السلام والا المواساة او الراشد

السلام عليكم

حبيباتي انا هذي ثالث ولاده لي والحمد لله كلهم طبيعي الاثنين اللي قبل وان شاء الله هذا بعد
المهم انا كنت ناويه اولد بالسلام من مدح صديقتي عنه وهي ولدتها دكتورة نجمه بس تقول عندهم ازمة غرف
وانا بصراحه ميزانيتي حاطتها حق الغرفه العاديه مابي الكشخه وايد

بس يتني صديقتي الثانيه وامدحتلي مستشفى الراشد وان كمامهم احلا والخدمه تهبل فاحترت بصراحه ولما ييت اسئلكم لقيت موضوع بالقسم اهني هم يمدحون المواساة بصراحه تهت

ودي تعلموني انتوا وين ولكم خوش دعوهلاني باخر شهر ادري بتقولون ليش مو قبل اقولكم مراجعاتي كلها بالهادي بس مابي اولد عندهم

والله ما عندي خبر لاني بجر إنشالله البنات ما يقصرون وياج،،،، وإنشالله تقومين بالسلامه إنتي والبيبي وتقوليلنا قصتج ونستفيد منها

مرحبا
انا والده بالمواساه 3 مرات وانشالله هالمره بعد
مع ان مراجعاتي بالهادي
والمواساه بدون تردد ابره ظهر وغرفه عاديه وادويه بعد الولاده بــ600 (كيسين حديد كان فيني نقص ) والسسترات رووووعه
دكتورتي لينا
وبعد اسبوع ممرضتين يجون عندج البيت وحده تشوف الخياط والثانيه تشوف البيبي

استبعدي الراشد ييب الأكتئاب المواساة والسلام وايد زينين

المواساة ……………و بس

اذا محد يجيج بالمستشفى غير اهل زوجج واهلج فنصيحتي لج الراشد انا اخر ولاده لي كانت بالراشد والله روعه ولادتهم وكمامهم وغرفتهم عاديه مع حمام وماتحسين بالم وتعب نهائي

تفتحــين عينج ولا انتي خالصه ولاده وخياط

ومع الادويه يطلع حسابج 420 بالضبط

هاذي ولادتي كانت بشهر 10 2024

أكيد استبعدي الراشد
صراحة المواساة أو السلام ما يتقارن بالراشد
الراشد درجة عاشرة

انا مع الي قالو استبعاد الراشد

الراشد قمه الكآبه ودكاترتهم مو مثل قبل

المواساة والسلام واايد زينين

اغلب الي ولدوا بسلام اخر شي صار قيصريه
اعتقد المواساة احسن
والله يقومج بسلامه ويرزقنا

المواساة والسلام احسن من الراشد حييييييييل ورفيقاتي يمدحون نجمه

الصراحه المواساة بدون تردد عنايه واهتمام ويولج البيت كذا مره

والله انا ارشح السلام وحاليا اراجع عندهم وانشالله ولادتي عند نجمه

بس شلون ازمة غرف مافهمت شغلتيني؟؟؟؟

المواساااة طبعااا

المواساة او السلام
دكاترة الراشد ما يعجبوني