الشررررررهه على زوجها ما سنعها اللوم على منو عليها ولا عليه .

مرحباااااااااااااا

بنااااااااااات اليوم عندي لكم موضوع ما ادري ما احس احد تكلم فيه ألا وهو

الزوجه وافعالها وطبعها ودبرتها هل يلام به الزوج او انه يكون اللوم على الزوجه فقط

اللحين بقولكم بالتفصيل شلون

اللحين لمى نشوف مثلا وحده والله مو مهتمه ببيتها بشقتها بترتيبها تدشين عليها تلقين الشقه فوق تحت معفوسه

والحمام تكرمون مبين مو مغسول وال وال عدي وخربطي

او مثلا تلقينها والله عيالها ما تدري عن هوى دارهم وصخين مو مرتبين محد داري عنهم يتكافخون يتذابحون

اللحين نشوف واااجد من هالنومونه صح

لمى تشوفينها تقول والله اهي اسااسا مو سنعه او تقولين والله الشررررررررررررررررهه على زوجها وينه عنها ما يكلمها

مو ساكنين بشقه وحده ليش ما يقول يامرا نظفي يا مرا غسلي اهتمي بعيالج

بنااااااات ملاحظه انا ما اتكلم عن الاخلاق لا اتكلم عن النظافه والاهتمام سواء بالبيت بالعيال بنفسها يعني تدبير المنزل

يعني لو تشوفين مثلا ولدج شقته جذي وتلقين مرته طيبه وحبيبه بس مشكلتها ما تهتم بالترتيب وولدج حضررررته ساكت

تحطين اللوم على ولدج وتقولين له والله المفروض انت تنصحها يمكن هي شي جديد عليها عودها

او تقولين والله هي اساسا جذي بوطبيع ما يجوز عن طبعه

تجارب حياتيه :
في بنات اول ما تدش الحياه الزوجيه ما تعرف ومع الايام تتعلم شلون تهتم ببييتها طبعا بأرشاد الزوج لها يمكن يقولها ليش ماترتبين الكبت وتغسلين الحمام فهني تحس بالتقصير وتبداوالله تلتفت حق هالاشياء والفضل للزوووج

في والله بنات زوجها ما نصحها بس حاطها بقلبه وسااااكت تلقينها ما تغير طبعها او تكون غافله عن هالشي

في بنات لا والله من تدش على الزوج اهي اساسا مرتبه ومنظمه وما يهمها زوجها اذا يحب النظافه والترتيب اهم شي اهي مقتنعه باللي تسويه

اللحين نجي لصلب الموضوع منو تحطين اللوم عليه على الزوج اللي ما يدري عن بيته وزوجته ولاينصحها

او على الزوجه اللي اهي اسااسا ما يهمها هالشي او انها تكون غااافله عن هالشي

بالنسبه لرايي راح اكتبه بعد ما اسمع ارائكم وارجو التصويت للراي

ان اشوف على حسب
يعني مثلا اذا زوجها جم مرة يكلمها بس اهي لا حياة لمن تنادي شلون شنو الحل
في ناس عادي عندهم متعودين على هالشي

اكيد اللوم على الأثنين

يعني ممكن الزوجه تكون في بيت اهها متعوده انها ما تغسل حمامات وما تنظف ومتكله على الخدامه
وهذا حال اغلب البنات اللي مو متزوجين

المفروض الزوج ينبهها ويقولها تنظف يمكن اهيا مالها خلق وتدري ان البيت وصخ بس تشوف الريال ساكت وتقول عادي اهوا مو ملاحظ

وممكن ازوج اهوا عادي عنده

فاغلط عليهم اثنينهم اهيا لازم تتعم اول ما تتزوج على التنظيف والسنع وعدم الإهمال
وبنفس الوقت الزوج المفروض ينبه زوجته

بنات انا برايي اللوم على الزووووووووووووجه لان هاذا بيتها ومملكتها

وماكو وحده اللحين ما تعرف السنع ماشا الله افكار تارسه هالمنتديات وتارسه هالمجلات
كيف تعطيرين منزلك وكيف وكيف واللحين كل شي سهل ومتوفر ما اعتقد هالشي بيتعبها

بعدين اذا مو متعوده في بيت اهلها لان اساسا دايم تلقى كل شي مرتب ونظيف وعينها مرتاحه ان غرفتها والله نظيفه ومغسول ومرتبه

بس لمى تجي للحياه الزوجيه محد غيرج بيغير جامج متعوده عالنظافه لازم عينج تكون متعوده على هالشي ماكو احد يساعدج انتي المفروض تسوينه

شلون تقولين والله مو متعوده وكل شي ببيت اهلي مرتب ونظيف معناته انتي تحبين الترتيب رتبي تعلمي الترتيب

او مثلا زوجها والله ساكت عنها انزين ما تدشين بيوت مرتبه نظيفه ما تقولين والله انا شناقصني

البيت مملكتج الخاااااااااااااصه وانتي اهم شي فيه ولا ليش سمووج مدبره المنزل

هذا رايي شرايكم انتوا ؟؟

اللوم على الطرفين

بس الاكثر على الزوجه

لانها هي المسؤوله عن البيت

اذا ماتبي تنظف فا ماعتقد

بيضرها لو استعانت بخدامه

خالتها او والدتها ..

