السلام عليكم

بنات صج الوحده بالسابع او الثامن تتنفخ وايد ولا عادي مو شرط انا سمعت وحده بالسابع ابسرعه تنتفخ ويزيد الوزن اكثر انا خايفه من هالشي مابقى شي انشالله وادش السابع وزني زايد 9 كيلو خايفه ابسرعه ازيد بالسابع وامتن اكثر

اي عادي ياقلبي المتن بالحمل شي طبيعي

لا حبيبتي مو شرط انا في بجري ما متنت كلش وكنت ضعيفه على حسب وحده عن وحده تفرق لان خواتي يمتنون

هلا حبيبتى الله يقومج بالسلامه ويسهل علينا انشالله شوفى عن سالفه المتن اهى على حسب جسم كل واحده يعنى بيختلف من واحده الى واحده انا الشهر اللى طاف كان وزنى 100 والحين صرت 88 فجاه مادرى ليش والحين طاف موعد ولادتى اسبوعين وقاعده احاتى بس انشالله خير انشالله تقومين بالسلامه وبعد الولاده حاولى تخفي من وزنج

مو شرط على حسب في ناس يزيدون وفي لا مثل ما اهي انا اختي مع الحمال تنقص 12 كيلو والله يسهل عليج ان شاء الله

صح اختي على حسب كل وحده دكتورتي قالتلي الزياده الطبيعيه حق الحامل لين 13 كيلو وانا زت 12 كيلو وكل هذا بيروح بعد الولاده بس اهم شي التغذيه الزينه حقك والفيتامينات عشان تعوضين الي ياخذه البيبي من جسمج خلي فيج صحه عشان بالولاده تساعدين نفسج تكون فيج طاقه ولاحقه بعدين رجيم وتخفيف وكل الي نزيده بالحمل انشالله يروح بعدين
الله يسهل على كل حامل ويقومها باسلامه يارب

واااااي نفس حالتي قاعده احاتي والله …

بس ميخالف ضريبة الأمومه … بعد الولادة بإذن الله بالرياضه والاكل الصحي يروح كل الوزن الزايد … وان كان ماي بعد اسهل

الله يسهل علينا يارب

بس حطي بالج من الكاكاو والحلويات … حاولي ما تاكلينهم .. يعني حولي على الفاكهه والعصاير احسن

لأن الوزن اللي يزيد من الحلويات مايروح بسرعه

كل وحده على حسب طبيعة جسمها

ولي بتخربط بالاكل شي طبيعي راح تمتن

انتي اكلي اكل صحي

حبوبة مو شرط أنا الحين بأول الثامن ووزني ما زاد إلا 9 كيلو بس
أهم شي تهتمين بنوعية الأكل يعني مو ضروري عيوش وخبز ومعجنات ركزي على الفواكه ترى والله أفيد للأم والجنين وكثري من العصاير الطبيعية والخضروات وركزي على البروتين أيضا أما المعكرونة والبيتزا وهالسوالف إهي اللي تخليج تنتفخين ووزنج يزيد على غير معني وترى زيادة الوزن تزيد من تورم وانتفاخ الساقين وتخليج تحسين بالثقل وصعوبة الحركة وتضايقج وقت النوم وتسبب صعوبة التنفس
الله يقومج بالسلامة يا عمري