|
|
بسم الله الرحمن الرحيم
السلام عليكم اخواتي ابي اراجع عند دكتوره شاطره انا ضغطي ارتفع لاول مره بالحمل ولاداتي السابقة قيصريه برا الكويت جزاكم الله خير انصحونى عند منو نداء بو خضور او خالدة المجيبيل
والله في عون العبد مادام العبد في عون اخيه
ربي يسهل ولادتكم اجمعين
عاد انتي قيصريه فمادري تبين عمليه او تولدين طبيعي؟؟؟ اذا طبيعي بعد قيصريه كلمي دكتوره اذا خيااطج صاره اكثر من سنتين تولدين طبيعي
والعلم عند الله والله يسهل عليج وعلي يارب
اااااااااااااااااااب
انصحج تبتعدين عنها
ثاني شغلة أنصحج وعن تجربة بالدكتورة خالد المجيبل مو قصور بالأخرين بس للأمانة ما جربتهم
واللي تقول عن الدكتورة عليها حجي
أولا إهي بشر ومو معصومة من الغلط محد كامل غير وجهه سبحانه وتعالى
بعدين اتقوا الله بالدكتورة آنا مو قاعدة أدافع عنها لغرض شخصي لا تصيري لي من بعيد ولا من قريب لكن أقول كلمة حق بتعاملها معاي شخصيا
ورجاء اللي ما جربت التعامل مع الدكتورة خالدة لا تاخذ ذنبها وتقعد تفتي فيها على كيفها
وما أقول ما غلطت أكيد بتكون لها أخطاء طبية حالها حال باقي الدكاترة وطبعا هالأخطاء غير مو مقصودة مو مينونة بايعة عمرها يعني علشان تبدع بخلق الله
الدكتورة كاهي مثل الوردة بعيادتها وتمارس شغلها طبيعي لو وقفوها عن العمل جان ما نشوفها مرتزة بمكتبها يوميا ما عدا الخميس والجمعة هذا للعلم فقط
وأتحدى الحين تدقون على سكرتيرتها زهرة اللي صج اسم على مسمى وتقولون لها نبي أقرب موعد أتحدى تحصلونه قبل شهر هذا من كثر الضغط والزحمة عليها
اتقوا الله فيها وربي يشهد ماااااااااااااالي مصلحة من ورى هالحجي بس صج أنقهر عليها لما أشوف مثل هالردود البايخة عليها
يكفي نفسيتها تهبل وفاهمة شغلها صح عالأقل مو مثل بعض الدكاترة يجبرونا نسوي التحاليل عندهم والله من تعطيني ورقة تحاليلي تقول سويهم بره أوفر لج
وعلى فكرة وقت ولادتي بولدي كنت رايحة لها موعد مراجعة عادي ما عجبها تخطيط البيبي وخلتني عندها فوق 4 ساعات بالملاحظة يوم ماشافت فايدة والله ثم والله بإيدها وكلتني التمر وقالت ولادة لما شافت عنق الرحم مبطل قبل أوانه ولما ولدت ولدي فعلا جدام عيني الحبل السري كان لاف على رقبته والفيديو موجود
أكيد الحين اللي بتدش وبتقول آنا سكرتيرتها ولا أختها بالعكس يحصل لي الشرف أكون أخت لوحدة مثل الدكتورة خالدة
الساكت عن الحق شيطان أخرس
وعادي تعودنا بالكويت الهجوم على أي راي
حياكم ناطرة التعليقات الحلوة لكن ماااااااااااااا أحلل اللي بتحجى عن الدكتورة وإهي اساسا مو متعاملة معاها
آسفة جدا جدا صاحبة الموضوع يمكن أكون واااااااااااااايد دشيت عرض بموضوعج بس اسمحي لي طلبتي راينا بهالدكتورة وآنا قلت اللي عندي
توكلي على الله وروحي لها
سوي سيرج عنه وماتشوفين شر يارب
وديري بالج على نفسج الضغط يجيب الولاده فا انتبهي لا تاكلين اي شي مالح
ولا تفكرين
ولا تععصبين او تتضايقين من شي
خليج ريلاكس 
ندي سمعت عنهاا زينه والله مااعوفهاا
والاه يسر امورررج ياارب
اشلون الولادة القيصرية عند دكتورة خالدة ؟ واشلون الجرح والخياط عقب العملية؟
لكني جربت دكتورة نداء بفحص مو ولاده وبصراحه أقولج نصيحه اخت يفضل إنج ما تولدين عندها
والسبب لأنها دكتورة عجولة وسمعتها وايد مضخمتها على الفاضي
يعني من عرفت إني أتعالج عند دكتورة من برى المستشفى وإني يايتها بس عشان أبي فحص لحالتي الصحيه حسيتها فترت وتضايقت وتنرفزت
بصراحه كنت حزتها مريضه وفيني فلونزا قويه وانا حامل وعيادة دكتورتي مسكرة
فاضطريت إني أروح رويال واخترت نداء على الي قريته عنها من مدح بالمنتدى
لكنها للأسف مادية وما تبي تسمع بس على طوووول تبي ادخلج سونار وكتبتلي مضادات حيوية مادري شنو اهيا
لدرجه كل ما اروح صيدليه يبقون عيونهم ويقولون لي ما عندنا هالأدوية
(حتى صيدلية رويال حياة ماعندهم الأدويه الي كتبتها لي)
وادفعج فلوس ما ارتحت لها كلش كلش
سوري على القرقه 
بس لازم ما تدخلين على دكتورة إلا وانتي عارفة ميزاتها وعيوبها
يمكن نداء زينه مع مراجعاتها بس هذا ما يعطيها العذر بإنها تهمل حالات لنساء حوامل حتى لو ما كانو يعالجون عندها
والحين انا عند نداء و ان شاء الله تكون ولادتها حلوه
و عموما كل شي بايد رب العالمين…والسهاله منه
وخالده اسمع عنها حيل يمدحونها
والله يسهل عليج