الصدمة قويه والسبب لفلوس

السلام عليكم خواتي جميعا
عندي لكم موضوع عن الزوج ومواقفه معاج بالفلوس
في البدايه خل اتكلم عن سالفتي … والصدمه الي صدمني اياها بعز وناستي وطلعتي

طبعا في يوم من ايام لسبوع طلعنا انا وزوجي وقعدنا في كافيه شوكليت بار ولا يتذكر ان موساحب فلوس استاذن وراح يسحب ودق علي واهني الصاعقه قالي ماعندي فلوووس اشلوون الحين
يعني بالذمه لما يقولج اشلووون الحين شنو تفهموون ؟؟؟؟؟
لا والادهى من هذا كله كن قبلها باسبوع رايحين الشاليه وانا الي دافعه الماجله قالي دفعي واعطيج وعينكم ماتشوف الا النور خووش سحبه وكل ما اقوله يقولي انشاءالله بعطيج اشفيج اقوله اخر الشهر ماعندي وبيقطعون خطي مادفعت يقولي انشاءالله ..المهم بالاخير قتله تعال خلاص وعلي فكره كانت معانا حماتي وزوجها اهوه يشتغل توه واهيا تدرس جان يقولي باخذ فلوس الجمعيه الارباح نص بنص انا معاج بالذمه بنات هذي فيها انصاف انا اكثر منه دافعه والتزاماتي ماسويتها ويوم قتله عصب ويقولي الماجله انا الي ادفع يعني الارباح فلوووووسيمت قهر من هالكلمه جان اقوم واعطي زوج حماتي فلوس الكافيه لان حرام اهما حالتهم ماتسمح لهم بعد يدبسون معانا ماعندهم وطبعا قمنا وانا حدي انقلبت نفسيتي زفت قلت برجع البيت هونا حتي عشا مانبي وبيني وبين نفسي اقول من البدايه لييش مطلعني
وسلامتكم هذي قصتي كلها اشرايكم بالذمه مومن حقي ازعل واعصب ولا انا تصرفت خطأ
ومشكوورين

لا والله من حقج تزعلين اهو لو مرة وحدة امسويها يمكن نعذرة ونقول انة نسا بس اهوو كل مرة ينسى فلوسة صراحة مو حالة هذى وانا بينى وبينج احب الريال اهو لى يصرف ع المرة عالاقل يحسسها انة عندها ريال
تعتمد على مو اهو يعتمد عليها .. الله يهدى انشاءالله وانتى لا تقوليلة ان عندج فلوس قوليلة ماعندى وجيكى على يبة قبل ما تطلعوون هههههههههههه الله يهديكم لبعض حبيبتى.

ياكره الريال ان حط عينه علي فلوس مرته
بس انتي لا تكبرين السالفه
وحاولي لا تعودينه بطريقه لطيفه غير مباشره

ثاني مره قولي له اوه نسيت بوكي مامعي فلوس

حبيبتي الرجال اذا تعود الحرمه تدفع تمادى

الله يهديه ويسخره لج

الله يعين

الحل اذا طلعتي معاه لاتاخذين بطاقتك ولا فلوسك ولاشي

روحي خالية اليدين ,,

معه فلوس مامعه فلوس ,, مشكلتة مو مشكلتك

اسمحى لى انتى معطيته وجه زياده عن اللزوم

قلنا مره واثنين هم انتى عندج ملتزماات

ياربي ياكرهى للريال الى جى اسمحيلي زوجج حرنى

لاحبيبتي
ديري بالج لاتصيرين مغفله
ولاتدفعين له فلس حمررررر
انتي مومكلوفه اهو اللي مكلووف يحط واييب
مابي اقول لاتعودينه
انا اقول لاتعطينه نهاااااااائياا
يدفع اهو والا مولازم
شهالريااييييل ياااربي
الواحد بروحه يالله يالله بالعهم وهم بعد مستغلين
استغلاااال
ههههههههههههههه
حبيبتي لاتضايقين انتي صح ولاتعودينها مره ثانيه ياايشتري
اهووو يااامولاازم
خشي فليساتج لج
والله يهديه لج ياااارب

لا قلنا فلوسك لك وفلوسي لي .. قالو انتي ماديه ..
ولا قلنا اخر الشهر عطني قال ماعندي ..

ولاتحجينا جدام الناس قالو شدعوه عليها فلانه هاذا ريلها وفلسه وفلسها واحد ..

شنسوي يعني ..؟!!

والله انا كنت اراعي ريلي لي ابعد الحدود .. شنو اخذت منه ..؟

طلقني وما ذكر مني خير نهااااىىي ..

ما اشيشج .. بس تعاليله بالحيله سحبي فلوس وعطيهم امج تخشهم لج ..
دشي جمعيات ولاتقولينله ..

او روحي راجعي بعياده وقوليلها تسلفت من امي مبلغ وابي ارده لها ..
وكل شهر شيلي من معاشج مبلغ ..
ترى ما ايون الا جذي ..

وموضروري تطلعين معاه لوووول ..

طلعي مع رفيجاتج وخواتج واهلج الناس اللي يقطون واللي مره يعزمونج ومره تعزمينهم ..

ماعليه ريلج وابو عيالج لازم تتكيفين معاه ..
وقلتلج بالحيله كل شي يصير لاتاخذينه بالاعصاب ولاتنفسين ولا تتنرفزين ..

انا اللي كان عندي لا حيله لا عياره لاجمبزه ماكو شي ينفع معاه لوووووووووووول ..

يالله عسى الله يهدي سركم .. ويصلحه ويهديه ..

ريلج تعود عليج انتي تصرفين عليه ، هذا غلط حبووبه اهوه ريال البيت
قوليله انت اصرف ع البيت مو انا حلووه مشاركه تشاركينه اذا صج ماعنده بس مودايمااا ..
الله يوفقج حبوبه

حبيبتي انتي غلطانه اصلنا من قالج تدفعين اتصال عليج وقال ما عندي قولي له هم انا ما عندي دبرلك مني مناك
وانتي قبضي فلوسج في مخباتج ولا فلس ادام اهو للي عازمج مو انتي للي عازمته

بس الغلط منج مره ثاني لا بقيتي تروحين خليه اهو يدفع وانتي وخري عنه اذا ناداج قالج دفعي قولي شنو ما سمعت شتقول
اذا قالج دفعي قولي ما عندي مفلسه او نسيت بطاقتي خليه يطلع من جيبته غصبن عنه تلقينه اهو للي بيستحي من الاوادم للي جدامه يطلعون فيه بيقولون يا عيبه عيبه يتسلف من مره

اذا طلعتو لا تاخذين بوكج

الله يعينج ختية الا هالصفتين فالريال :

1- البخل

2- الكذب

حبيبتي امي قالتلي نصيحة وحدة ودايم تعيدها الريال اصلا لازم تنتفين ريشه 
شنو يعني؟
يعني لو عنده فلس زايد والله ياحبيبتي بيسوي شي يقهرج يا يسافر يا يتزوج يا يلعب فيهم يعني اصلن مو مايصير تصرفين عليه الا لازم تنتفينه بعد شفيج حبيبتي فكررررري ودايما لاتاخذين بوكج معاج كلللللش قولي اعطي امي كل شهر من الشهر ااياي قولي خواتي واخواني بيعطون امي كل شهر وانا معاهم او قولي سويت شوبنق او قولي اللي هو حبيبتي بس كله ماعندج وصدقيني راح يتعود بس بتتعبين اول شهرين معاه بعدين بيتعود انه ماكو شي منج وترتاحين ان شاء الله.