|
|
هاي بنات
بنات انا عندي ولد بجري عمره سنه ونص بس مادري حيل ضعيف مادري ماياكل نفس الاوادم قلت يمكن اعطيه الصبح ممه اول مايقعد ممه بعدين الاكل غدا او على حسب الوقت اختي تقول الممه على الريج تسد النفس بس مادري اعطيه ممه ولا اريقه
احس حرام توه قاعد فجاه اكل معدته تخترب بس مادري انتوا شنو تعطونهم الصبح
عندج بيض وجبن وقيمر ومربي وكورنفلكس
وبقولج طريقه يحبها ولدي تعرفين التوست المريع قطعي اطرافه وخليها مثلثه وغمزيها بلبيض وقليها مع نتفت زيت موتكثرين
وكرسان الككاو وايد يحبونه مع حليب ككاو المراعي
عندج الحمص والفول والزعتر
ولازم تعرفين شنو يحب ياكل
خلي آخر رضعه رضعة الليل عشان قوم يوعان ويتريق عدل
عطيه بيض توست جبن كرواسون وتقدرين تشربينه حليب موز ولا حليب فراوله الصغير مال اليهال على حسب شنو يحب
لا تعودينه عالحليب عشان تقدرين تقطعينه عنه بعدين
الله يخليه لج ان شاء الله 
عودي على شي خفيف اول مايقوم
لما يتعلم يغير اكله
ومو شرط يكون ضعيف ماياكل ممكن بنيه جسمه جذي لاتحاتين
هذي وجهة نظري
والبنات ان شاء الله يفيدونج
بنتي من عمر وليدج ..
اريقها الصبح واغديها و اعشيها وبين الوجبات
يا دانيت بفك وعصير انواع طبعا
حليب ككاو فرواله موز ….
او موزه <<<< بس ما افضلها حق بنتي تسويلها مساك
يعني من هالسوالف
ما اشربها حليب الا بليل و مو قت النوم بعد لا قبل النوم بساعه جذي ..
بس شنو يعني ولدي الغدا بالغصب لما يكون يوعان حده يالله ياكل
وبهالعمر يعني مكتوب بعلبه الحليب من 3 لي 4 رضعات والمشكله اهوه المفروض يشرب 240 بس ليلحينه 120 وساعات 180 يشرب يعني موقاعد ياخذ حقه بالرضعات عدل ولازم يشرب حليب عشان يساعده شوي
انا رايي ابدي معاه اول شي كورن فليكس
وسويله توست وجبن
عطيه بيض ترى البيض وااايد مهم للاطفال