السونار موزين ؟؟

بنااااااااااات سؤاااااااال وحدي محتاره

صج السونار العادي كثرته مو زينه حق البيبي ؟

يعني امي اتقولي لاتسوين كل شهر مووزين ؟؟

انا بجر مااعرف شي كلش ياريت اتفيدوني

لا عادى انا دايما اسوى بعيالى كلهم والحمد لله .

مااعتقد حبيبتي موزين ، لان لو موزين جان الناس مااتسويه كل شهر

انا هذا اول حمال حقي وقالولي خواتي موزين بس ما ادري صج ولا لا يليت اذا في خطر على الجنين احد يوضح

لا مافي إلا العافية ان شاء الله

والله وانا بعد بسال نفس الشي يا ريت احد عنده خبره يجاوب على السؤال لان انا هذا الحمل الاول وخوافه وااااايد كل ما احس بحركة مو طبيعية اروح اسوي سونار مع انه امي تهاوشني تقول ما يصير اقولها لوما يصير ما كان حطوه بالمستشفيات ههههه

لا عادي لان الدكتوره كل شهر اتشوف قياسات او حجم البيبي او تسمع دقلت قلبه يعني لو في مشكله جان ما اتسويه اصلا للحامل
بس رباعي الابعاد اي كثرته مو زينه تقدرين اسوينه بالثامن عشان اذا بخاطرج اتشوفين البيبي ماكو ألا العافيه انشالله

عااااااااادي بالعكس لازم اتسوين كل شهر علشان تشوفين حالت البيبي مثل النبض وغيره اعرف وحده ماسوت سونار شهر ونص ويوم راحت اتسوي بعدالشهر ونص قالتلها الدكتوره البيبي مافي نبض له 3اسابيع والمسكينه دخلوها عالطول العمليات عالشان يسون تنظيفات لها والحرص واااجب والله يتمم عليج ويرزقج بذريه الصالحه

انا كل مراجعة اسوي مره

ما اعتقد في ضررر

بس انتي ليش تسوين سونارات وايد؟؟

انا بس اسوي عشان اعرف شنو فيني وما اسوي سونار الا اذا حسيت بألم او ماتحرك البيبي عرفتي شلون

وفي سونارات الدكتور يطلبه عشان يعرف بالضبط موعد الولاده وعمر البيبي

ماكو ضرر لو فيه ضرر جان ما حطوا السونننار

انا كل شهر اسوي مره وفي حمالي الاول كنت خايفه نفس الشي لأنج ماتعرفين شي وكانوا يقولولي نفسج بس حمدالله ولدت وماكو الا العافيه

في بداية حملي الدكتورة تعطيني موعد كل اسبوعين وكل اسبوعين تسويلي سونار ومن دشيت الرابع قامت تعطيني كل شهر مره وتسويلي بكل مره سونار

لا حبيبتي السونا مافي اي ضرر او اضرار لان السونار مايعتبر اشعه اهوا موجات فوق صوتيه توكلي على الله وماكو الا العافيه
والله يهون عليج انشاالله

السونار بشكل متكرر يضر البيبي اذا تبين تطمئني على نبض و دقات قلب البيبي في جهاز خاص يسمعك دقات قلب البيبي و من صوت الدقه القلب تقدر الدكتوره تقرر اذا البيبي في مشاكل ولا لاء و السونار المفروض ينعمل بس مرتين خلال فتره الحمل كامله لانو الاشعه تضر البيبي و تأذيه بس حنا نعمله كل شهر هههههههه