الشعور بالنقص عند الريال!

شلونكم حبيباتي؟

بالنسبة للريال إذا حس إن المرا أعلى منه أجتماعيا و لا علميا ولا بأي شي ثاني مثل الشكل ولا حتى المنصب بالشغل؟ طبعا قبل الزواج وهو مفكر يتزوج

هالشغلة بالنسبة له حساسة ولا عادي؟ ولا على حسب شخصيته؟

يعني وحده أعرفها تزوجت واحد فترة بسيطة وتطلقت وهي شهادتها وايد عاليه ماشاالله

عقب الطلاق خطبها واحد يصير لها وقالها كنت أبيج قبل لا تتزوجين بس خفت أنرفض لأن في فرق بالشهادة

يعني الريال متحسس من هالنقطة مع إن ميت عليها ماشاالله وهو من نفس عايلتها

رفع

امممممم احسها عاديه ع حسب المرا هي الي تحسسه بالنقص اذا شافت نفسها عليه او انغرت بحالها..

في ناس يتحسسون اذا شاف المره مبين عليها هالشي … يعني اجتماعات وتيييب شغلها للبيت ممكن يتضايق ويقارن

موضع جا بوقته
في رياييل فيهم نقص ويبان من حركاته
يهز ريوله
ياكل اضافره
حركات وايد
رغم كل هذا
شايف روحه بعد

في ناس معقدين

في ناس متخلفين

على حسب شخصيتهم اهم الاثنين

صح انا مع هالنقطه كل الرجال وانا اعم اذا زوجته اعلى منه يحتس من هالموضوع ويغار ويقارن واحتمال تطق چبده خصوصاً اذا كانت منصب عاد شيفكها من المشاكل انا بنظري ان ماتصير لازم في تكافؤ بين الزوجين
اما اذا العكس عادي لو زوجته ماعندها حتى متوسطه واهو دكتور بالعكس يستانس ولاحتى يتضايق من هالسالفه !!

هذا الواقع وقاعده على الكل كله ..

الشي هذا المفروض يتقبلونه و راضين فيه الطرفين مو بس الزوج
اذا الزوجة راضية ان يكون زوجها اقل منها شهادة او شكل او ماديا اوكي و لازم تتكيف مع هالوضع

–

في رياجيل ما يتقبلون ..
و في رياجيل عاادي عندهم ..
و في اللي خذا وحده اعلى منه شهاده
راح كمل و اخذ منصبب ..

مادري احس عادي وعلى حسب البنت

في بنات مايبون ريال اقل منهم بالشهاده !! مادري شالحكمه يعني !!

انا ريلي شهادته دبلوم وانا بكالريوس

وعادي لما خطبوني مادققت بهالشي يعني ماتفرق بالنسبه لي ولا حتى اهوا قال شي بهالموضوع …

لا غلطانه حبيبتي

انا ريلي ما يهمه هالموضوع وبالعكس قاعد يشجعني اكمل ماستر ..وانا اشجعه يكمل بكالريوس

العقليات تختلف بس ..لا تعممين

علي حسب عقليتهم.

في رياييل عادي عنده اذا زوجته اعلي منه

انا اعرف وحده زوجها عنده بكالوريوس واهي ماجستير و تكمل دكتوراه وريلها يفتخر فيها جدام أهله

يعني يعتمد علي الريال و عقليته

واهم شي المره ما تتكبر عليه و تحسسه بالنقص