|
|
السلام عليكم حبوبات
أخباركم مع رمضان والأجواء الحلوة!!! اليمعة والأكل خخخخ أتغشمر معاكم
المهم بنوتات وحريم …..
آنا توني متخرجة وكنت محتارة بين إني أتوظف بالعدل أو محققة بالمنطقة التعليمية أو أكون مدرسة
وعقب هالحيرة والاستخارة قررت أدرس بس ويييييين!!!
هني الحجي…..
آنا ألحين محتارة أتوظف بدار القرآن ولا بالتربية؟؟؟؟؟؟؟
وبسأل بالنسبة للموظفات في مدرسة بركة بنت النعمان المتوسطة أ, اللي اسمعت عنها؟؟؟؟؟
أبي أعرف تعامل الإدارة شلون والناظرة والأجواء هناك؟؟؟؟؟؟؟
خخخخ طولت عليكم …. خو حنا نحب السوالف 
بس حبيت اباركلج التخرج واقول مووووووووفقه يارب
الله يبارك فيج
والله ماعندي فكـــره وانشالله البنات يفيدونج
بالنسبة لمدرسة بركة بنت النعمان اللي بالفحيحيل … انا رحت لها مره كان درس ريادي .. المدرسة شكلها زينه يعني مهتمين فيها ادارتها وأبلاتها حبوبات .. الله يوفقج استخيري و توكلي على الله …
بالنسبة للمدرسة اللي ذكرتي ماعرفها
موفقة ياقلبي
لكن دار القرآن مريح من كل النواحي الا ان كنتي طمووووحة فالطموح بدار القرآن قاااااتل واقولها لج عن تجربة لا من ناحية ترقيات ولا من ناحية التدريس صحيح ممكن تبدعين بالوسائل لكن مو كل طالباتك على عمر واحد وممكن يتقبلونها باختصار ممكن تلقين كبار بالسن !!!
وايضا من ناحية الحصص نفسها ممكن فجأة يتسكر صف لان ما اكتمل النصاب وممكن فجآة يفتح صف جديد وهكذا
لكن مناحية التحضير اخف بواجد والموجهه ما تحضر الا مرة او مرتين بالشهر واهم شي عندها شرح المعلمة وفهم المتعلمات وبس!!
الناظرة تبي انشطة دعوية وبروشات والخ
اما التربية فهي كرااااااااف من الى والموجههات ورئيسات اقسام ووكيلات وناظرات الخ كلهم فوق راسج لكن في مجال للابداع من النواحي الفئة العمرية ممكن انت بطريقتج تخلينهم مبدعين الوسائل متاااااحة لابعد حد ممكن تستخدمين اشياء ما تخيلين في يوم انها وسيلة تعليمية
دروس ريادية ودورات ممكن تستفيدين منها مستقبلا وان كنت مبدعة وعرفوج التوجيه راح يكون لج مستقبل حلو خصوصا ان رئاسة القسم تفتح لج ابواب من الابداع طبعا هذي مو اي رئيسة قسم تحس فيها !!! وفي بدلات وكوادر وان كانت قليلة لكنها تفيد وبرضو تساعد وتحمس وتشجع على العطاء
لكن في المقابل كراااااااااااااااااااااااااااااااااااااااااااااااا ااف اداري شرح تحضير ورش عمل دروس ريادية اشراف مربية فصل مهام رئيسة القسم طلبات الناظرة الخ الخ الخ الخ الخ الخ
هالشي شخصيتج تحدده انت من اي نوع ممكن تدخلين مجال الكرف والتعب في سبيل هدف تبينه مهما كان الجو محبط او اللي حولك محبطين!!!
او انج تبين الراحة والاستقرار واداء المهمة بكل اريحية من غير تكاليف ولا مصاريف في المقابل تظلين معلمة مكانك سر الى ان يشاء الله وتصيرين ناظرة بالوكالة لكن انتبهي من دار قران من نظام احزاب وجماعات متشددة كلن لجماعته !!
هذا راي الشخصي بناء على تجربة سابقة ( عضوة ) وبناء على تجارب مدرسات في الاوقاف وتجربة مدرسات في التربية
والله يوفقج يالغلاااا
وااااااااااااااايد محتارة الله ييسر
الله يبارك فيج ويخليلج بنوناتج
نصيحه من اخت
وترا طالبات الفحيحيل شطورات هذا اللي سمعته
وبس
والله يوفقج
ترا التدريس حلو للي يحبه لكن اذا بتدشين على سبيل التجربه ما انصحج يمكن ما يعجبج الوضع وترتبطين بهالمهنه كل هالسنين
ما شاء الله ردودكم حلوة ….
ربي يوفقنا ويوفقكم