|
|
السلام عليكم و رحمة الله و بركاته
ابي تجارب الحريم اللي تنفسوا بالبيت
اشلون قدرتي تنفسين نفسج عدل
شنو تجهيزاتج
اشلون على عيالج و المولود الجديد
اختي عندها 4 بنتين وولدين من اولى ابتدائي لي ثانيه متوسط
و الحين على وشك ولاده
و تبي تتنفس بالبيت
في بيتها و عند زوجها
اقولها تعالي بيت ابوي انفسج تقول ما ارتاح الا في بيتي
شنو تنصحونها فيه
شلون ترتيب اغراضها
اشلون على مساهر البيبي
بنات تجاربكم تفيدني في مثل هالحاله مع العلم انها راح تولد قيصريه
بانتظاركم
ماجربت صراحه انا عايشه عند أهلي وأمي ما تقصر ان شاء الله البنات يفيدونج
شسوي فيها تقول ما اقدر على مجابل العيال في بيت ابوي !
تعبتني و الله بس لازم تنظم نفسها عاد قلت اسال البنات بالمنتدى و بالذات اللي عندها خبره
بيتها احسن لها لانه اغراض عيالها فيه ومدارسهم قريبه من البيت ، ماالومها صراحه لانها تعودت على مكانها.
احنا بنات عيلتنا بس البجر يتنفسون عند اهلهم وباقي الولادات كل وحده ببيتها وامها تمرها او تنام عندها.
اذا عندها خدامة لشغل البيت مابتتعب وخل احد من اهلكم يروح يقعد معاها اول الايام
ثانيا تتعاقد مع سستر تساعدها ع البيبي
الاكل طرشولها شي
خاصة تمل من اكل بيتها
واذا امج تقدر تمرها حتى لو ماتنام عندها بس تونسها
خصة انها قيصرية الحركة صعبة عليها اول فترة
|
المشاركة الأصلية كتبت بواسطة نور دنياه
 ليش مو احد من اهلج ينام عندها بيكون اخف من مااختج تجيكم هي وعيالها !!
بيتها احسن لها لانه اغراض عيالها فيه ومدارسهم قريبه من البيت ، ماالومها صراحه لانها تعودت على مكانها. |
زوجها عندها
وين انام عندها
انا قلت اخذ البيبي و اخليها تهتم بنفسها و بجرحها
و اودي لها كل يوم ريوقها و غداها و عشاها
لي عشرين يوم تكون ارتفعت
بس مو راضيه تعطيني البيبي تقول مستحيل ابي ارضعه
شنو الحل ما ادري
و ما ادري شلون
شنو اقولها تسوي كل يوم تصدقون قفل مخي .gif "Eh S(10)")
|
المشاركة الأصلية كتبت بواسطة ناتشوو
انا اقول اهم شي خدامة البيت تكون زينة معاها
ثانيا تتعاقد مع سستر تساعدها ع البيبي الاكل طرشولها شي خاصة تمل من اكل بيتها واذا امج تقدر تمرها حتى لو ماتنام عندها بس تونسها خصة انها قيصرية الحركة صعبة عليها اول فترة |
خدامتها زينه
و احنا نستحي من زوجها
و بصراحه ما تبي سستر تقول مصاريف عالفاضي و اخلي مره غريبه تدخل وتطلع مو متقبله الفكره
الاكل ان شاء الله كل ه بسويه بنفسي
بحط العصيده بسويها بحافظه السايق يقط عيالي و بناتي و يقطه عليها
و بخليها كميه تكفيها 3 ايام تشيلها من الحافظه و تحطها بالثلاجه
و الغدا و العشا كل يوم بدزه لها فرش
و قاعده اخذ افكار من المنتدى للاكلات و جذي
و لانها قيصريه اول الايام بيكون اكلها عادي بدون دويات لي عشرين يوم على اعشاب الغوري و الشغلات الخفيفه مثل العصيده و الشوربه
|
المشاركة الأصلية كتبت بواسطة ام دندوونه
ان شاء الله تساهيل انا عادي نفست في بيتي عشان عيالي ومدارسهم وبصراحه الوحدة اذا عيالها كبار اريح لها بيتها.. الحمد الله انا كنت مضبطه شغلي وادويه نفاسي ولما ولدت اول الايام اهلي يدزون لي الفطور والغداء والعشاء وزوجي الحمد الله كان مراعي ضروفي وكان يجيب الغداء والعشاء من برا له هو والعيال ليما كملت 10 ايام والحمد الله شديت حيلي وقمت وكنت افطر الصبح لما افطر عيالي للمدارس وبعدين ارجع ارتاح للضحي وتكون امي الله يخليها لي دازه لي عصيدة وشاي اعشاب وغداء لي فيه ادويه والعشا نفس الطريقه وبصراحه ارتحت اللي بيزورني يعطيني خبر واكون مزهبه اموري والحمد الله كلها ايام وعدت
|
اختي عيالها صغار
و في بيت اهلي نقدر نمرها على راحتنا ندرس عيالها و نريحها و اي وحده تدخل و تطلع باي وقت
غير لمن تكون في بيت زوجها
نلتزم بدخلته و طلعته و ما نقدر نفرض عليه يطلع من بيته
انا اشوف يوم ريلها يكون برى البيت تكونون عندها او تاخذون العيال الثانين ادرسونهم وتعشونهم ويردون بيتهم المسى اريح الها ماتشل هم التدريس والمتابعه
والله لايحرمكم من بعض ونعم الاخت
امي نامت عندي10 ايام
وخواتي كانوا يمرون عندي ومرات ينامون
وهالمرة امي ماراح تقدر تقعد عندي وايد
بعلم خدامتي شنو تطبخ لي