|
|
:080402ask_prv:
بنااات قبل شوي شفت موضوع عن كل وحده شلون نظام تدريسها لعيالها وشلون تنظم وقتها ..
المهم جآن يشتغل الوسواس .gif "Eh S(16)")
وأقول أبييييه حدي تسرعت ,,, شلون أنا توظفت !! ليش ما تميت في البيت !!!
يعني تميت أفكر ان الله عطانا عمر وكبروا اليهال , شلون راح يسمعون كلامي ( فلان اكتب الواجب / فلان ادرس )
شلون أخليهم يلتزمون بوقت النوم . بوقت الدراسه . بوقت اللعب !!
والأهم تميت أفكر أنا أطلع من الدوام 1 ونص وهم لو مدارسهم تخلص الساعه 1 شلون يعني السايق يجيبهم وعقب اييني وأنا في قلعة وادرين !! لان بين بيتنا والشغل نص ساااعه !!
والحين نظام المدارس في قطر ان لازم لازم اليهال يتبعون مدارس فريجهم يعني مافي يروحون مني والا مناك !!
عاااد قلت يعني الحين ريلي بيسمع كلامي لين أقول له مر على عيالك لي طلعت من دوامك !! 
ما أظن بيقول أنا أطلع وحده وساعات أتاخر وزحمه وحاله ما أوصل البيت الا 1 ونص أو 2 الا
يعني عيالي بيخيسون
هل الدوام يكون متفهم هالحاله لان أشوف اللي معاي يتأخرون ما يداومون الا تسع الا ربع !! بدون سبب
يعني حتى لو بيخصمون عادي اقول اي اخصموا مو مشكله بس بطلع 12 ونص
والله يا بنااات
ان من مساااعه وأنا أقول ليش ما أقدم أستقالتي شلي بالطلايب !!!
وساعات أقول بجيب دريول ثاني ( بس الناس بياكلوني شلون وليش وبطرانه !!)
أدري ان الموضوع يضحك بس أحس وااايد متأزمه لدرجه طارت النومه هههههههه
لا تضحكون على الموضوع واللي بتضحك وبتطنز تتحمل حوبتي 
ادا في باصات للمدرسه خليهم اييون بالباص
او حطيلج دريول مع زوجته تكون خادمه اامن للعيال
انا مرات افكر نفسج ..
واقول لو تزوجت .. اترك الوظيفه .. اذا صار عندي عيال
جذي ولا جذي .. حسب مقدرتكم الماديه
هم الواحد يكون مضطر يشتغل علشان يعيش ..
يعني هذا واجب كل ام طبعا بمساعدت الابو اللي فاضي لعياله
وفيه باصات بفلوس بالمدارس الخاصة
2-وقت تدريس اليهال يبتدي عندي بعد صلاة العصر كتابة واجبات ومراجعه للدروس
3- نهاية الاسبوع افصفص دفاترهم والزق صور وستيكرات وحركات وساعات اجاوب عنهم بالكتب عشان اضمن درجة كامله
4-الامتحانات مو يوميه هي شهرية فأحط مدرسات للغة العربية والرياضيات والانجليزي للتدريس بشطل اسبوعي
بالنسبة لي استمتع فيهم وانا ادرسهم واهتم فيهم
فوفو
هذا ابليس تعوذي منه
الحريم لي التقاعد وهم بالوظيفه وعيالهم يتخرجون من الثانويه اشزينهم
سهالات ان شاء الله
حبيبتي كل وحدة تقدر توفق بين دوامها وشغلها وبيتها
شوية تنظيم وقت وبيمشي الحال وربج بيسهلها
وقت ردتج من الدوام وايد مناسب تردين تتغدون وتريحين لج ساعة وبعدين يبدي التدريس
اليوم اللي فيه احد من عيالج عنده امتحان استاذني الصبح >>>يعني تنامين وقت اطول وبعدين تروحين الدوام
او استاذني اخر الدوام وهم تريحين قبل لايرجعون وتجابلينهم
المرضي لما احد يستمرض بعيد الشر و تقعدين معاه بالبيت
الاجازات اللي بدون راتب راح تساعدج وهم اجازات الامومة ورعاية الاسرة اللي بو 6شهور
الدوام صحيح في شوية تعب اذا العيال بالمدارس ويبيلهم دراسة ومتابعة
بس صدقيني الدوام تنظيم وقت لج بحيث تقومين مبجر وتنامين مبجر
تقابلين بنات اشكال وارناق وتتعلمين منهم وتطلعين على اخبار الناس والعالم
تنجزين وتشتغلين وتحسين انه يومج راح بشي ممتع
انا هذا رايي بالنسبة للدوام
صج قومة الصبح متعبة بس فيها خير وبركة ورزق 
وترا عادي الحين اغلب الحريم شغل وعيالهم يدرسون وجنهم البخت
وانتي الحمدالله يخلص دوامج مبجر يعني لاراح تتأخرين عليهم ولا شفتين ماتدرين عنهم
بس أنا ريلي ما يرضى أسوق .. فما في حل الا دريول ثاني !!
شنسوي أمرنا لله
بعد الدوام تعودنا عليه ,, شي حلوو بدال قعدة البيت الممله
وأنا فكرت ان اتفق مع عيالي مثلا اللي يسمع كلامي ويحل الواجبات ويدرس وجذي يكون لهم يوم في الاسبوع يروحون الالعاب ويشترون اللي يبونه واللي ما يحل يروح معانا بس للالعاب من غير ما يشتري ,, عشان يتأدب لووول
بس صج الله يكون بالعوون أحس مسؤوليه صعبه لي هم بالمدارس الحين ما يدرون وين الله قاطهم ههههه
اذا كبروا واحتاجوج استقيلي وقعدي
خطتي الخمسيه اني استقيل واطلع رخصه
وافتح لي خياط حلاق مصبغه اي شي ويمشي لي دعم عماله بالحلال
واقعد عند عيالي واوصلهم للمدارس مع الدريوول طبعاُ اذا كان دوام ابوهم متعارض مع طلعتهم …
توتو خلصت الحتوته 