحمد الجسار اهو الي مخلي قسم الفيزياء واقف على ريوله على الرغم انه أفشل وأتعس قسم على مستوى جامعات العالم؟؟!!!!!!!
الدكتور ماقصر معاي بالتعامل الراقي والشرح الممتاز بس أنا كنت مقصر بالدراسة بسبب ضغط المواد الاخرى وبالنهاية يرفعك قريد
يعطيك 10 كوزات على الأفل غير الهوم كوز وحسب أحسن خمسة او سته
الله يطول بعمره دكتور أحمد الجسار وزير التخطيط السابق

– النجوم:
– المستوى: متوسط الصعوبة
– الشرح: شرح جيد جدا
– حصلت على: A
ننصح به
المـادة: 102 التاريخ: 2007-05-07الطالب: سينيوري رقم التقييم: 9675

ممتاز في كل شئ أخذوا عندة

– النجوم:
– المستوى: متوسط الصعوبة
– الشرح: شرح جيد جدا
– حصلت على: D
ننصح به
المـادة: Physics 1 التاريخ: 2007-05-01الطالب: Q8iEnG.NeT رقم التقييم: 9557

ممتاز بالشرح وبالتصليح ويعاملنا مثل عياله

وينكت ويسولف بسسسسسس

كويزاته شوي صعبه مو وايد بس صعبه

باختصار انا عدت الماده أخذت فيها D

ولما عدتها اخذت عند دكتور ثاني وقمت بس ادرس من نوته والله مع شوي ملاحظات كانت ناقصتني

يبت قريد محترم

– النجوم:
– المستوى: صعب
– الشرح: شرح ممتاز
– حصلت على: B
ننصح به
المـادة: فيزيا101 التاريخ: 2007-01-15الطالب: cute-eng رقم التقييم: 8443

بصراحة اهو خووش دكتوور ..محترم.. يعاملنا مثل عياله..

ويحاول قد ما يقدر ان يبسط المسائل..ويلخص لنا القوانين..

وتصليحة حلو بالمدتيرمات عالمسائل يعطي 2 او 1..

بس كوزاتة واايد صعبة ..

– النجوم:
– المستوى: صعب
– الشرح: شرح ممتاز
– حصلت على: C
ننصح به
المـادة: فيزياء1 التاريخ: 2006-06-04الطالب: ط§ظ†ط´ط§ظ„ظ„ظ‡ ظ…ظ‡ظ†ط¯ط³ رقم التقييم: 4668

والله اهوه خوش دكتور و شرحه حلو

و غشمرجي بس في عيب انه يهزء الطالب الي يسأله

و طلعت بالماده c لانه الكيرف كان 5 درجات بس !!

و طبعا كويزاته الله لا يوريك أصعب من الميدتيرم

و يحب الي يداوم و يحفظ الاشكال بسرعه

– النجوم:
– المستوى: متوسط الصعوبة
– الشرح: شرح جيد جدا
– حصلت على: A
ننصح به
المـادة: فيزيا? التاريخ: 2006-04-27الطالب: ظ…ظ‡ظ†ط¯ط³ظ‡ رقم التقييم: 3890

دكتووور رائع وينحب ويحببك بالمادة
محاضرته تونس وكلا يقول قصص ويحل ويانا مسائل
يساعد وااااايد بالدرجات ، اكثر مما تتصورون ، ويكنسل درجة واحد من الامتحانات اللي مايبت فيهم زين
بصراحه هالدكتور احسن دكتور مر على بكلية العلوم
بس ترا المادة صعبة ويبيلها مجابل
وتبون الصج محد ياخذ فيها A الا اللي حاط مدرس، ومو أي مدرس، لازم يكون عارف طريقه الامتحانات

– النجوم:
– المستوى: صعب جدا
– الشرح: شرح ممتاز
– حصلت على: B
ننصح به
المـادة: الفيزياء 122 التاريخ: 2006-03-29الطالب: ط§ظ„ط®ط¨ظ„ط© رقم التقييم: 2975

بصراااااحة أنا وحده أفهم للدكتور بس كله حاط علي ليه ما أدري؟
أهو كله زين بزين بس الإمتحان الله لا يوريكم مثله
صصصصععععبببب
تعرفوووووون شنو يعني صعب يالله الحمد لله على كل حاااااال

– النجوم:
– المستوى: صعب جدا
– الشرح: شرح ممتاز
– حصلت على: C
لا ننصح به
المـادة: الطاقة و الانسان التاريخ: 2005-12-26الطالب: ط³ظ…ط³ظ…ط© طھط±ط¨ظˆظٹط© رقم التقييم: 1758

الأب الحنون . . سمح الوجه ..
محترم .. وظريف .. يسولف .. ويقول قصص ..
بصراحة كانت أول محاضرة بكلية العلوم أستمتع فيها ..
بس .!!!

الأمتحان : الله لا يوريك صعب جدا جدا جدا

– النجوم:
– المستوى: متوسط الصعوبة
– الشرح: شرح ممتاز
– حصلت على: B
ننصح به
المـادة: فيزيا 1 التاريخ: 2005-12-16الطالب: engineer رقم التقييم: 1621

الدكتور ممتاز جدا.. يستاهل كل خير.. يعاملك كأنك ابنه.. يبسط المسائل بدرجة خيالية!! لدرجة انك تعتقد ان المسألة تافة بالرغم من صعوبتها!!
أنا ما كنت أدرس!! أدخل على الشرح على طول! ما أراجع وخذيت B+!

فما بالكم إني كنت أراجع!!
أنصح فيه وبشدة وعلى ضمانتي

(الله يجزيه خير ويرضاه عنه.. آمييييييين))

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: فيزياء 101 التاريخ: 2005-07-18الطالب: ط¹ظ…ط§ط± رقم التقييم: 435

الدكتور يستاهل وزنه ذهب الصراحه

– النجوم:
– المستوى: صعب
– الشرح: شرح متوسط
– حصلت على: F
لا ننصح به
المـادة: 102 التاريخ: 2005-06-24الطالب: no رقم التقييم: 203

بدون تعليق

– النجوم:
– المستوى: صعب
– الشرح: شرح ممتاز
– حصلت على: D
ننصح به
المـادة: فيزيا 1 التاريخ: 2005-06-20الطالب: Jaree7 رقم التقييم: 73

أفضل دكتور
بس المادة صعبة لكن شرح ممتاز
طلعت فيها ب D لانه المادة يبيلها دراسة اول باول

– النجوم:
– المستوى: متوسط الصعوبة
– الشرح: شرح ممتاز
– حصلت على: D
ننصح به
المـادة: فيزياء 1 التاريخ: 2005-06-12الطالب: ط¨ط§ظٹط¹ظ‡ط§ رقم التقييم: 12

أحمد الجسار من أفضل اساتذة القسم بس ان ماكان لي حض وياه ..
فهمت المادة عدل ولكن ان ما درست ..
انصح ان الواحد ياخذ عنده بس لازم تدرس أول باول
لأن مادة الفيزيا صعبه ويبيلها مجابل ..

حبيبتي اخر العنقود <3 مشكووورة (f)