|
|
السلام عليكم ورحمة الله وبركاته ..
خواتي أنا أول 4 ولادات كلهم بالصباح وخوش ولادة وكلهم طبيعي الحمد لله بس الخياط هو اللي ماكان عاجبني وحتى الغرفة أما الولادة الخامسة والأخيرة كانت بمستشفى طيبة كلينك..ولادتهم تهبل ماشاء الله وولدت بخاص لأن أبي غرفة خاصة بدون ازعاج المريضات الثانيين
لكن هم مارتحت بسبب اللي الله يهديهم يزوروني الصبح وأنا كنت قايلة لأمي وخالتي مابي زيارات الصبح قولوا حق الناس مابي زيارات الصبح وماأبي استقبال بالمستشفى بس وأنا نايمة الناس كانوا يدخلون يحبوني على راسي ويوعوني من نومي وأنا كنت هلكانه من الولادة عشان جذيه قلت بولد هالمرة بالصباح عالأقل تتحملين إزعاج المريضات والسسترات بالعمومي ولاهالناس اللي مضطرة ترتزين عشانهم
بس متحسفة أنا على شي واحد ألا وهو الخياطة ..الصراحة خياطة الخاص روعة والمكان ماشاء الله مومبين انه مجروح ولاااااشي فيه يعني مومثل خياطة الصباح…
ودي تقولون لي إذا أقدر أطلب منهم خياطة تجميلية أو ان الخياطة تكون من داخل يعني الخيوط غير واضحة مثل خياطة الخاص ..مادري قولوا لي الله يعافيكم ..
واللي تعرف أحد بالصباح خل تراسلني عالخاص
.gif "Eh S(6)")
واذا على الناس لا تعلمينهم الصبح علميهم الظهر علشان ترتاحين
والله يوفقج
وهالمرة ولادتي برمضان وأتوقع الناس بتشوف الأنسب لها وماراح يعبروني بيطنشون ويشوفون الأنسب لهم وسالفة استقبال بالمستشفى ماأحب نهائيا
والله محتارة حيل حيل ..ودي لو واحدة تشور علي وتعطيني راي زين وأنا واثقة فيكم حيل بعد الله سبحانه (الصباح أو مكستشفى خاص؟؟؟؟؟؟؟)
أنا مابي عملية تضييق المهبل ..أنا بس أبي خياطة زينة ومشدودة
حبيبتي روحي اولدي بالخاص وسوي التجميلي مره وحده مع الولاده بس يزيد 50 دينار ولاتقولون انج ولدتي الا عقب يوم ارتاحي مافيها شي
وبعدين تتعبين من الناس يومين ثلاث احسن من انج تتبهذلين بالخياط وتتوسعين ,,,
نصيحه اولدي بالخاص وايد ابرك
قاعدة أقول شكلي بولد بخاص بس عشان الخياطة ..لأني مجربة 4 ولادات كلهم بالصباح والخياطة أي كلام أصلا أذكر واحد من عيالي تم المكان تحت صوب المهبل من برا فيه مثل الفراغ أحط صبعي فيه يدخل عادي ..يعني التأم الجرح وهو عوي مومرتب شكله يفششششششل ..
وخايفة هالمرة مايصير مضبوط …الخاص أضبط ..
بس يعني هل أعزم على الخاص بس بسبب الخياطة ؟؟
محتااااااااارة
|
المشاركة الأصلية كتبت بواسطة شيهيرو
 هلا حبيبتي دانة …صعبة ماأعلمهم خصوصا حمواتي ومرت حماي ..وهم من أوائل الناس اللي طنشوا كلامي ويوا صحوني ..لأن كان برمضان وهذا أنسب وقت لهم ..
وهالمرة ولادتي برمضان وأتوقع الناس بتشوف الأنسب لها وماراح يعبروني بيطنشون ويشوفون الأنسب لهم وسالفة استقبال بالمستشفى ماأحب نهائيا والله محتارة حيل حيل ..ودي لو واحدة تشور علي وتعطيني راي زين وأنا واثقة فيكم حيل بعد الله سبحانه (الصباح أو مكستشفى خاص؟؟؟؟؟؟؟) |
والله ماادري شنو اقوللج
مشكله الصباح اللي تخيط غير عن اللي تولد ؟؟؟؟؟؟؟؟؟
واللي اعرفه ان الحريم بثالث ولاده تروح الخاص علشان الخياط التجميلي
والله يوفقج
لا تقولين حق ااناس اهم شي راحتج
انتي منو اللي يولدج ويخيطج؟؟ هل اهو الدكتور او السسترات؟؟؟؟
طبعا هالشي يعتمد عليج اذا كنتي تروحين عند اي احد ويولدج وخلاص
حتى السسترات هناك يولدون ويخيطون بعد
انتي هالمره ناويه تولدين عندهم عند منو بالضبط؟؟؟؟ مايصير تروحين تولدين هناك وماتدرين منو اللي يولدج؟؟؟؟
عشان جذي الخياط يكون اي شي
روحي عند دكتور معروف وشاطر ومجرب وعندج وايد دكاتره ممتازين هناك
انا عن نفسي جربت دكتور محمد قنديل بس انا قيصريه وخياطه ماشالله ممتاز ومعروف عنه انه دكتور هاي كلاس على قولتهم وماييوله الا الاكباريه
وعندج توماس هم مدحوه لي بس للامانه ماجربته
اهم شي انج تولدين عند دكتور ومو اي احد ثاني
واذا عالغرفه والازعاج لاتاخذين الغرفه العاديه
انا طلبت الغرفه الماستر اللي يكونون غرفتين مع بعض وكبيره
تصير صاله ومن داخل الغرفه
وايد اريح وماتسمعين الازعاج اللي بره
لو تصير الولالالالاده ب 10 الاف دينار
روحى خااااص
انزين بسالج سؤال خارج الموضوع
ولادتج بطيبه كلينيك عند منو كانت
واذا عن الزوار دزيلهم مسج انج ولدتي بالسلامه و تستقبلين من الساعه الفلانيه الى الساعه الفلانيه مثلا
استقبل من الساعه5 لي 9 واهم راح يفهمون