|
|
السلام عليكم بنات
ودى تشورون على شلون اتصرف مع موظفتين عندنا بالدوام ( سكرتيرات الوكيل ).gif "Eh S(14)")
القصه باختصار ومافيها من الصيف اللى فات كنت داشه وياهم بجمعيه وحبوا يطوفون دورى وبدلى ويا موظف حرام انت مو محتاجه للمبلغ !!! قلت من دوره قالوا دورج قلت خلاص مع العلم ان الترتيب للاستلام لاعبين فيه لعب ومغيرين بدون ما ادرى وارضيت المهم يه دورى يا بنات ولا البنات طاااف من قلب وانا قلت لها قبلها بيومين هالشهر دورى قالت اكيد
اتصدقون بعد نزول الراتب ب 10 ايام وعقب ما زميلتى قالت متى جمعيتكم ؟ والمهم وحده اتهرب منهم وغبوا يوم عقبها وعقب يالله عطونى فلوسى مع انى قلت مابيهم لاعت جبدى بس زميلتى قالت حقج وفلوسج ويت لا ترى عادى ما تاخرنا
المهم تدرون شنو صار
مافى حتى سلام ادخل واسلم جان الطوفه ردت اهم يردون على !!!!!
اتصل بالداخلى ابى شى منهم خو شغل اهم سكرتاريه ابى اشوف الوكيل وصل ابى شى والله التلفون يرنع يشوفون رقمى الداخلى ومايردون !!!!
ادز اوراق للفاكس يردونهم مع الفراش ولا شنو مافى موظف
تخيلوا جدام الموظفين مو عيب؟؟
واخرتها امس دازه كتاب لهم لانى اقسم الشغل اللى الوكيل طالبه رادينه مع الفراش
اا نا وصلت حدى مو سالفه مره ولا اثنين تكرررت اكثر من 6 شهور والله عيب ووسوالف حريم ومستوى ما انزل روحى له
رحت بكلم الوكيل ولا للاسف توه طالع واليوم ماداوم – وكلمت مدير مكتبه الخلاصه قالى طلبى كل شى منى
تخيلوا ابى فاكس اقول له بو فلان لو سمحت كلم او ترجى البنات يشتغلون مو قهر !!! والقهر يقول لى لا تنزلين روحج لمستواهم انتى ارقى وبنت حموله …
واليوم مداومين بال 11 وطالعين بال12 ونص ومحد يتكلم عااااااادى
الحين انا اغلى وابى حقى واحترامى شوروا على بلييييييييييييييييييييز بقرا ردودكم باجر قبل لا اتصرف
وفعلا افكر اروح مكان ثانى بس الوكيل مايرضى ينقلنى .
اشطيحج فيهم ماعرفتيهم قبل ما يسووون فيج على ماقلتى " والله عيب ووسوالف حريم ومستوى ما انزل روحى له ", امبيه هذيل حدهم هيلق بصراحه مومقلدين فيج ولا حاطين الج عتبار والادهى والامر لاذمه ولا ضميير , شوفى عمرى مادرى هل انتى دايما بحاجه لهم اهم مايحتاجونج فى شى عشان شغلهم يخلص1- عطلى اوراقهم " تمطمطى فيهم "
2- عامليهم بالمثل ماسلموا " كيفهم بصراحه 2 عليج صج صج شى يقث " ماتسملين ناظرا سلامهم باللى مايحفظ
3-تلفوناتهم لاتدرين عليها "حقري لين يقول التلفووون اااااااااى "
يعنى ماشاء الله جنج محبوبه من الوكيل او شى جذيه بالتالى انتى اللى موقفج قوى وتقعدين ليش اطلعين عمرى لا توهقين نفسج تروحين مكان الرئيس دمه ثجيل خاصه حق التقارير المدير او المسؤل اهو المهم مو هالثنتين
ادرى والله كلامج وتعبيراتج حسيت فيها من كل قلبى بس تماسكى وقولى هذيل حثاله بردى على نفسج والله جد لا يبن عليج بدام عطوج فلوووووسج ورجعوها … خلاص ولا يصير اى تعامل معاهم واذا صار رسمى والنفس واصله ليه السما
الله وياج عمرى وماعليج الا العافيه
انا بوضح شغله اهم سكرتيرات احتاج لهم وما عندى جهاز فاكس لازم عن طريقهم وبدالتنا تعبانه لازم لو اطلب اتصل عن طريقهم اسهل لكن اهم مايردون على اتصالاتى ولو دخلت وبالغرفه كلها مراجعين يفترض اسلم مو صح هذى الاصول ماينرد السلام ولو قلفت لها من فضلك ابى جذى جنى اكلم الطوفه فاهمين ياا بنات !!!! جذى وصلنا وعلى شنو صج عيييب والله
مره اقول لها الله يهادكم ذبحتونا متنا من البرد وطوا التكييف لان من جراده حظى تكييفى مربوط بتكييفهم والله انها تاكل ككاو وتطالعنى بنظره ولو الطوفه ردت اهى ردت مو عيب
بديت ما احاجيهم بس اسلم لان السلام ابى الاجر من الله وبس
بس يقهرنى التصرفات وشغلى ما يسوونه وقدام الفراش
والى يضحك وشر البليه ما يضحك انه لو نقصهم شى يا ماى يا فحم يا بخور ولاشى طرشوا الفراش ياخذ منى !!!!
لو انتى بموقفى شتسويين ؟
وبعد اتصدقون الوكيل اليوم عنده اجتماع بره الصبح وماداوم ولى الحين ماشرفوا هههههه والساعه الحين 12 الا ربع والدوام لنا وبس
و نصيحه لا تدشين جمعيات الدوام و لا تختلطين بربع الدوام وايد .. لان الاغلبيه للاسف ما تقدر و يبون مصلحتهم و بس .
وانا من طبعى ما اختلط وايد وياهم
زينه على اذنى ادخل مع ناس ما اضمنهم بعد
ومسئولهم شكيت له قال لى ماحب سوالف الحريم .. قلت له ولا انا وقال لى حقريهم الحقران يقطع المصران واى شغله انا اسويها طلبى منى وانا اقول لهم ؟؟؟
الحين انا اخر شى قاعده افكر فيه اكلم الوكيل واقول له البنات رافضين يتعاونون وياى وادز لهم اى شى يردونه من الشغل وما يردون على الاتصال ولا يدزون لى فاكس ….. واقول له لما اتكلفنى بشى اتمنى الاقى التعاون من الكل ولا هالشى يتعبنى وبيئه العمل غير مريحه
شرايكم ؟ ناطرته صار لى يومين شكايه هذا اللى افكر فيه ويومين ما داوم لازم اخصم عليه