|
|
السلام عليكم ورحمة الله وبركاته =)
شخبــاركم بنات ؟ معاكم العضوة اليديدة بنت uae..!
أتمنى أكون ضيفه خفيفه علييييييييييييييكم =]!
أختكم نفسيتها تعبـــــــــــــــــــــــــــــــــــــــــــــان ه من احملت واللوعه والدوخه والترجيع كرمكم الله مافجوها 
والصراحه ليلحين ماراجعت بس تقريباً راح أكمل اسبوعين من حللت بالبيت..وإن شاءالله هالاسبوع راح اروح اراجع ..!
أدري إن هالشي طبيعي..بس المشكله الي مضيقه خلقي ومتعبتني وايد..إن ريلي رايح دورة عسكرية 45 يوم..ودي استقبله لمن يرد بااحسن حال وبقى اسبوعين على ردته..ادري مستحيل تروح الللوعه بس ودي اتقوى شوي : ( !
ألي عندها خبره بهالسوالف لا تبخل علي ..يزاكم الله خير
أختكم..بنت uae !
اصلا هذا شي طبيعي واكيد بكون صعب بما انه على ما اعتقد اول حماله
بس قللي من شرب الماي انا حيل يتعبني ومع الوقت راح يخف ان شاء الله
ابتعدي عن الريحة الي تلوع جبدج ولا تستخدمينها واجد
رتبي عرفتج ونظفيها بادوات التعقيم بس لاتحطين بخور وعطور واجد
في حملتي الاولى كنت ابخر وعطر يعني جيدة بس كان كلا ضدي
كرهت اغلب عطوري الى درجة اني رميتهم كلهم في الزبالة و انتي بكرامة
ريحي نفيتج لان النفسية تلعب دورها
واتمنى لج الراحة والصحة والعافي
مبروك الحمال
والوعه الله يعينج عليها,,, البنات ما قصروا بردودهم
انا قريت انه اول ما تقعدين من النوم لا تقومين فجأه وعلى طول,,, يعني خلج شوي بالسرير قعدي وريحي شوي واكلي شي ناشف>> بسكوت مالح او شابوره مثلا
قللي من الاكل الدسم
واذا راجعتي ممكن يصرفونلج ادويه للوعه
|
المشاركة الأصلية كتبت بواسطة زينة الخشة
 اهلين بنت الامارات والله
اصلا هذا شي طبيعي واكيد بكون صعب بما انه على ما اعتقد اول حماله بس قللي من شرب الماي انا حيل يتعبني ومع الوقت راح يخف ان شاء الله ابتعدي عن الريحة الي تلوع جبدج ولا تستخدمينها واجد رتبي عرفتج ونظفيها بادوات التعقيم بس لاتحطين بخور وعطور واجد في حملتي الاولى كنت ابخر وعطر يعني جيدة بس كان كلا ضدي كرهت اغلب عطوري الى درجة اني رميتهم كلهم في الزبالة و انتي بكرامة ريحي نفيتج لان النفسية تلعب دورها
واتمنى لج الراحة والصحة والعافي |
هلا والله زينة الخشة
اي خشيت كل عطوري..ومااستخدم إلا واحد واشوه عادي ماتلوع جبدي منه
الله المستعان ..ماقصرتي اختي =)
|
المشاركة الأصلية كتبت بواسطة ام طلال
حبيبتي اول شي مبروك وثاني شي راجعي المستشفى وبيعطونج حبوب للترجيع وانتي قسمي الوجبات بدال 3 خليهم 5 واكلي بسكوت يفيد
|
أي إن شاءالله بروح اراجع
صح وايد الي نصحوني بالبسكوت..ماقصرتي اختي
|
المشاركة الأصلية كتبت بواسطة Yasmin
اول شي الف مبروك على الحمال والله يتمم لج على خير ان شاءالله
والوعه الله يعينج عليها,,, البنات ما قصروا بردودهم انا قريت انه اول ما تقعدين من النوم لا تقومين فجأه وعلى طول,,, يعني خلج شوي بالسرير قعدي وريحي شوي واكلي شي ناشف>> بسكوت مالح او شابوره مثلا قللي من الاكل الدسم واذا راجعتي ممكن يصرفونلج ادويه للوعه |
الله يبارك فيج..إن شاءالله راح اجرب الي قلتيه..والله ييسر اختي
ويهون اللوعه
aham shai ry7ai 3umrich o la tnrfzen o tt.9aygin waid..
o eklai 5fayf
|
المشاركة الأصلية كتبت بواسطة out of reach
الله يسهل عليج حبيبتي
ويهون اللوعه |
آمين يزاج الله خير اختي ماقصرتي ..
|
المشاركة الأصلية كتبت بواسطة bintmishref
ya glbi allah ysahel 3lich wetmm 3ala 5er..
aham shai ry7ai 3umrich o la tnrfzen o tt.9aygin waid.. o eklai 5fayf |
إن شاءالله ;] أسعدني مرورج
انا جربت الروب البارد وايد نفعني
عندج بعد توست محمص
والله يهون عليج
تصدقين صارلي فتره ألحين كلش مااشرب اي شي حار..
اكلي وشربي كله بارد..لدرجة إن ألحين تعبانه من بلاعيمي :s
بس شسوي مااشتهي اي شي ساخن كلش
وآكل الروب كل يوم صاجه يبرد على جبدي شوي ويهون عليها