الف شكرعالردود
والاراء تختلف للحين

وانا اتفق مع للدلع هيبه ولا باذني ماي

شيخه الحلى راايج حلو بس انا للحين مصره ان الزوج ماله دخل فالتنظيف والترتيب شغلته التربيه صح وجمع القوت ومصروف المنزل ماكل مشرب اما غيررررررره لا لا

روح امها من ردج استنتجت انج تحطين اللوم على المرا يعني الزوج قال ما قال المرااا اهي الملامه السنعه سنعه والرفله رفله

واشكركم عالمرور والتصويت

طبعا اللوم الاكثر على المرا
لان هذا بيتها اهي اللي اداريه مو الريال
بس اقولج في ناس عادي عندهم سواء الريال ولا المرا

روح امها صح صاااجه ياكثر اللي بليدين وما يدرون وين الله قاطهم واشكرج مره ثانيه

انا برايي مهما كانت الزوجه مهمله لبيتها ولعيالها ولزوجها ولنظافتهم واحتياجاتهم … الوحيد اللي عليه اللوم اهو الزوج .. لانه راضي وساكت على هالوضع ما مسكها وكلمها وقالها يافلانه انا ملاحظ عليج مهمله لي ولعيالج ولبيتج !! لا بالعكس عاجبه الووضع .. فبنظري يتحمل كل المسؤوليه .. وعساه من هالحال واردى

وللاسف طقة هالحريم اللي ماتدري عن بيتها ومعتمده اعتماد كلللي على الخدم اهي اللي تاخذ احسن زوج وتحصل احسن بيت وفرصها اكبر من السنعه اللي طلعت من بيتها تعرف السنع

مكشوره حبيبتي على الموضوع

وتم التصويت

اي صاجة انا شايفة واحد حريم الحمدالله والشكر ما ادري شلون زوجها متحملها
وعندها حظ كبير بعد ماشاءالله
الله يرزقنا

على الزوجه لان اهي اساس البيت والبيت بوجها وال الزوج لو يقعد بروحه بدون مره بيكون كل شي معفس لان الزوجه اهي المكلفه بالمهمه حتى لو مايقوله الزوج اهي المكلفه بروحها واول كلمه بتنقال وسخه امها ما ربتها على السنع شكل امها مثلها يعني البنت اهي واجهة بيت امها من ناحيه التربيه والسنع وهم واجهة بيتها والخمال اول وتالي من التربيه يعني على الزوجه فقط والزوج ماله شغل بهالمهمه

الوم على المره هي وش خانتها بالحياه
سوق وحفلات وزيارات وخرابيط
بس يوم تكرف البيت ويصيرمرتب وحلو هي ترتاح نفسين
وبعدين ماتخلي شي يطيح اول باول تنظف ماراح ينقص من عمرها شي
واذا نظفت بترتاح من الرياضه والرجيمات الي متعبه نفسها فيه
لان الشغل ييحرق الدهون مثلاالغسيل الكوي البيت بشكل عام
وصدقوني الي تلاقين بيتهانظيف ومبخرومعطر وطبعهازين تلاقينهم ماعندهم مشاكل
لان نفسيتها ترتاح بس اذاكان معفوس وحالته اشبه ماتكون عزكم الله زباله
تعالي شوفي المشاااااااااااااكل عندهم واهم شي كيف ترضى ان زوجها يشوف البيت معفوس حتى لو حبها
راح يدورغيرها يرتاح لمن يدخل البيت وال شي يستقبله البخوروالعطوروالبيت مرتب حتى لوكان صغيرمع الترتيب والنظافه يصيروسيع
اسفه اطلت عليكم بس صدق الموضوع لامس شي كبير من الواقع وشي شفته من حريم كثير ولايمكن ارضى اشوف بيت ولدي ان يكون مومرتب
واول حاجه اشرطه على زوجةولدي ان تكون نظيفه لان انا تعبت على ولدي لين كبرته اخرشي اخليه يعيش مزبله عزكم الله لا ثم لا
صحيح ماعندي ولدبس انشالله ربي يرزقني واربيه وزوجه وحده موسوسةبالنظافه
اسفه على الاطاله وسامحوني انفتحت قريحتي للكتابه ومشكوره اختي غيمه ظميانه لامستي شي من الواقع

اسفه من الحماس نسيت اصوت
انــــــــــــــــــــــــــــــااصوت وصوت بقوه
وهذا 100صوت من عندي

موووجه احزااان احييج على روحج الحلوه وحماااسج الحلو وراييج يعجبني حيل وعسى الله يرزقج بالولد الصالح وزوجته صالحه ونظيفه امين

والله لا يهنيج وجزاج الله خير عالتصويت والمرور والراي الحلو