الصداع النصفي ذبحني

السلام عليكم

انا اكتشفت انه فيني صداع نصفي لانه كنت كلا مستغربه انه كلا ادوخ اذا تحركت وايد و اذا الليتات كانت قويه أو اذا كان وايد ازعاج و بعد اتيلي اللوعه, رحت الطبيب اول شي و سويت تحليل دم كامل قالي مافيج فقر دم و ولاشي شي جان اقوله عيل ليش ادوخ يقول ما ادري!

منو فيكم فيها هالأعراض و وين راحت علشان تعالج؟؟

سالي اذا تفيدج الحجامة
الله يشافيج

ماتشوفين شر
اعتقد فيج جيوب انفيه لان اعرف ناس فيهم نفس الشي

انا نفس حالتج اول مره احس بالصداع وصارله فتره قصيره اشتكي منه بس ما ادري اذا له علاقه بالاسنان لان مبلشه بزراعه اسنان والعصب وحوسه قلت يمكن اهم مسببيلي الصداع؟؟

جيكي على اسنانج وعلى الاذن والانف والحنجره

هلا حبيبتي بسهوله انا اقولج كانت عندي نفس الاعراض لدرجة اطق راسي بالطوفه وترجيع من قوة الصداع وماكو فايده وراجعت افضل الدكاتره وسويت اشعة رنين مغناطيسي وبالاخر ماكو شى ومحد عرف شنو فيني الا دكتور بالحكومه عطاني حبوب اسمها كفرجوت تاخذين منهم حبتين وحبة حساسيه زيرتك وبخاخ للانف فليكسوناز بختين بكل فتحه وراح يروح عنج الصداع بالمره بس في حالة ماخف على طول سوي اشعة رنين علشان تتاكدين وقبل كل شى هالصداع اييج بوقت الدوره او قبل او بعد والا ماله شغل لان اذا كان هالاعراض تييج بالهوقت لاتسوين الاشعه واخذي العلاج وراح تدعيلي

ماتشوفين شر بس حبيت أقولك إذا كنتي تاخذين حبوب موانع الحمل من فتره طويله ممكن يسبب لك صداع لأني أنا كنت جذيه وبعدين تركت المانع والحمد لله خف الصداع